Photo: Ayazhan (https://www.pexels.com/@ayazhan-3173683) / Pexels
"جىلاپ، جامان بولدىم": ماقپال ءجۇنىسوۆا ونەر جولىنداعى قيىن ءساتىن ءبولىستى
قازاقستاننىڭ حالىق ءارتىسى ماقپال ءجۇنىسوۆا ءوزىنىڭ Instagram پاراقشاسىندا ارحيۆتىك ۆيدەو جاريالاپ، ونەر جولىنداعى باستان كەشكەن قيىندىقتارى تۋرالى ايتىپ بەردى. ءانشىنىڭ ايتۋىنشا، ءبىر كەزدەرى ءىرى بايقاۋدا جەڭىسكە جەتكەنىمەن، فينالعا قاتىسا الماعان.
بۇل تۋرالى Infohub.kz اقپارات اگەنتتىگى حابارلايدى.
«الماتىدا وتكەن وسى كونكۋرستا 3000 ادامنان بىردەن كوزبە-كوز داۋىس جيناپ، مەن جەڭىپ شىققان ەدىم. فينالعا ماسكەۋگە دايىندىق ەكى اي ءجۇردى، ءبىراق ەكى اپتا قالعاندا، وسى ىرىكتەۋدە مۇلدەم قاتىسپاعان باقتيار تايلاقبايەۆ بارادى دەپ مادەنيەت مينيسترلىگىنەن حابار كەلدى. مەن جىلاپ، جامان بولعان كەز ەسكە ءتۇستى»، – دەپ جازدى ماقپال ءجۇنىسوۆا.
ءانشىنىڭ ونەر جولىنداعى قيىندىقتارى
ءانشى بۇل جاعدايدى ادىلەتسىزدىك رەتىندە باعالاپ، سول ءساتتىڭ ءالى كۇنگە دەيىن جۇرەگىندە قالعانىن جەتكىزدى. ماقپال ءجۇنىسوۆا – قازاق ەستراداسىندا وزىندىك قولتاڭباسىن قالىپتاستىرعان، حالىقتىڭ ەرەكشە ىقىلاسىنا بولەنگەن ونەر يەسى. ول 1963 جىلى قاراعاندى وبلىسى، قارقارالى اۋدانىنداعى تەرەكتى اۋىلىندا دۇنيەگە كەلگەن.
ونەرگە ەرتە ارالاسقان ءانشى 1981 جىلدان باستاپ «قازاقكونسەرت» بىرلەستىگىنىڭ ءسوليسى رەتىندە ۇزدىكسىز شىعارماشىلىقپەن اينالىسىپ كەلەدى. تابيعي دارىنىمەن كوزگە تۇسكەن ول حالىقارالىق بايقاۋلاردا توپ جارىپ، كاسىبي دەڭگەيىن دالەلدەدى. نەبارى 22 جاسىندا «قازاقستاننىڭ ەڭبەك سىڭىرگەن ءارتىسى» اتانسا، 31 جاسىندا «حالىق ءارتىسى» اتاعىنا يە بولۋى – ونىڭ ونەردەگى بيىك جەتىستىكتەرىنىڭ ايقىن كورىنىسى.
ءانشى بىلىمگە دە ەرەكشە ءمان بەرگەن. ول ءال-فارابي اتىنداعى قازاق ۇلتتىق ۋنيۆەرسيتەتىن ءتامامداپ، كەيىن عىلىم مەن ءبىلىم سالاسىندا دا بەلسەندى ەڭبەك ەتىپ، پروفەسسور دارەجەسىنە دەيىن كوتەرىلدى. ماقپال ءجۇنىسوۆانىڭ باستى ەرەكشەلىگى – ليريكالىق سوپرانو داۋىسى. ونىڭ رەپەرتۋارى حالىق اندەرىمەن قاتار رومانس پەن دجاز جانرىنداعى تۋىندىلاردى قامتيدى. بۇل ونىڭ شىعارماشىلىعىن بايىتىپ، تىڭدارمان اۋديتورياسىن كەڭەيتە ءتۇستى.
بۇگىندە ول قازاق ەستراداسىنىڭ «پريمادونناسى»، «ورتا ازيانىڭ بۇلب ۇلى» رەتىندە كەڭىنەن تانىلعان. ءانشىنىڭ كونسەرتتەرى ءالى دە انشلاگپەن ءوتىپ، كورەرمەن تاراپىنان جوعارى سۇرانىسقا يە.
-
بوتاگوز كالداياكوۆا راسسكازالا و داۆنەي درۋجبە س مۋحتاروم شاحانوۆىم ي ەگو بوربە زا اۆتورسكيە پراۆا نا پەسني شامشي كالداياكوۆا.
-
Kazakhstan's People's Artist Makpal Zhunusova shared a poignant memory of being unfairly disqualified from a major competition، highlighting early career struggles.
