Photo: Ayazhan (https://www.pexels.com/@ayazhan-3173683) / Pexels
جۋرناليست گۇلبانۋ ابەنوۆا: كەيبىر كومپانيالار جارناما ءۇشىن پاتەر تاراتىپ، ءوز ءونىمىن ءوزى تۇتىنبايدى
جۋرناليست گۇلبانۋ ابەنوۆا الەۋمەتتىك جەلىدەگى جازباسىندا كاسىپكەر تۇرسىن الاگوزوۆ پەن پروديۋسەر بايان ماقساتقىزىنا قاتىستى پىكىر ءبىلدىردى. ول قازىرگى نارىقتاعى كەيبىر ۇردىستەردى سىنعا الىپ، وندىرۋشىلەردىڭ وزدەرى تۇتىنبايتىن ونىمدەر ارقىلى دا قوماقتى تابىس تاۋىپ وتىرعانىن ايتتى.
بۇل تۋرالى Infohub.kz اقپارات اگەنتتىگى حابارلايدى.
«ادام ءوزى قولدانبايتىن تاۋاردان دا ميلليون، ءتىپتى ميلليارد تابادى. ءوز ءونىمىن ءوزى تۇتىنباۋى دا مۇمكىن»، - دەدى جۋرناليست.
سونىمەن قاتار گۇلبانۋ ابەنوۆا “سەسنا” ونىمدەرىنە قاتىستى ويىن ايتىپ، قاپتامادا كورسەتىلگەن سالماق پەن ناقتى ءونىم مولشەرى سايكەس كەلمەيتىنىن العا تارتتى. ونىڭ پىكىرىنشە، مۇنداي جاعداي تۇتىنۋشىلار سەنىمىنە كەرى اسەر ەتەدى.
«ەتكە ارنالعان قامىردى كوپتەن بەرى “سەسنادان” الامىز. بۇرىن دا ايتقانمىن: قاپتاماداعى سالماقتان از بولىپ شىعادى. بۇل – ادالدىققا جاتپايدى»، – دەدى ول.
جۋرناليست سونداي-اق كەيبىر كومپانيالاردىڭ جارنامالىق اكسيالارىن دا سىنعا الدى. ونىڭ ايتۋىنشا، پاتەر نەمەسە قىمبات سىيلىقتار تاراتۋ ارقىلى جاسالاتىن PR قوعامدا ءاردايىم دۇرىس قابىلدانبايدى.
«پيار ءۇشىن پاتەر تاراتىپ جاتىر. ءبىراق ازىرگە ول ۇيلەرگە ەشكىم كىرگەن جوق، ادامدار تەك سەرتيفيكات ۇستاپ وتىر. سونىڭ ورنىنا قىزمەتكەرلەرگە لايىقتى جالاقى تولەۋگە بولماس پا ەدى؟» – دەپ جازدى ابەنوۆا.
-
ۆ مانگيستاۋسكوي وبلاستي ۆنەدرەنا نوۆايا سيستەما كونتروليا نا دوروگاح دليا پوۆىشەنيا بەزوپاسنوستي. ۋزنايتە، كاك رابوتايۋت "فيلتراسيوننىە" پوستى.
-
اقمولا وبلىسىندا سەگىز تەمىرجول ۆوكزالى جاڭارىپ، زاماناۋي ۇلگىدە سالىنادى. قۇرىلىس جۇمىستارىنىڭ مەرزىمى مەن جوبالار تۋرالى تولىق اقپارات.
