InfoHub Logo

ساباقتىڭ تاقىرىبى: كوكتەم – انا، قىزدار – گۇل.
ساباقتىڭ ماقساتى: جانۇياداعى انا مەن بالا اراسىنداعى قارىم – قاتىناستى نىعايتۋ. انالارىنا دەگەن سۇيىسپەنشىلىك سەزىمدەرىن ارتتىرۋ. مەيىرىمدى بولۋعا، اتا – انانى قۇرمەتتەي بىلۋگە تاربيەلەۋ. ونەرلەرىن ورتاعا سالۋ.
ساباقتىڭ كورنەكىلىگى: «كوكتەم – انا، قىزدار - گۇل» قابىرعا گازەتى، ناقىل سوزدەر.
ساباققا قاجەت قۇرال – جابدىقتار: تەلەديدار، دVد، قايشى، ءتۇستى قاعاز، قاعازدار، فلوماستەر، ءتۇستى قارىنداشتار.

ساباقتىڭ بارىسى:
ءمۇعالىم: قۇرمەتتى انالار، اياۋلى قىزدار. كوكتەمگى كۇندەي جارقىراپ، گۇلدەي قۇلپىرعان گۇل مەرەكەلەرىڭىز، كۇن مەرەكەلەرىڭىز قۇتتى بولسىن. بۇگىنگى «كوكتەم – انا، قىزدار - گۇل» اتتى تاربيە ساعاتىمىزعا قوش كەلدىڭىزدەر!

1 - وقۋشى: الپەشتەگەن ايالاعان
اق ءسۇت بەرگەن اپاتايىم.
سالەم جازىپ بۇگىن ساعان
مەيرامىڭمەن قۇتتىقتايمىن.
حور: «تۋعان كۇنىڭمەن».
ءمۇعالىم: بۇگىنگى تاربيە ساعاتىمىز كوڭىلدى، قىزىقتى بولۋ ماقساتىمەن ولەڭ، جىر، بيلەردىڭ اراسىندا انالارعا، اجەلەرگە، قىزدارعا ارنالعان شاعىن سايىستار وتكىزەمىز. جەڭىمپازداردى ماقتاۋ قاعازىمەن ماراپاتتايمىز.
2 – وقۋشى: كىم سەندەردى، بالالار، سۇيەتۇعىن،
قۋانىشىڭا قۋانىپ، قايعىنا كۇيەتۇعىن.
ءتۇن ۇيقىسىن ءتورت ءبولىپ، كىرپىك قاقپاي
شەشەڭ بايعۇس دامىلسىز جۇرەتۇعىن.
3 – وقۋشى: كىم سەندەردى، بالالار، تەربەتەتىن
ەركەلەتىپ، ويناتىپ، سەرگىتەتىن.
جالقاۋ بولساڭ، بالالار، جامان بولساڭ
قامقور اناڭ كوز جاسىن كولدەتەتىن.

1 - سايىس. ورتاعا 5 انا شىعادى كوزدەرىن جاۋىپ، بالاسىنىڭ قولىنان تابۋ. ماقتاۋ قاعازىن، «ەڭ بالاجان انا» اتاعىن بەرۋ.
ءان. «اناشىم».
4 - وقۋشى: بويعا قۋات بەرەدى
ءاي، جارايسىڭ دەگەنى.
مەن انامنان ءار كەزدە
سونى ەستىگىم كەلەدى.
5 - وقۋشى: ساباعىمنان قالمايمىن
بەس الامىن بارىنەن.
وزات وقىپ ءاردايىم
قۋانتامىن انامدى.
6 - وقۋشى: قامقورسىڭ انا ومىردە
قۋاتىم سەنسىڭ كوڭىلگە.
الپەشتەپ مەنى ءوسىردىڭ
ۇشارمىن ەرتەڭ كوگىندە.
2 - سايىس. «سۋرەتشى انا» كوزدەرىن جاۋىپ ءوز بالاسىنىڭ سۋرەتىن سالۋ.
ءان. «بالا تىلەگى».
7 - وقۋشى: انا دەيمىز بارىمىزدە اڭقىلداپ
انا دەيدى جاس ءسابي دە جارقىلداپ
انا دەگەن – بايتەرەگى ءومىردىڭ
انا دەگەن – التىن قازىق، التىن ب ا ق.
8 - وقۋشى: انا دەگەن – اسىل جاندار بولاتتاي
انا دەگەن – ءمولدىر جاندار بۇلاقتاي.
و، ادامدار، قادىرلەي ءبىل انانى
جات قىلىققا اقىل – ويدى توناتپاي.

3 - سايىس. «ءانشى انا» بەسىك جىرىن ايتىپ جارىسۋ.
9 - وقۋشى: مەنىڭ اجەم، بۇل اجەم
ايتقان ءسوزى ءدال اجەم.
امان بولسا كورەدى
قىزىعىمدى ءالى اجەم.
10 - وقۋشى: مەنىڭ اجەم، نار اجەم
كوپ جاساعان كارى اجەم.
اۋىرعاندا مەن ءۇشىن
ءار سۇيگەنى ءدارى اجەم.
11 - وقۋشى: مەنىڭ اجەم، جىر اجەم
شۋاعى مول، نۇر اجەم.
اق تاياققا سۇيەنىپ
امان – ەسەن ءجۇر، اجەم!

4 - سايىس. «ەڭ شەبەر اجە» ءتۇستى قاعازدان اجەلەر ويۋ ويادى.
بي. «قازاق ءبيى» ورىندايتىن: قىزدار توبى.
12 - وقۋشى: اجە ماعان ۇلگى ءسوزىڭىز
ونەگەسىز ءوزىڭىز
جاقسىلىققا تالپىنىپ
ءبىزدىڭ ناعىز كەزىمىز.
جاقسى دەگەن نەمەنە
جامان دەگەن نەمەنە،
وسىندايدا، اجەتاي
ايتىڭىزشى ونەگە.

5 - سايىس. «ەڭ مەيىرىمدى اجە» نەمەرەسىنە ەركەلەتەتىن سوزدەر ايتۋ.
(بالاپانىم، قوشاقانىم، بوتام...... ت. س. س.)
ءان. «اسىل اجە».
13 - وقۋشى: بۇگىن ناۋرىزدىڭ سەگىزى
سۇلۋلىقتىڭ نەگىزى
ادەمى ءسوز ادامنىڭ
اناعا ايتار لەبىزى.
14 - وقۋشى: ارداقتى انالار! شىن جۇرەكتەن، ءوز قولىمىزبەن جاساعان شاعىن
سىيلىعىمىزدى قابىل الىڭىزدار.
(سىيلىقتارىن ۇسىنادى).
15 - وقۋشى: دوستىقتى ءبىز ويلايمىز
بىرگە كۇلىپ وينايمىز.
قىزداردى دا قۇتتىقتاپ
مەرەكەسىن تويلايمىز.
(ۇلدار قىزدارعا دايىنداعان سىيلىقتارىن ۇسىنادى).
ءان. «قىزدار - اي».
سوڭىندا قۇتتىقتاۋ سوزدەر انالارعا بەرىلەدى.