حالىقارالىق سەرتيفيكاتتار ءتىزىمى IELTS INDICATOR جانە Duolingo English Test-پەن تولىقتى
حالىقارالىق سەرتيفيكاتتار ءتىزىمى IELTS INDICATOR جانە Duolingo English Test سەرتيفيكاتتارىمەن تولىقتىرىلدى.
«2020 جىلى ماگيستراتۋرا مەن دوكتورانتۋرانىڭ ءبىلىم باعدارلامالارى بويىنشا وقۋعا ءتۇسۋ ءۇشىن شەت ءتىلىن مەڭگەرگەنىن راستايتىن حالىقارالىق سەرتيفيكاتتاردىڭ ءتىزىمى IELTS INDICATOR (ايلتس ينديكاتور) جانە Duolingo English Test (دۋولينگو ينگليش تەست) سەرتيفيكاتتارىمەن تولىقتى. اتالعان تەستىلەر ارنايى اقپاراتتىق جۇيە ارقىلى تەك ەلەكتروندى فورماتتا تاپسىرىلادى» دەلىنگەن ق ر بعم باسپا ءسوز قىزمەتىنىڭ مالىمەتىندە.
ماگيستراتۋرا ءۇشىن IELTS INDICATOR بويىنشا شەكتى بالل 6-دان كەم ەمەس، Duolingo English Test بويىنشا – 95-تەن كەم ەمەس. دوكتورانتۋرا ءۇشىن IELTS INDICATOR بويىنشا شەكتى بالل – 5،5-تەن، ال Duolingo English Test بويىنشا – 85-تەن كەم ەمەس.
«IELTS INDICATOR سەرتيفيكاتىنىڭ پايدالانۋ مەرزىمى 2 جىلدى قۇرايدى، ال Duolingo English Test سەرتيفيكاتى 1 جىلعا دەيىن جارامدى»، - دەپ اتالىپ وتكەن ۆەدومستۆو حابارلاماسىندا.
ايتا كەتكەن ءجون، شەت ءتىلىن مەڭگەرگەندىگىن راستايتىن سەرتيفيكات تەك دوكتورانتۋرا ءۇشىن مىندەتتى بولىپ تابىلادى. ماگيستراتۋرانىڭ ءبىلىم بەرۋ باعدارلامالارى بويىنشا وقۋعا ءتۇسۋ ءۇشىن IELTS INDICATOR نەمەسە Duolingo English Test حالىقارالىق سەرتيفيكاتتارىن ۇسىنۋعا نەمەسە كەشەندى تەستىلەۋ (كت) بارىسىندا شەت تىلىنەن تەست تاپسىرۋعا بولادى.
You Might Also Like
-
تۋعان جەرگە دەگەن سۇيىسپەنشىلىك تۋعان ەلگە — قازاقستانعا دەگەن پاتريوتتىق سەزىمگە ۇلاسادى. ن.ءا. نازاربايەۆ
-
تاما نارىك بايدىڭ بايبىشەسىنىڭ اتى — گۇلقانىس، شورا باتىردىڭ شەشەسى. نارىك بايعا قىدىردىڭ التى قوي باققان اقساقال شال بولىپ سويلەسكەنى:
