كوكشەتاۋدا جىنىستىق سيپاتتاعى ادەپسىز ارەكەت جاساعان ەر ادام ۇستالدى
كوكشەتاۋ قالاسىنداعى قوپا كولىنىڭ جاعالاۋىندا ماس كۇيدە جۇرگەن ەر ادام قوعامدىق ورىنعا ءتان ەمەس قىلىق كورسەتىپ، جەرگىلىكتى تۇرعىنداردىڭ نارازىلىعىن تۋدىردى. بۇل تۋرالى وقيعا كۋاگەرلەرى الەۋمەتتىك جەلىلەردە حابارلادى.
ولاردىڭ ايتۋىنشا، 5 شىلدە كۇنى كول جاعاسىندا شومىلىپ جۇرگەن ازامات اينالاسىندا جۇرگەن قىزدارعا قاراتا بەيادەپ سوزدەر ايتىپ، جىنىستىق مۇشەسىن كورسەتكەن. دەمالۋشىلار دەرەۋ پوليسياعا حابار بەرىپ، قۇقىق قورعاۋ ورگاندارى ەر ادامدى سول كۇنى ۇستاعان.
اقمولا وبلىستىق پوليسيا دەپارتامەنتىنىڭ مالىمەتىنشە، قۇقىقبۇزۋشى ماس كۇيدە بولعان. وعان قاتىستى ق ر اكىمشىلىك قۇقىقبۇزۋشىلىق تۋرالى كودەكسىنىڭ 434-بابى («ۇساق بۇزاقىلىق») بويىنشا اكىمشىلىك ءىس قوزعالدى. سوت شەشىمىمەن وعان ايىپپۇل سالىندى.
قوعامدىق ورىندارداعى مۇنداي ارەكەتتەر ازاماتتاردىڭ تىنىشتىعىن بۇزىپ قانا قويماي، مورالدىق تۇرعىدا دا تەرىس اسەر ەتەتىنىن ەسكەرتكەن ءتارتىپ ساقشىلارى تۇرعىنداردى وسىنداي جاعدايلارعا بەيجاي قاراماي، دەرەۋ ءتيىستى ورگاندارعا حابار بەرۋگە شاقىردى.
You Might Also Like
-
ازەربايجاندا ورىس تىلىندە ءبىلىم بەرەتىن مەكتەپتەردىڭ جابىلاتىنى تۋرالى مالىمەت الەۋمەتتىك جەلىلەر مەن مەسسەندجەرلەردە تاراپ، جۇرت اراسىندا قىزۋ تالقى تۋدىردى. بۇل تۋرالى “ادىرنا” ۇلتتىق پورتالى Oxu...
-
قازاقستان حالقى 20 ميلليوننان استى – دەموگرافيالىق ءوسىم جالعاسۋدا،-دەپ حابارلايدى ينفوحاب ءتىلشىسى.
