InfoHub Logo

⠀
جولدا كەلە جاتىپ پوليسيا قىزمەتكەرى توقتاتسا، سابىرلى بولىڭىز. بۇل – جاي تەكسەرىس نە زاڭبۇزۋشىلىققا كۇمان تۋىنداعان جاعداي. مىنە، وسىنداي ساتتە نە ىستەۋ كەرەك:
⠀
1. توقتاۋ:
پوليسيا بەلگى بەرگەن ساتتە كولىكتى ءقاۋىپسىز جەرگە توقتاتىڭىز. اينالادا بوگەت جاساماۋعا تىرىسىڭىز.
⠀
2. تەرەزەنى اشىپ، امانداسۋ:
ءوزىڭىزدى سىپايى ۇستاڭىز. پوليسيا قىزمەتكەرىمەن امانداسىپ، ونىڭ ءوزىن تانىستىرۋىن كۇتىڭىز. ق ر زاڭىنا سايكەس، ول ءوزىنىڭ ءاتى-جونىن، لاۋازىمىن ايتۋى جانە قىزمەتتىك كۋالىگىن كورسەتۋى ءتيىس.
⠀
3. قۇجاتتاردى سۇراسا:
پوليسيا جۇرگىزۋشى كۋالىگىڭىزدى، كولىكتىڭ تىركەۋ قۇجاتىن، ساقتاندىرۋ ءپوليسىن سۇراتۋعا قۇقىلى. تالاپ ەتسە، قۇجاتتاردى قولىنا ەمەس، اشىق تۇردە كورسەتۋ جەتكىلىكتى.
⠀
4. سەبەبىن سۇراڭىز:
ەگەر توقتاتۋ سەبەبى تۇسىنىكسىز بولسا، پوليسيادان ناقتى نە ءۇشىن توقتاتقانىن سۇراڭىز. ول زاڭدى تۇردە سەبەپ ايتۋى ءتيىس.
⠀
5. قۇقىقتارىڭىزدى ءبىلىڭىز:
پوليسيا زاڭسىز ارەكەتكە بارسا (قىسىم، رۇقساتسىز تەكسەرۋ، دورەكىلىك)، ارەكەتىن ۆيدەوعا تۇسىرۋگە قۇقىڭىز بار. ءبىراق ۆيدەو ءتۇسىرۋ ەتيكالىق جانە زاڭ اياسىندا بولۋى كەرەك.
⠀
6. پروتوكول تالاپ ەتىڭىز:
ەگەر ايىپپۇل سالىناتىن بولسا، حاتتاما تولتىرىلۋى كەرەك. وندا ءوز پىكىرىڭىزدى جازىپ قالدىرۋعا مۇمكىندىگىڭىز بار.
⠀
7. سابىر ساقتاڭىز:
ەشقاشان داۋلاسۋعا، اشۋلانۋعا جول بەرمەڭىز. جولداعى مادەنيەت پەن قۇقىقتىق ساۋاتتىلىق – ءوز قاۋىپسىزدىگىڭىزدىڭ كەپىلى.
⠀