InfoHub Logo

جۋرناليست جانار بايسەمىز ءوزىنىڭ شەتەلدىك ازاماتقا تۇرمىسقا شىققانى تۋرالى ايتىپ، كوپشىلىكتىڭ پىكىرىنە جاۋاپ بەردى. ول كورەرمەندەر اراسىندا تاراعان «ءسىزدى شەتەلدىك ازاماتقا قيمايدى» دەگەن پىكىرگە قاتىستى ويىن ءبىلدىردى.

بۇل تۋرالى Infohub.kz اقپارات اگەنتتىگى حابارلايدى.

«قىزعانۋ دەگەن دۇنيەنى تۇسىنبەيمىن. كورەرمەن ماحابباتىن قابىلدايمىن. باستاپقىدا «ءسىزدى قيمايمىز» دەگەن سوزدەر ءجيى ايتىلدى. بالكىم، مەن سول كەزدە ادامدى ۇلتقا بولمەيتىن دەڭگەيدە بولدىم. ءقازىر ۇلتشىل ەمەسپىن دەپ ايتا المايمىن، ءبىراق ادامدى ۇلتقا بولمەيمىن. مەن ادەيىلەپ شەتەلدىك ازاماتقا تۇرمىسقا شىعايىن دەگەن جوسپار قۇرعان جوقپىن. بۇل مەنىڭ تاڭداۋىم. ايتپەسە مەن دە قازاق جىگىتىنە تۇرمىسقا شىققىم كەلدى»، — دەدى جۋرناليست.

اتا-انانىڭ قولداۋى

جانار بايسەمىز اتا-اناسىنىڭ بۇل شەشىمىن قالاي قابىلداعانىن دا ايتىپ بەردى. ونىڭ ايتۋىنشا، اتا-اناسىنان ەشقانداي قارسىلىق بولماعان. اناسى العاشىندا تۇسىنبەي قالعانىمەن، اكەسى بىردەن باتاسىن بەرگەن.

«مەن ءۇيدىڭ تۇڭعىشىمىن، 38-گە كەلدىم، ءوز ءومىرىمنىڭ قوجاسىمىن. اتا-انام «قارسىمىز» دەپ ايتقان جوق، مەن نە ىستەسەم دە قولدايدى. ەشقانداي شەكتەۋ بولعان جوق»، — دەپ تولىقتىردى ول.

كەزدەسۋدىڭ قيىندىقتارى

جۋرناليست جولداسىنىڭ اناسى ۋكراينادا تۇراتىنىن جانە سوعىسقا بايلانىستى ءالى كۇنگە دەيىن كەزدەسۋدىڭ بولماعانىن ايتتى. ولار ۋكرايناعا بارىپ قايتقانىمەن، جولداسىنىڭ اناسىن قازاقستانعا شاقىرۋ مۇمكىن بولماعان.