tengrinews.kz
كوكشەتاۋدا ايەلدى كولىكپەن قاعىپ ولتىرگەن وقيعا بويىنشا ەكى قىلمىستىق ءىس قوزعالدى
كوكشەتاۋدا اۆتوتۇراقتان شىعىپ بارا جاتقان كولىكتىڭ استىندا قالعان 52 جاستاعى ايەل قايتىس بولدى. بۇل تۋرالى اقمولا وبلىستىق پوليسيا دەپارتامەنتى حابارلادى.
بۇل تۋرالى Infohub.kz اقپارات اگەنتتىگى حابارلايدى.
جۇرگىزۋشى مەن كولىك يەسىنە قىلمىستىق ءىس قوزعالدى
پوليسيانىڭ مالىمەتىنشە، كولىكتى باسقارعان ايەلگە قاتىستى ادام ولىمىنە اكەپ سوقتىرعان جول ەرەجەسىن بۇزۋ جانە كولىك قۇرالدارىن پايدالانۋ فاكتىسى بويىنشا سوتقا دەيىنگى تەرگەۋ امالدارى جۇرگىزىلۋدە.
تەرگەۋ بارىسىندا ايەلدىڭ كولىك جۇرگىزۋ قۇقىعى جوق ەكەنى جانە ءتيىستى دايىندىقتان وتپەگەنى انىقتالدى.
سونداي-اق، كولىكتىڭ يەسى، ياعني ايەلدىڭ جۇبايى دا جاۋاپقا تارتىلۋدا. وعان رۇقساتى جوق ادامعا كولىك بەرگەنى ءۇشىن قىلمىستىق ءىس قوزعالدى. مۇنداي قۇقىق بۇزۋشىلىق ءۇشىن باس بوستاندىعىنان ايىرۋ جازاسى دا قاراستىرىلعان.
تەرگەۋ جالعاسۋدا
قازىرگى ۋاقىتتا جول-كولىك وقيعاسىن وبەكتيۆتى تەرگەۋگە باعىتتالعان قاجەتتى تەرگەۋ ارەكەتتەرى جۇرگىزىلىپ جاتىر.
11 مامىردا كوكشەتاۋ قالاسىنىڭ مامانداندىرىلعان تەرگەۋ سوتى كۇدىكتى ايەلگە قاتىستى «ءۇي قاماعى» تۇرىندەگى بۇلتارتپاۋ شاراسىن سانكسيالادى.
اقمولا وبلىستىق پوليسيا دەپارتامەنتى باسشىلىعى بۇل قىلمىستىق ءىستىڭ تەرگەۋ بارىسىن باقىلاۋدا ۇستاپ وتىرعانىن اتاپ ءوتتى.
ەسكە سالايىق، بۇعان دەيىن كوكشەتاۋدا تۇرعىن ءۇي كەشەنىنىڭ اۆتوتۇراعىنا كىرە بەرگەندە كولىك ايەلدى قاعىپ ولتىرگەن بولاتىن. وقيعانىڭ ۆيدەوسى الەۋمەتتىك جەلىدە تارادى.
-
اقتوبە وبلىسى مەن رەسەيدىڭ ورىنبور وبلىسى اراسىنداعى شەكارادا «الىمبەت» باقىلاۋ-وتكىزۋ پۋنكتىندە اۋقىمدى جاڭعىرتۋ جۇمىستارى ءجۇرىپ جاتىر.
-
A 27-year-old Kazakhstani national lost his life in a road accident in Antalya، Turkey، while working at a luxury hotel.
