InfoHub Logo

قىزىلوردا وبلىسى، قازالى اۋدانى،
قازالى اۋىلى، №100 ورتا مەكتەبىنىڭ
باستاۋىش سىنىپ ءمۇعالىمى بەردەشيەۆا جادىرا

ساباقتىڭ تاقىرىبى: جولدا ءجۇرۋ ەرەجەسىن بىلەسىڭ بە؟
ساباقتىڭ ماقساتى:
1. وقۋشىلاردى جولدا ءجۇرۋ ەرەجەسىمەن تانىستىرۋ.
2. جول قاۋىپسىزدىگىن ەستە ساقتاۋعا، بىلۋگە جول ەرەجەسىنىڭ بەلگىلەرىمەن تانىستىرۋ
3. وقۋشىلاردى كوشەدە دۇرىس ءجۇرىپ، جول ەرەجەسىن ساقتاۋعا تاربيەلەۋ.
كورنەكىلىگى: باعدارشام، جول بەلگىلەرى سالىنعان سۋرەتتەر، ينتەراكتيۆتى تاقتا، جول ەرەجەسىنە ارنالعان كىتاپتار.

ساباقتىڭ بارىسى:
1. ۇيىمداستىرۋ كەزەڭى:
كىرىسپە: «جول ءتراۆماتيزمىنىڭ الدىن الۋ» اتتى تاربيە ساعاتىن باستاعالى وتىرمىز.
جول زاڭى دۇرىس ءجۇرىپ، اباي بولۋدى تالاپ ەتەدى. جول ءتارتىبىن بۇزبا، ول قاتەر تۋدىرادى. جولدىڭ قالىپتى قوزعالىسى كوبىنەسە بالالاردىڭ جول بويىندا قالاي بولسا سولاي ءجۇرىپ، دوپ قۋالايتىنى، شاڭعى تەبەتىنى، ءجۇرىپ بارا جاتقان ماشيناعا جابىساتىنى، قالتارىستان جولعا شىعىپ كەلەتىن سالدارىنان بۇزىلادى.
جول ءتارتىبىن بۇزعاندىقتان كەيبىرەۋلەر ماشينا دوڭگەلەگىنە ءىلىنىپ قازا تاۋىپ، كەيبىرەۋلەرى جاراقات الادى. ال كەيبىرەۋلەرى ومىرلىك مۇگەدەك بولىپ قالادى. سوندىقتان ءاربىر وقۋشى مەكتەپتە وقىلاتىن «جولدا ءجۇرۋ ەرەجەسى» تاقىرىبىنداعى ساباقتى مۇقيات تىڭداپ، ءار ساباقتان قورىتىندى جاساپ وتىرۋعا مىندەتتى. ۇلگىلى، ءتارتىپتى وقۋشى كوشەدە، جولدا ءجۇرۋ ەرەجەسىن، زاڭىن بۇزبايدى.
سونىمەن قانداي بالا جول ەرەجەسىن بۇزبايدى؟
بالالار: - ۇلگىلى، ءتارتىپتى بالا.
ءمۇعالىم: - ال ەندى «جولدا ءجۇرۋ ەرەجەسىن ساقتايمىز!» اتتى تاربيە ساعاتىمىزدى اشىق دەپ جاريالايمىن.

ءىى. نەگىزگى ءبولىم:
تاقتاداعى جۇمباقتاردى شەشۋ:
جۇمباقتار
1. الا تاياق ۇستاعان،
جول ءتارتىبىن نۇسقاعان.
ءومىرىڭدى كۇزەتكەن،
ىسقىرىقپەن تۇزەتكەن. (ميليسيونەر)
2. كوشە بويلاپ اياڭدايدى،
ادام تاسىپ ايالايدى. (اۆتوبۋس)

3. كولىكتىڭ قانشاسىن ۇستىنەن وتكىزگەن،
ىرگەدەن باستالىپ، الىسقا جەتكىزگەن. (جول)
4. جوق وزىندە باس تا، اۋىزدا دا، قۇلاق تا،
باقىرايعان ءۇش كوزى بار ءبىراق تا. (باعدارشام)

5. ارقانىم بار تىم ۇزىن،
الا - المايسىڭ ءبىر ءۇزىم.
تابىڭدارشى، بالالار،
بۇل جۇمباقتىڭ شەشۋىن. (جول)

6. ءوزى سويلەي بىلمەيدى،
ءبىراق «توقتا، ءجۇر!» دەيدى. «باعدارشام»

ءمۇعالىم: باعدارشام ءومىرىمىزدى جازىمنان ساقتاندىراتىن كومەكشىمىز. ونىڭ سىرىن ءبىلىپ، ءتىلىپ الۋ بارشامىزعا كەرەك.
1. نەگە؟ ءبىزدىڭ قالامىزدا، سول سياقتى ءبىزدىڭ ەلىمىزدىڭ قالا، اۋىلدارىنا بارىنە ورتاق كوشە قاتىناس ەرەجەسى ەنگىزىلگەن. بۇل ەرەجەنى وقۋشىلار دا، ۇلكەندەر دە، ياعني بارلىق جۇرگىزۋشىلەر، كولىك جۇرگىزەتىن جۇرگىزۋشىلەر دە بۇلجىتپاي ورىنداۋى كەرەك.
2. بالالار، سەندەر كوشەدە ءجۇرۋ ەرەجەسىن بىلەسىڭدەر مە ەكەن، كورەيىك. مىناداي سۇراقتارعا جاۋاپ بەرىڭدەرشى.
3. جيەك جول دەگەن نە؟ ادامدار جاياۋ جۇرەتىن كوشە جيەگىندەگى تار جول.
4. جاياۋ ادامعا قاي جەرمەن جۇرۋگە بولمايدى؟ كولىك جۇرەتىن كوشەنىڭ ورتاسىمەن جۇرۋگە رۇقسات ەتىلمەيدى.
تاقتادا
قىزىل – توقتا!
سارى – ساقتان!
جاسىل – جول اشىق!

قىزىل كوزىن اشقاندا،
سىنىق سۇيەم باسپا العا
سارى كوزىن اشقاندا،
قاراپ قالما اسپانعا!
جاسىل كوزىن اشقاندا،
وتە بەرگىن، جاسقانبا!
وقۋشىلار باعدارشام سيگنالدارىن قولدارىنا ۇستاپ، كەزەگى كەلگەندە كورسەتىپ تۇرادى.

ءان: باعدارشام
1. كوشەدە ءبىز ساق بولايىق،
قايمىقپاسىن اتا – انا.
جولدا سەن بول لايىق،
جاس ۇلان دەگەن اتقا
ق - سى:
ءارقاشان كۇن سونبەسىن،
اسپاننان بۇلت تونبەسىن.
قاسىمدا بولسىن انام،
بولايىن مەن دە امان!
2. جولدا ءجۇرۋ الىپپەسىن
بىلگەن ءجون بەس ساۋساقتاي.
سوندا عانا جۇرە الاسىڭ،
سەن ءوزىڭدى ساۋ ساقتاپ
كوكپەڭبەك ىسىنگەن باس – كوزىڭدە؟

ءمۇعالىم: بالالار، ءبىز ءار بەلگىنىڭ نە ماقساتتا قولدانىلاتىنىن بىلدىك.
قورىتىندىلاۋ:
ءمۇعالىم: بالالار، بۇگىنگى ساباقتى قورىتا كەلە «جاس ءداۋىردىڭ بالالارى» ءانىن ايتايىق. دەنىمىز ساۋ، ەلىمىز تىنىش، جول ءتارتىبىن ساقتاپ، امان – ەسەن جۇرەلىك.