Tengrinews.kz / تۋرار كازانگاپوۆ
Kaspi Gold كارتاسى قىمباتتادى دەگەن اقپاراتقا بانك تۇسىنىكتەمە بەردى
الەۋمەتتىك جەلىلەردە Kaspi Gold كارتاسى بويىنشا وپەراسيا ەرەجەلەرى جاڭارتىلىپ، تاريفتەر كوتەرىلەدى دەگەن اقپارات تاراۋدا. بۇل جاڭالىق كوپشىلىكتىڭ قىزۋ تالقىلاۋىنا سەبەپ بولدى.
بۇل تۋرالى Infohub.kz اقپارات اگەنتتىگى حابارلايدى.
نە بولدى؟
الەۋمەتتىك جەلىلەردەگى جازبالارعا سايكەس، 31 ناۋرىزدان باستاپ Kaspi Gold كارتاسىن جىلدىق ۇستاۋ قۇنى 1995 تەڭگەدەن 10 مىڭ تەڭگەگە دەيىن وسەدى. سونداي-اق، كارتانى جوعالتقان، ۇرلاعان نەمەسە بۇلدىرگەن جاعدايدا قايتا شىعارۋ، بالالار كارتاسىن جىلدىق ۇستاۋ قۇنى دا 10 مىڭ تەڭگە بولادى دەپ كورسەتىلگەن. باسىلىمداردا باسقا بانكتەرگە اۋدارىم جاساۋ جانە ليميتتەن تىس اقشا الۋ كوميسسياسى 5 پايىز بولادى دەپ تە ايتىلعان.
بانكتىڭ جاۋابى
Kaspi.kz كومپانياسى كليەنتتەر مەن سەرىكتەستەر ءۇشىن تاريفتەر مەن قىزمەت كورسەتۋ شارتتارى وزگەرىسسىز قالاتىنىن حابارلادى. بانكتىڭ مالىمەتىنشە، ينتەرنەتتە Kaspi Gold كارتاسىن جىلدىق ۇستاۋ جانە قايتا شىعارۋ قۇنى، Kaspi Pay بويىنشا شارتتار مەن باسقا بانك كارتالارىنا اۋدارىمدار بويىنشا كوميسسيالار تۋرالى جالعان اقپارات تاراعان. مۇنىڭ سەبەبى ق ر زاڭناماسىنا سايكەس بەلگىلەنگەن شەكتى ماندەر كورسەتىلگەن تاريفتەر تۋرالى جاڭارتىلعان زاڭ قۇجاتىن دۇرىس تۇسىنبەۋشىلىك بولىپ شىقتى.
Kaspi.kz كەز كەلگەن وزگەرىستەر تۋرالى كليەنتتەردى ءاردايىم الدىن الا حاباردار ەتەتىنىن اتاپ ءوتتى.
-
سپەسياليستى پو كيبەربەزوپاسنوستي وبياسنيلي، پوچەمۋ داجە شۋتليۆىي رازگوۆور س تەلەفوننىمي افەريستامي موجەت وبەرنۋتسيا بەدوي.
-
Kaspi.kz addresses circulating misinformation regarding increased fees for its Gold card، assuring customers that tariffs remain the same.
