جوو تاڭداعاندا تالاپكەر قانداي كريتەرييلەرگە ءمان بەرۋى كەرەك
2021 جىلدان باستاپ جوعارى وقۋ ورىندارى مەملەكەتتىك ەمەس ءوز ۇلگىسىندەگى ديپلومدار بەرەدى. بۇل تۋرالى ق ر بعم ءبىلىم جانە عىلىم سالاسىنداعى باقىلاۋ كوميتەتىنىڭ ءتورايىمى گۇلزات كوبەنوۆا ايتتى.
«بولاشاق ماماندىقتى جانە جوعارى وقۋ ورنىن تاڭداعان كەزدە قاتەلىككە بوي الدىرماۋ وتە ماڭىزدى. سەبەبى، وزدەرىڭىز بىلەتىندەي، 2021 جىلدان باستاپ جوعارى وقۋ ورىندارى مەملەكەتتىك ەمەس ءوز ۇلگىسىندەگى ديپلومدار بەرەدى. سوندىقتان جوو تۇلەگىنىڭ كەلەشەكتە جۇمىسقا قالاي ورنالاساتىندىعى، ەڭبەك نارىعىنان ورىن الۋى ماڭىزدى بولىپ وتىر. مينيسترلىك تاراپىنان 3 جىل قاتارىنان «اتامەكەن» ۇكپ-مەن بىرگە جوو-لاردىڭ رەيتينگى جۇرگىزىلىپ كەلەدى. بۇل رەيتينگ وتكەن جىلى 109 جوو اراسىندا جۇرگىزىلدى. وسى ورايداعى ماڭىزدى كريتەرييلەر - جوو بىتىرگەن ادامنىڭ جۇمىسقا ورنالاسۋ كورسەتكىشى، وعان دەگەن سۇرانىس، قانشا ۋاقىتتىڭ ىشىندە جۇمىسقا ورنالاسۋى، تاپقان جۇمىسىنىڭ ورتاشا جالاقىسى»، — دەدى كوميتەت ءتورايمى.
ماسەلەن، ونىڭ ايتۋىنشا، وتكەن جىلى جوعارى وقۋ ورنىن بىتىرۋشىلەردىڭ جۇمىسقا ورنالاسۋ ۋاقىتى ورتاشا ەسەپپەن 3،5-5 ايعا دەيىن سوزىلعان. ال ورتاشا جالاقى 100 مىڭ تەڭگەدەن باستالعان.
«جۇمىسقا ورنالاسۋ كورسەتكىشىن قارايتىن بولساق، 61 جوو تۇلەكتەرىنىڭ 50 پايىزعا جۋىعى عانا جۇمىس تاپقان. تەك جىلدىڭ سوڭىنا قاراي عانا بۇل كورسەتكىش 74 پايىزدان اسىپ وتىر. وكىنىشكە وراي، وسى رەيتينگتىڭ ەڭ تومەنگى ساتىسىندا تۇرعان جوو-لار جىلدا قايتالانادى. بۇل رەيتينگتى مينيسترلىكتىڭ جانە ۇلتتىق كاسىپكەرلەر پالاتاسىنىڭ سايتىنان قاراۋعا بولادى. ايتالىق، قازىرگى اقتاۋ گۋمانيتارلىق-تەحنيكالىق ۋنيۆەرسيتەتى، ورتالىق ازيا ۋنيۆەرسيتەتى، وڭىرلىك الەۋمەتتىك-يننوۆاسيالىق ۋنيۆەرسيتەتى، SILK WAY حالىقارالىق ۋنيۆەرسيتەتى، استانا ۋنيۆەرسيتەتى رەيتينگتىڭ تومەنگى ساتىسىندا تۇر. ورتالىق قازاقستان اكادەمياسى، ساپاربايەۆ اتىنداعى ينستيتۋت، ميراس ۋنيۆەرسيتەتى، سىرداريا ۋنيۆەرسيتەتى تۇلەكتەرىنىڭ جۇمىسقا ورنالاسۋ كورسەتكىشى تومەن»، — دەدى گۇلزات كوبەنوۆا.
You Might Also Like
-
مىڭداعان قازاقستاندىق مەكتەپ تۇلەگى ۇلكەن ومىرگە قادام باسىپ جاتىر جانە ولار ءۇشىن العاشقى ترامپلين — ماماندىق تاڭداۋ، ۇبت تاپسىرۋ جانە جوعارى وقۋ ورنىنا ءتۇسۋ. ق ر بعم جوعارى جانە جوعارى وقۋ ور...
-
قالماقتىڭ حانى قارامان قىرىق مىڭ اسكەر الىپ، وزبەكتىڭ شاھارىن شابۋعا كەتكەن ەكەن، قاينەكەي، تىنەكەي دەگەن ەكى قارىنداسىن: «ەلگە يە بولىڭدار» دەپ. قاراماننىڭ بوزتۇلپار دەگەن تۇلپارى جىلق...
