InfoHub Logo

1994 جىلى قازان ايىندا ەل تاريحىندا ەلەۋلى وقيعا بولدى. سول كەزدەگى پرەزيدەنت نۇرسۇلتان نازاربايەۆ ۇسىنعان اكەجان قاجىگەلديندى پرەمەر-مينيسترلىككە بەكىتكەنىمەن، ونىڭ ورىنباسارى بولۋعا ۇسىنىلعان التىنبەك سارسەنبايۇلىنا قارسىلىق شىقتى. بۇل جاعداي ءتىپتى نازاربايەۆتىڭ وزىنە دە ۇناماي قالدى.

بۇل تۋرالى Infohub.kz اقپارات اگەنتتىگى حابارلايدى.

دەپۋتاتتىڭ نارازىلىعى

جوعارى كەڭەس وتىرىسىندا التىنبەك سارسەنباي ۇلىنىڭ كانديداتۋراسى تالقىلانعاندا، دەپۋتات التىنشاش جاعانوۆانىڭ ءسوزى جۇرتتى تاڭ قالدىردى. ول تىكەلەي پرەزيدەنتتىڭ شەشىمىن سىناپ، «بۇل جولى ول قاتەلەستى» دەپ مالىمدەدى.

«مەن تەك ءبىر نارسەنى ايتقىم كەلەدى. نۇرسۇلتان ءابىش ۇلى ءسىزدىڭ كانديداتۋراڭىزدى قولدادى جانە ءالى دە قولداپ كەلەدى. بۇل جولى ول قاتەلەستى»، – دەدى جاعانوۆا.

سارسەنباي ۇلىنىڭ جاۋابى

التىنبەك سارسەنباي ۇلى بۇل سىنعا: «بولاشاقتا باسپا ءسوز تۋرالى زاڭ كەرەك بولماۋى دا مۇمكىن، ءسوز بوستاندىعىنا كەپىل بولاتىن كونستيتۋسيانىڭ ءوزى دە جەتكىلىكتى بولادى»، – دەپ جاۋاپ بەرگەن ەدى. بۇل سوزدەر سول كەزدەگى قوعامداعى ءسوز ەركىندىگى تۋرالى پىكىرلەردى ايقىن كورسەتتى.

وقيعانىڭ سەبەبى

كەيىننەن، ءابىش كەكىلبايەۆتىڭ داۋىسقا سالۋىمەن 58 دەپۋتات قولداپ، 61 دەپۋتات قارسى داۋىس بەرىپ، سارسەنباي ۇلىنىڭ كانديداتۋراسى بەكىتىلمەدى. التىنشاش جاعانوۆا بۇل جايتقا قاتىستى بىلاي دەپ ءتۇسىندىردى:

«پرەزيدەنت قاتتى رەنجىدى. «التەكە، مۇنىڭىز نە، ول جاقسى جىگىت» دەدى. «جاقسى ەمەس، نۇرەكە! كورەسىز ءالى» دەدىم. مىنە، ايتقانىم كەلدى. ويتكەنى ءبىز دەپۋتات بولاردىڭ الدىندا مەن ءبىر جىل الماتى قالالىق كەڭەستىڭ دەپۋتاتى بولدىم. سوسىن ءبىر جىلدان جوعارى كەڭەستىڭ دەپۋتاتى بولعاسىن، مەن ول جاقتاعى جۇمىسىمنان باس تارتتىم. سول ۋاقىتتا قالادا بۇل دا (التىنبەك سارسەنباي ۇلى – رەد.) دەپۋتات بولدى. جۇرتتى مەنسىنبەي، ايتقان ادامداردى قاتتى تويتارىپ وتىردى. ءتارتىبى سونداي بولدى. پرينسيپتەرى باسقاشا بولاتىن. ماعان ۇنامايتىن ايتەۋىر»، – دەدى التىنشاش جاعانوۆا.

سارسەنباي ۇلىنىڭ وكىنىشى

ءوز كەزەگىندە التىنبەك سارسەنباي ۇلى بۇل جايتقا قاتىستى كەيىنگى كەزدە بىلاي دەپ پىكىر بىلدىرگەن:

«مەنى بەكىتپەگەنىنە ءالى كۇنگە ريزامىن، راقمەت! مەنىڭ ورنىما بولعان ۆيسە-پرەمەردىڭ كەزىندە بۇكىل الەۋمەتتىك سالانىڭ تاس-تالقانى شىقتى. مەكتەپتەر قىسقاردى، اۋرۋحانالار جابىلدى، كىتاپحانالار عايىپ بولدى. ول كەزدە مەن جاستاۋ ەدىم. سولاقاي شەشىمدەردىڭ بارىنە تابانداپ قارسى تۇرار ەدىم دەپ ايتا المايمىن. ەگەر سول كەزدە ۆيسە-پرەمەر بولسام، تاس-تالقان بولعان دۇنيەنىڭ وبالى ءالى كۇنگە دەيىن موينىمدا تۇرار ەدى. مەنى سول جولى قۇداي قاقتى. ءالى كۇنگە سول اپايىمىزدى كورسەم، راقمەت ايتقىم كەپ تۇرادى».

بۇل وقيعا اسىلحان ماماش ۇلىنىڭ «قيلى كەزەڭ» دەرەكتى ءفيلمىنىڭ 12-بولىمىنەن الىندى.