جوو-نىڭ اقىلى بولىمىنە تۇسەتىندەر ۇبت-دان بوساتىلۋى مۇمكىن
مەكتەپ ءبىتىرۋشى تۇلەكتەر جوعارى وقۋ ورنىنىڭ اقىلى بولىمىنە بۇدان بىلاي ۇلتتىق ءبىرىڭعاي تەست تاپسىرماي-اق ءتۇسۋى مۇمكىن، دەپ حابارلايدى حابار24.
ءبىلىم جانە عىلىم مينيسترلىگى وسى باستامانى تالقىلاپ جاتىر.
«مۇنداي جەڭىلدىككە بارساق، ابيتۋريەنتتەر شەتەلدىك وقۋ ورىندارىنا اعىلماي، ءوزىمىزدىڭ ءبىلىم وردالارىنا تۇسەر ەدى»، - دەيدى ماماندار.
مينيسترلىك وكىلدەرى وسى ماسەلەنى قولعا الىپ، ۇلتتىق جانە مەملەكەتتىك ۋنيۆەرسيتەتتەردەگى ءبىلىم بەرۋ جۇيەسىنە ءبىرتالاي وزگەرىس ەنگىزۋدى ويلاستىرىپ وتىر. ماسەلەن، ۋنيۆەرسيتەتتەر كوممەرسيالىق ەمەس اكسيونەرلىك قوعام رەتىندە جۇمىس ىستەۋى مۇمكىن. وعان سايكەس، ءبىلىم وردالارى نارىق سۇرانىسىنا قاراي وزدەرىنىڭ وقۋ جۇيەلەرىن قۇرۋعا مىندەتتى بولادى. وز-وزدەرىن دامىتۋدى قولعا الاتىن جوعارى وقۋ ورىندارى قوعامدا باسەكەگە قابىلەتتى كادرلار دايارلاپ، ساپالى ماماندار شىعارۋى ءتيىس.
«ۇبت-نىڭ ناشارلىعى بار دەپ كوپ ادام سىنعا الىپ ءجۇردى. سوندىقتان دا ءبىزدىڭ مينيستىرلىكتەن سۇراپ جۇرگەنىمىزدىڭ دە سەبەبى بار. ەندىگى جىلدان باستاپ اقىلى بولىمگە الاتىنداردى وقۋ ورىندارى وزدەرى قابىلداسىن. عالىمدار دا، ماماندار دا جەتكىلىكتى. وزدەرى دە ەمتيحان قابىلداۋعا شامالارى جەتەدى دەپ ويلايمىز»، - دەيدى ق ر جوعارى وقۋ ورىندارى قاۋىمداستىعىنىڭ پرەزيدەنتى راحمان الشانوۆ.
You Might Also Like
-
قازاقستاندا مەكتەپ تۇلەگى جۇرگىزۋشى كۋالىگىن الىپ شىعاتىن بولادى. بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ ءبىلىم جانە عىلىم ءمينيسترى ەرلان ساعادييەۆ ءمالىم ەتتى، دەپ حابارلايدى قازاقپارات.
-
ەگەر ءسىز اكە بولساڭىز، ءسىزدىڭ كىشكەنتاي، جۇدىرىقتاي عانا ۇلىڭىز بار بولسا، ونىڭ بولاشاقتا قانداي جىگىت بولىپ وسپەگىن بايقاپ كورمەك بولساڭىز، وندا ونى انا بولمەدەگى شىلىمعا جۇمساپ كورىڭىز. ەگەر س...
