InfoHub Logo

ۇتىمدى تاقىرىپ وقىرمان كوڭىلىن اۋلاپ،بىردەن وقۋعا  اسەر ەتەدى. كەيدە جۋرناليستەر ۇتىمدى تاقىرىپ قويا بەرمەيدى. مىسالى، «قونايەۆتىڭ بالالىق شاعى قايدا ءوتتى؟»-دەگەن تاقىرىپ مۇلدەم اسا تارتا قويمايدى. وقىرماننىڭجازىلعان ماقالانى وقۋىنا قويىلعان ۇتىمدى تاقىرىپتىڭ دا  اسەرى بار. ءدال وسى تۇستا ۇتىمدى قويىلدى دەگەن تاقىرىپتىڭ بىرىنە جۋرناليست بەرىك بەيسەن ۇلىنىڭ «انا ءتىلى» گازەتىنە جاريالاعان «ورىس ءتىلى – دۇنيەنىڭ كىلتى ەمەس»، دەگەن ماقالاسىن الساق بولادى. سونداي-اق، «جىلتىراعاننىڭ ءبارى التىن ەمەس»، - دەمەكشى، شەبەر قويىلعان «الدامشى» تاقىرىپتار بولادى. الايدا ىشىنە ءۇڭىلىپ، وقىپ قاراساڭ، ءىلىپ الار ەشتەڭەسى جوق.

ءجۋرناليستىڭ ماقساتى – كەز-كەلگەن اقپاراتتى تەك شىندىققا سۇيەنە وتىرىپ بەرۋ. وقىرمانعا اقپاراتتى شىنايى فاكتىگە سۇيەنە وتىرىپ بەرمەسە، جۋرناليست دەگەن اتاقتان نە حايىر. ءارقاشان ماقالاسىن جازباس بۇرىن ناقتى دالەل ىزدەۋى شارت. ەگەر ناقتى دالەل بولماسا، ويىنا كەلگەنىن جازسا، جاي عانا بلوگەردەن ەشقانداي ايىرماشىلىعى بولماعانى. ارينە. سەبەبى، كولگىرسىگەن كوپ سوزدەن ناقتى دالەل مىڭ ەسە ارتىق. «اسەرى جوق ءسوز – ءولى ءسوز»-، دەپ بەكەر ايتىلماعان.

جۋرناليست ماقالاسى تاپقىر، ءارى قايتالانباعان بولۋى ابزال. زامان دامىپ ب ا ق كوزدەرى كوبەيگەلى، كەي اقپاراتتىڭ ادام ساناسىنا بەرەرى از جانە ويعا ءتۇرتىپ الارداي سوزدەرى بولماي جاتادى. وقىرماندى قايتالانعان ماقالامەن قىزىقتىرۋ مۇمكىن ەمەس، ەگەر ۇتىمدى تاقىرىپ قويىلعاننان كەيىن بەرەرىڭ جوق بولسا، جازۋدىڭ دا ءمانى از. مىسالى، سۇحبات بارىسىندا سۇراقتار دۇرىس قۇرالماعان نەمەسە تەرەڭىنەن زەرتتەلمەگەن بولسا، وندا جاۋاپتىڭ قايماعىنا جەتە المايسىڭ. تاپقىر جازىلعان ماقالا تەك وقىلىمدى بولىپ قويماي، ۇلتقا تاربيە بەرەتىن بولادى. تاپقىر جازىلعان شىعارمانىڭ ماڭىزدىلىعى دا وسىندا. حالىق پەرزەنتىباۋىرجان مومىش ۇلى ايتقانداي: «زامان – تەڭىز. تەڭىز تۇبىندە شاباق تا جۇرەدى، شورتان دا جۇزەدى». ءبارى بىردەي شەبەر جۋرناليست بولا بەرمەيدى. كەي جۋرناليستەردە وسى ايتىلعاننىڭ ءبارى بولماۋى مۇمكىن، ءبىراق تالاپتانسا شەبەرلىككە ۇمتىلۋعا ەش كەدەرگى جوق!

احمەتقازى بەكزات بولات ۇلى، جۋرناليستيكا فاكۋلتەتىنىڭ 2-كۋرس ستۋدەنتى

---