كارانتيننىڭ پايداسى مەن زيانى
ادام ومىرىندە بولاتىن جايتتاردىڭ كوبىسى ويلاماعان جەردەن ورىن الاتىنى بەلگىلى. اسىرەسە ءدۇيىم دۇنيەنىدۇر سىلكىندىرىپ، الەمدى ابىگەرگە سالعان ىندەت - ويلاماعان جەردەن تاراپ، بارلىق مەملەكەتتىڭ وسال تۇسىنا اينالدى. ءيا، راسىمەن دە «ايتىپ كەلمەگەن اۋرۋ» العاشىندا بارشا جۇرتتىڭ ەسىن شىعارعانى جاسىرىن ەمەس. الايدا ىندەتتتىڭ ىلمەگىنە ىلىككەندەر سانى ءورشىپ، جاقىن-جورالارىمىزدان قاپىدا ايىرىلتقانى، ساعىمىزدى سىندىرعانى وكىنىشتى. ىندەت - ءبىزدى جانە ءبىزدى قورشاعان بارشا ادامداردىڭ ساناسىنا ۇلكەن وي مەن ءتۇيىن اكەلگەن سەكىلدى. اسىرەسە، قوعامداعى بارلىق جۇيەنىڭ كارانتيندىك رەجيمگە وزگەرۋى.
البەتتە بۇل وزگەرىس العاشىندا تالايدىڭ ەسىنشىعارعانى جاسىرىن ەمەس. سەبەبى، كۇندەلىكتى جۇمىستىڭ جۇيەسىنە ۇيرەنگەن حالىق بۇل رەجيمگە بىردەن ۇيرەنىسە قويمادى. جۇمىستى ۇلكەن كەڭسە ورىندارىنان ەمەس، اياداي عانا ۇيدە جالعاستىرۋ اقىلعا سىيمايتىنداي كورىندى. كەيىننەن قالىپقا تۇسەكەلە «ادامنىڭ دا كولەڭكەسى بولاتىنى سەكىلدى» كارانتيننىڭ جاقسى تۇسى مەن كولەڭكە تۇستارىن اجىراتىپ، ساراپتاي باستادى.
بۇل رەجيم كەيبىر كاسىپكەرلەر ءۇشىن "سورىنا" اينالسا، ەندى ءبىرىنىڭ "باعىنا" اينالعالى كارانتينگە بيىل 1 جىلدان اسا ۋاقىت بولىپتى. بۇنىڭ پايداسىن وسى ۋاقىتقا دەيىن جۇمىسى دوڭگەلەمەي تۇرعان ونلاين قىزمەت كورسەتۋ ورتالىقتارى قىزىعىن كوردى دەسەك بولادى. اسىرەسە، ءتىپتى سىرتقا شىعۋدىڭ ءوزى ارمانعا اينالعان ۋاقىتتاردا ونلاين ازىق-تۇلىككە تاپسىرىس بەرىپ، ۇيگە دەيىن جەتكىزۋ قىزمەتتەرى كوبەيگەنى ءمالىم. جالپى كارانتيننىڭ پايداسى مەن زيانى تۋرالى ءتۇرلى تاراپتان قاراستىرا بەرۋگە بولادى. ونىڭ تاعى دا ءبىر پايداسى: كۇنىنىڭ كوپ بولىگىن كومپيۋتەرگە تەلمىرىپ، كەڭسەدە جۇمىس جاسايتىندار ءۇشىن، جۇمىسىن ۇيدەن جاساۋ تيىمدىرەك. سەبەبى، ۇيدە ىڭعايلى ورىندا جۇمىسىڭدى اتقارىپ، وتباسىڭا دا تولىق كوڭىل بولۋگە بولادى. كارانتيننىڭ ەڭ پايدالى تۇسى - وتباسىنىڭ بەرەكەسىن، تاتۋلىعىن ودان ارمەن ارتتىرۋ. وسى ۋاقىتقا دەيىن اۋىزبىرشىلىك، سىيلاستىق، ادامگەرشىلىك، ىنتىماق سىندى ۇعىمداردىڭ ءمانى مەن قادىر-قاسيەتى جوعالىپ بارا جاتقان ەدى. الايدا كارانتين ادامنىڭ تەرەڭ ويلاپ، كوپ ءىس پەن رۋحاني كۇشتىڭ قادىرىنە جەتكىزۋدى ۇيرەتتى.
بۇل رەجيمنىڭ وسال تۇسى دا جەتەرلىك. ەڭ الدىمەن كەي قىزمەتكەرلەر ءۇشىن ءتيىمسىز بولعانى راس. اسىرەسە، رەستوران، كافە سىندى قوعامدىق جەرلەردە جارىعى وشپەيتىن عيماراتتاردىڭ دا ءبىر ساتكە قاڭىراپ تۇرۋىناتۋرا كەلدى. ناتيجەسىندە، كوپتەگەن ورىنداردىڭ شىعىنعا بەلشەسىنەن باتقانى ءسوزسىز. قوعامىمىزدىڭ ايناسى بولعان ۇستازدار مەن وقىتۋشىلار قاۋىمى ۇشىندە بۇل رەجيم ءتيىمسىز ەدى. وقۋشىلارمەن تىعىز قارىم-قاتىناستا جۇمىس جاسايتىن بۇل قاۋىم ءۇشىن ونلاين ساباق بەرۋ ەڭ كۇردەلى پروسەستەردىڭ ءبىرى ەدى. اسىرەسە، جاڭا تاقىرىپتى يگەرۋدە بالا ءۇشىن ەڭ قيىندىق تۋعىزاتىنى ونى يگەرىپ، ءتۇسىنىپ كەتۋ. ال وعان بۇل جەردە ۇستازدان بولەك اتا-انا دا اتسالىسپاسا، بالانىڭ ول تاقىرىپتى يگەرىپ كەتۋى ەكى تالاي. وسى ساتتە بالا دا ءمۇعالىمنىڭ قادىر-قاسيەتىن ۇعا باستادى. سول ۋاقىتتا اتا-انانىڭ دا جۇمىسى ءجۇرىپ جاتۋى مۇمكىن. وسىندايسىن ساعاتتاردا ءبىر ساتتە بىرنەشە جۇمىستى قاتار الىپ جۇرۋگە تۋرا كەلەتىن ساتتەر دە كۇندەلىكتى ادەتكە اينالىپ كەتتى.
بۇل رەجيم ادامنىڭ جاڭا، تىڭ قابىلەتتەرىن دامىتقانى راس. اسىرەسە، تەحنولوگيانىڭ ءتىلىن مەڭگەرىپ، ونىمەن تەز جۇمىس جاساۋدى قالماسا دا بىردەن ۇيرەتتى. ءبىرجاعىنان ءبىر تەمىرگە تەلمىرىپ، دەنساۋلىق پەن ۋاقىتىنىڭ كوپ بولىگىن سوعان كەتىردى. قانشا جەردەن كارانتيننىڭ زيانىنان پايداسى ارتىپ تۇرسا دا، بىر-بىرىمىزبەن ديدارلاسىپ، ەمەن جارقىن جۇزدەسۋدەردە جۇمىس جاساعانعا نە جەتسىن، شىركىن!
تاجەنوۆا گۇلجان
You Might Also Like
-
قازىرگى تاڭدا ومىرگە كوز-قاراستارى تولىق قالىپتاسپاعان جاستاردىڭ اراسىندا قىلمىستىڭ جاسالۋى ءجيى كەزدەسەدى. قىلمىستىڭ جاسالۋىنا جاستاردىڭ كريمينالدىق نەمەسە زورلىق-زومبىلىق كورىپ وسكەن ورتادا ءومىر س...
-
بالا تاربيەسى ۇلكەن ونەر. وركەنيەتتىڭ بارلىق دەرلىك جولىندا ەڭ ءتيىمدى، ەڭ سەنىمدى جولى ءبىلىم بەرۋ مەن تاربيە ەكەندىگى جاسىرىن ەمەس. بالا دۇنيە ەسىگىن اشقاندا ءاربىر اتا-انا ونىڭ جەكە ادام بولىپ قالى...
