InfoHub Logo

ءبىلىم سالاسى: الەۋمەتتىك ورتا
ءبولىم: ءوزىن - ءوزى تانۋ

تاقىرىبى: جۇرەگىمدە جاقسىلىق
ماقساتى، مىندەتتەرى: بالالاردى « قامقورلىققا»، «وزىنە جانە وزگەگە» دەگەن قامقورلىق ۇعىمدارىمەن تانىستىرۋ، بالالاردىڭ ساناسىنا، وزىنە، جاقىن تۋىستارىنا، دوستارىنا دەگەن قامقورلىق سەزىمىن قالىپتاستىرۋ جانە دامىتۋ.
- بالالاردى ادامدارعا، اينالاسىنداعىلارعا قامقور، كىشىپەيىل، مەيىرىمدى، قايىرىمدى بولۋعا ۇيرەتۋ؛
- دوستارىنا، جانۇياسىنا، تۋىستارىنا سۇيىسپەنشىلىكتەرىن ارتتىرۋ؛
- قامقور بولۋعا تاربيەلەۋ؛
زاتتىق دامۋ ورتاسى: ينتەراكتيۆتى تاقتا، وقۋلىق، ءتۇرلى – ءتۇستى قاعازدار، جەلىم، قايشى.
ارەكەتتەر كەزەڭى تاربيەشىنىڭ ءىس – ارەكەتى
بالانىڭ ءىس - ارەكەتى

موتيۆاسيالىق - قوزعاۋشى بالالارمەن سالەمدەسۋ بالالار سالەمدەسەدى
ۇيىمداستىرۋشىلىق - ىزدەنۋشىلىك 1. شاتتىق شەڭبەرى
قايىرلى كۇن بالالار! وسىنداي مەيىرىمدى، اقىلدى، قامقورشىل، قايىرىمدى وقۋشىلارىمدى كورگەنىمە قۋانىشتىمىن. ال ەندى بۇگىنگى ساباققا كەلىپ وتىرعان قوناقتارمەن سالەمدەسەيىك! سالەمدەسۋ ادامگەرشىلىكتىڭ، يناباتتىلىقتىڭ، ىزەتتىلىكتىڭ نىشانى.
ۇلكەنگە دە ءسىز،
كىشىگە دە ءسىز،
سالەم بەرىپ سىزدەرگە،
باس يەمىز ءبارىمىز!
مىنا شۋاقتى كۇننىڭ جىلى شىرايمەن، مەيىرىم شاشىپ، ءماز بولىپ قۋانىپ تۇرعانىن قاراڭدارشى! ەندەشە بىزدە وعان جىلى شىرايمەن، كوتەرىڭكى كوڭىل كۇيمەن كۇلىمسىرەپ سالەم بەرەيىك. مىنە، تاماشا! ەندى، قانەكەي ءبىر - ءبىرىمىزدى قارسى الايىق!
ءبىز قامقورشى بالامىز،
ۇلكەندەرگە پانامىز.
ايالايمىز، سۇيەمىز،
ءارقاشاندا ۇلكەنگە
ءبىز قامقورشى بولامىز.
ال، ەندى مەن سەندەردى ىڭعايلاپ وتىرۋعا شاقىرامىن. ءقازىر اۋەن ويناعان كەزدە، جۇرەگىمىزدەگى سيقىرلى الەمگە اتتانامىز. كوزدەرىڭدى جۇما قويىندار.

2. تىنىشتىق ءساتى (مۋزىكا)
- بالالار، سەندەر ب ا ق ءىشىن ارالاپ جۇرگەندەرىڭدى كوز الدارىنا ەلەستەتىڭدەرشى. توڭىرەككە سۇيسىنە قاراڭدارشى.
وتە تاماشا!
بۇل نە عاجاپ!
ب ا ق مۇلدە وزگەرگەن. جازداعى جاپ - جاسىل ءتۇس سارى التىن تۇسكە بويالعان. اياق استىنا قاراڭدارشى، جەرگە ساپ - سارى كىلەم توسەلگەن سياقتى. جەر جۇرۋگە ىڭعايلى، جۇپ - جۇمساق. اندا - ساندا اعاراڭداپ جەمىس اعاشتارى كورىنىپ قالادى. ولاردىڭ سارى جاپىراقتارى سۋسىلداپ جەرگە ءتۇسىپ جاتىر، بۇتاقتارىنىڭ اراسىنان كوگىلدىر اسپان كورىنىپ تۇر. وسى تاماشا سيقىرلى باققا كەلگەن ادامدار مەيىرىمدى، قامقورشىل بولىپ كەلەدى. ويتكەنى بۇل - سيقىرلى باقشا. مۇندا دانىشپان قاريا ءومىر ءسۇرىپ كەلەدى. ول قاريا سەندەر سياقتى جاقسى، ىزەتتى بالالاردى جاقسى كورەدى. ەگەر ونىڭ جانىنا بارىپ:«اسسالاۋماعالەيكۋم اتا!» دەپ سالەم بەرسەڭدەر، ول ءوزىنىڭ جىلى الاقانىمەن سەندەردىڭ باستارىنان سيپاپ، باتاسىن بەرەدى. ال ەندى قاريانىڭ باتاسىن الىپ، ءوز سىنىبىمىزعا قايتا ورالايىق!
ەندى سەندەر، ودان بەتەر مەيىرىمدى، يناباتتى، ىزەتتى، ءتارتىپتى بالا بولاسىڭدار. ەندى كوزدەرىڭدى اشىپ، قولدارىڭدى جوعارى سودان كەيىن ەكى جاققا سوزىڭدار، تەرەڭ دەم الىڭدار، مىنە تاماشا!
- بالالار تىنىشتىق ساتىندە سەندەردىڭ كوز الدارىنا نە ەلەستەدى؟
- سەندەر قانداي جەردە بودىندا دەپ ويلايسىڭدار؟
ەندى مەن سەندەرگە ولەڭ وقىپ بەرەيىن.
اتام مەنىڭ قاشاندا،
كىشىپەيىل بول دەگەن.
اقىل ءسوزى سانامدا،
ماقتانباۋدى ءجون كورەم.
اتام مەنىڭ ءارقاشان،
مەيىرىمدى بول دەگەن.
اقىل ءسوزى سانامدا،
جاسى ۇلكەنگە جول بەرەم.
اتام مەنىڭ ءارقاشان،
قامقورشى بالا بول دەگەن.
قامقور بولسا ادامدار،
شىن باقىت قوي ول دەيتىن.

3. اڭگىمەلەسەيىك
- بالالار، ولەڭدە نە جايلى ايتىلعان؟
- سەندەر اتالارىنا كومەكتەسەسىڭدەر مە؟
- سەندەر قامقورلىق جاساي الاسىڭدار ما؟
- ال، بالالار، قامقورلىق دەگەندى قالاي تۇسىنەسىڭدەر؟
- ەندەشە، بالالار! مەن بۇگىنگى «ءوزىن - ءوزى تانۋ» ساباعىن رۋحاني قۇندىلىق بولىپ تابىلاتىن «قامقورلىق» دەگەن سوزدەن باستاعىم كەلىپ تۇر. بۇگىنگى تاربيە ساعاتىمىزدىڭ تاقىرىبى «جۇرەگىمدە جاقسىلىق».
قامقورلىق دەگەنىمىز - ادام ويى مەن ءىس - ارەكەتىنىڭ وزىنە، اتا - اناسىنا، جاقىندارىنا، جورا - جولداستارىنا جانە اينالاسىنداعىلارعا جاقسىلىق جاساۋعا ۇمتىلۋى. حالقىمىز ۇرپاعىن مەيىرىمدىلىككە تاربيەلەپ، قاتىگەزدىكتەن قاقپايلاپ، قاتالدىقتان ساقتاندىرىپ وتىرعان. مەيىرىمدى ادام قامقور بولۋعا ىنتىق كەلەدى.
ءاربىر ادامعا ءوز جانىمىزداي قامقور بولساق، بىزگە دە باسقا وزگە ادامدار قامقورلىق جاسايدى. ولاي بولسا، ءوزىڭدى دە، وزگەنى دە ايالاي ءبىلۋىمىز قاجەت دەپ ءتۇسىنۋىمىز كەرەك

بالالاردىڭ قوناقتارمەن سالەمدەسۋى
يناباتتى، يبالى قاسيەتتەرىن بويىنا ءسىڭىردى.
ولەڭ شۋماقتارىن ايتتى
بالالار سۇراقتارعا جاۋاپ بەردى
بالالار ءبىر - بىرلەرىنە قامقور بولۋدى ۇيرەندى

رەفلەكسيۆتى - تۇزەتۋشىلىك «جۇرەكتەن - جۇرەككە» شەڭبەرى
بالالار، «ءوزىن - ءوزى تانۋ» الەمىندە تەك ءبىزدىڭ جۇرەگىمىز سويلەسە الاتىن ءبىر عاجايىپ جەر بار.
ول جەرگە بارۋ ءۇشىن «جۇرەكتەن - جۇرەككە شەڭبەرىن قۇرايىق. ءبىر توپتا ءبارىمىز تاتۋ - ءتاتتى ءومىر ءسۇرۋ ءۇشىن ءبىر - بىرىمىزگە جۇرەك تۇكپىرىندەگى وتە ادەمى، جاقسى سوزدەردى ارنايىق. وسى جىلى سوزدەرىمىزدى كەلگەن قوناقتارعا سىيلايىق.

بالالار شەڭبەر قۇرادى.
كۇتىلەتىن ناتيجە:
ءبىلۋ: ادامگەرشىلىك، يناباتتىلىق، ىزەتتىلىك، يبالىق ت. ب. جايلى مالىمەتتەردى ءبىلدى.
مەڭگەرۋ: وسى قاسيەتتەردى بويىنا ءسىڭىرىپ، مەڭگەردى.
جاساي الۋ: ءبىر - بىرلەرىنە قامقورلىق كورسەتە الادى.