سيفرلىق مەدياداعى جۋرناليست شەبەرلىگى
زاماناۋي الەمدە ءومىردى باق-سىز ەلەستەتۋ مۇمكىن ەمەس. قازىرگى الەمدە جاڭالىقتاردى بەرۋدىڭ، تىڭداۋدىڭ جانە كورۋدىڭ كوپتەگەن جولدارى بار. ادامزات اقپاراتقا تاۋەلدى. قوعام قانداي اقپارات العىسى كەلەتىنى تۋرالى ويلاندىراتىن – جۋرناليستيكا. باسقاشا ايتقاندا، جۋرناليستيكا – قوعامعا، قوعام – مەدياعا باعىتتالعان.
جۋرناليست – جاڭالىقتار جازۋ ءۇشىن رەپورتاج، سۇحبات جانە زەرتتەۋدى قولداناتىن كاسىپقوي مامان. تابىستى جۋرناليست كوبىنەسە كوپتەگەن تاپسىرمانى ءتيىمدى ورىنداۋعا كومەكتەسەتىن ءبىرقاتار داعدىلارعا يە بولادى. بۇگىندە سيفرلىق مەديا زاماناۋي مەديانىڭ الەمىن وزگەرتتى. جۋرناليستەردە اقپاراتتى بۇقاراعا ەرەكشە بەرۋگە جاڭا مۇمكىندىك پايدا بولدى. مىسالى، ءبىر عانا ۇيالى تەلەفون – شەگى جوق اقپارات الۋ قۇرالى. اسىرەسە، الەۋمەتتىك جەلىلەردە اقپارات ۇسىنۋدىڭ ءارتۇرلى تاسىلدەرىن قولدانۋعا بولادى. وعان نارتاي ارالباي ۇلى، ماقسات تولىقباي، امان تاسىعان، نۇربەك بەكباۋ سىندى جۋرناليستەردىڭ كونتەنتى دالەل. ءداستۇرلى گازەت-جۋرنال، تەلە جانە راديو سيفرلىق مەديانى ءتيىمدى قولدانىپ وتىر. مىسالى، «ەگەمەن قازاقستان»، قازاق راديوسى مەن مەملەكەتتىك ارنالار الەۋمەتتىك جەلىنىڭ تورىنەن ورىن الىپ، قالىڭ بۇقاراعا اقپارات بەرۋدىڭ ىڭعايلى، ءارى تەز جولىن پايدالانىپ وتىر. سوندىقتان، ب ا ق قىزمەتكەرلەرىنەن جوعارى دەڭگەيدەگى كاسىبيلىك پەن شەبەرلىك تالاپ ەتىلەدى.
جۋرناليستىك شەبەرلىك – ءجۋرناليستىڭ ءوز سالاسىندا ۇزدىك اتانۋىنا مۇمكىندىك بەرەتىن قابىلەت. بۇگىنگى تاڭدا ءتورتىنشى بيلىك وكىلدەرى ءارتۇرلى ونلاين پلاتفورمالارداعى اۋديتوريامەن بايلانىسۋ ءۇشىن سيفرلىق اڭگىمەلەۋ قۇرالدارىن پايدالانا ءبىلۋى كەرەك. جاڭا اۋديتوريا جيناۋ ءۇشىن ولارمەن الەۋمەتتىك جەلى ارقىلى نەمەسە دەرەكتەردى تالداۋ نەگىزىندە بايلانىسۋ جەتكىلىكسىز. اۋديتوريانىڭ مىنەز-قۇلقىن، قالاۋىن بولجاي ءبىلىپ، ساپالى، مازمۇندى كونتەنتپەن قامتاماسىز ەتۋ قاجەت. سونىمەن قاتار، اقپاراتتى ساراپتاپ، تالداي ءبىلۋ دە ماڭىزدى داعدىلاردىڭ ءبىرى.
جۋرناليستەر كەز كەلگەن فورماتتاعى اقپاراتتى ءوز بەتىنشە تەكسەرىپ، حالىققا دۇرىس كۇيىندە جەتكىزۋ كەرەك. قوعامنىڭ سەنىمىنە يە بولۋ جولى — ءارقاشان ەتيكانى ساقتاۋ. ياعني، شىندىققا، دالدىككە، ادىلدىككە، جان-جاقتىلىققا، ءسوز بوستاندىعىنا بەرىلۋ. حالىق پەن بيلىك اراسىندا كوپىر بولىپ، مانساپ بيىگىنە شىعۋ ءۇشىن جوعارىدا ايتىلعان تالاپتار ءار ءجۋرناليستىڭ ىسىندە كورىنىس تابۋى ءتيىس.
جۇلدىز جامەنكينا
ءال-فارابي اتىنداعى قازاق ۇلتتىق ۋنيۆەرسيتەتىنىڭ 2 كۋرس ستۋدەنتى
You Might Also Like
-
قالامگەر شەبەرلىككە جەتۋ جولى ءارتۇرلى بولۋى مۇمكىن. بىرەۋدە تۋا بىتكەن تالانت، ەكىنشىسىندە ەشبىر سىلتاۋسىز ەڭبەك ەتۋ. قازىرگى تاڭدا جۋرناليستەر بىرىنەن ءبىرى اقپاراتتى الۋ، كەي كەزدەردە العان جۋرنال...
-
جۋرناليستيكا – جول-جونەكەي جازىلاتىن ادەبيەت.
