InfoHub Logo

بۇرىن ناتاليا ءۇشىن قازاق ءتىلى اۋەزدى مۋزىكا سياقتى ەستىلەتىن - ادەمى، ءبىراق تۇسىنىكسىز. پاۆلوداردا ءتۋىپ-وسىپ، ول بۇكىل ءومىرىن ورىس تىلىندە وتكىزىپ كەلدى: مەكتەپتە، ۋنيۆەرسيتەتتە، جۇمىستا. قازاق ءتىلى قاسىندا بولعانىمەن، «بوتەن» سەزىلەتىن، پاراللەل ءومىر سۇرەتىندەي ەدى.

«مەن ءاردايىم ءتىلدى قۇرمەتتەدىم، ءبىراق ول ماعان تيەسىلى ەمەس سياقتى

كورىنەتىن. اينالامداعىلاردىڭ ءبارى ورىسشا تۇسىنگەندىكتەن، ونى ۇيرەنۋدىڭ اسا قاجەتتىلىگىن سەزبەدىم».

ەكى جىل بۇرىن، 37 جاسىندا، ناتاليا وسى بولىنىستە ءومىر سۇرگىسى كەلمەيتىنىن ءتۇسىندى.

«ەسىمدە، ءبىز ارىپتەستەرىممەن ناۋرىزدى اتاپ جاتقانبىز، - دەپ ەسكە الادى. -

بارلىعى ءبىر-بىرىن قازاقشا قۇتتىقتاپ، ازىلدەپ، ءان ايتىپ جاتتى. ال مەن ۇندەمەي كۇلىپ تۇردىم، ەشتەڭە تۇسىنبەي. سول ساتتە قاتتى ۇيالىپ كەتتىم. ادامدارمەن ولاردىڭ ءوز تىلىندە سويلەسكىم كەلەتىنىن ءتۇسىندىم».

سول كەزدە ناتاليا تەگىن ونلاين-كۋرستارعا جازىلۋعا شەشىم قابىلدادى.

العاشقى ايلار قيىن بولدى: ءالىپبي، ايتىلىم، گرامماتيكا. ءبىراق بىرتىندەپ - فيلمدەر، كىتاپتار، TikTok جانە ارىپتەستەرىمەن كۇندەلىكتى سويلەسۋ ارقىلى - قازاق ءتىلى ونىڭ ءومىرىنىڭ ءبىر بولىگىنە اينالدى.

بۇگىندە ناتاليا تەك ءتۇسىنىپ قانا قويمايدى - ول قازاقشا ويلايدى.

«كورشىلەرمەن سويلەسەمىن، جاڭالىقتار وقيمىن، پوستتار جازامىن. ارينە، ءتىلدى ءالى تولىق مەڭگەرگەن جوقپىن، كەيدە شاتاسىپ قالامىن، ءبىراق ەڭ باستىسى

- قورىقپايمىن. قازاق ءتىلى ۇلتقا قاراماي، بارىنە اشىق».

ناتاليانىڭ حيكاياسى - جالعىز ەمەس. قانداي ۇلتتان بولسا دا، قازاق ءتىلىن سانالى تۇردە ۇيرەنە باستاعاندار كوبەيىپ كەلەدى. قالالاردا سويلەسۋ

كلۋبتارى اشىلىپ جاتىر، ونلاين-پلاتفورمالار دا قىزىعۋشىلىقتىڭ ءوسىپ جاتقانىن كورسەتەدى.

استانا قالاسىنىڭ تىلدەردى دامىتۋ جانە ارحيۆ ءىسى باسقارماسىنىڭ وكىلى قازاقستان بويىنشا جۇرگىزىلگەن ساۋالناما ناتيجەسىنە سايكەس، حالىقتىڭ 81،5%-ى مەملەكەتتىك ءتىلدى مەڭگەرگەنىن اتاپ ءوتتى.

«ءبىزدىڭ بايقاۋىمىز بويىنشا، ورىس ۇلتىنان شىققاندار قازاق ءتىلىن كوبىنە

قارىم-قاتىناس ارقىلى يگەرسە، قازاقتار - وقۋ ارقىلى، ال باسقا ەتنوس وكىلدەرى

- IT ونىمدەرى، سايتتار مەن پورتالار ارقىلى وزدىگىنەن مەڭگەرەدى. بۇل ءتىلدىڭ قازىرگى زاماننىڭ تابيعي بولىگىنە اينالىپ كەلە جاتقانىن كورسەتەدى».

ناتاليا ءۇشىن قازاق ءتىلى - فورمالدىق ەمەس، ەلدىڭ ءبىر بولىگى ەكەنىڭدى سەزىندىرەتىن قۇرال.

«قازاقشا سويلەي باستاعان كەزدە، ءوزىم تۇرىپ جاتقان ەلدى جاقسىراق سەزىنە باستاعانىمدى ءتۇسىندىم».

كۋبييەۆا ارۋجان