Photo: Ayazhan (https://www.pexels.com/@ayazhan-3173683) / Pexels
"كوڭىلدەس بولىپ جۇرە بەرمەدىڭىز بە؟" – تۇڭعىشباي جامانقۇلوۆ جۇبايىمەن قارىم-قاتىناسى جايلى سىر شەرتىپتى
بەلگىلى تەاتر جانە كينو اكتەرى تۇڭعىشباي جامانقۇلوۆ وزىنەن ەكى مۇشەل كىشى جۇبايى ءداريا ابدىمالىكقىزىمەن قارىم-قاتىناسى جايلى تىڭ دەرەكتەردى جاريالادى. اكتەردىڭ ايتۋىنشا، ول شاكىرتىنە عاشىق بولىپ، كەيىن وتباسىن قۇرعان.
بۇل تۋرالى Infohub.kz اقپارات اگەنتتىگى حابارلايدى.
اكتەردىڭ سوزىنشە، سول كەزدە قوعامنىڭ پىكىرى مەن سوزدەرىن ويلايتىن جاعداي بولماعان. تۇڭعىشباي جامانقۇلوۆ بولاشاق جارىنىڭ ەڭبەكقورلىعىنا، اقىل-پاراساتىنا جانە ادامگەرشىلىگىنە باۋراپ العانىن ايتتى.
جۇبايىنا دەگەن سەزىم مەن قوعامنىڭ ءسوزى
«وقۋشىم، ول كەزدە ءسوزدى ويلايتىن جاعداي بولمادى. مەن ونىڭ ەڭبەكقورلىعىنا، وي-پايىمىنا ءتانتى بولدىم. قازىرگى تىلمەن ايتساق، كوزسىز عاشىق بولدىم. بەلدى بۋدىم دا، وسى شەشىمگە باردىم»، – دەيدى اكتەر.
ول بۇرىنعى ءومىرىنىڭ ءبارى جاقسى بولدى دەپ ايتپايتىنىن، ءبىراق جۇبايىنىڭ وزىنە دەگەن سىيلاستىعىنىڭ سەزىمگە اينالعانىن جەتكىزدى. «ءبىز جاسىرىن جۇرۋگە قورقىپ، اشىق كەتتىك. ماعان بىرەۋ: «اتاعىڭىز بار، قىزىقسىز. سىزدەن ەكى مۇشەل كىشى، ونى جاقسى كورسەڭىز، كوڭىلدەس بولىپ جۇرە بەرمەدىڭىز بە؟» دەدى. مەن «كوڭىلدەس بولا المايمىن. مەن تەك كۇيەۋ بولا الامىن» دەپ جاۋابىن بەردىم»، – دەپ ءبولىستى تۇڭعىشباي جامانقۇلوۆ.
اكتەردىڭ قازىرگى وتباسىندا ەكى ۇل، ءبىر قىزى بار. ۇلكەن ۇلى ماسكەۋدە ۋنيۆەرسيتەت ءبىتىرىپ كەلسە، ەكىنشى ۇلى ءتىس دارىگەرى ماماندىعىن وقىپ جاتىر. قىزى 10-سىنىپتا ءبىلىم الادى.
تۇڭعىشباي جامانقۇلوۆ كىم؟
تۇڭعىشباي قادىر ۇلى جامانقۇلوۆ – قازاق تەاترى مەن كينوسىندا وشپەس ءىز قالدىرعان تانىمال اكتەر، رەجيسسەر، ۇستاز. 1948 جىلى جامبىل وبلىسىندا دۇنيەگە كەلگەن ول ساحنانى ومىرلىك ماقساتى ەتىپ، اكتەرلىك جولدى تاڭدادى. 1970 جىلى مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنا قابىلداندى.
اكتەر اۋەزوۆ تەاترى ساحناسىندا باقتىعۇل، سىرىم، ابىلاي حان، ءابۋتالىپ سياقتى كۇردەلى كەيىپكەرلەردى سومداپ، كورەرمەن ىقىلاسىنا بولەندى. كينودا دا چەكيست، تاڭىربەرگەن، ءابىلقايىر، قايىرحان، قۇنانباي رولدەرىن نانىمدى ويناپ شىقتى. «وتىراردىڭ كۇيرەۋى» فيلمىندەگى قايىرحان ءرولى ءۇشىن 1992 جىلى قازاقستان رەسپۋبليكاسىنىڭ مەملەكەتتىك سىيلىعىن الدى.
تۇڭعىشباي جامانقۇلوۆ 1993-2001 جىلدارى اۋەزوۆ تەاترىنىڭ باس ديرەكتورى ءارى كوركەمدىك جەتەكشىسى قىزمەتىن اتقاردى. قازاقستاننىڭ ەڭبەك سىڭىرگەن ءارتىسى، قازاقستاننىڭ حالىق ءارتىسى اتاقتارىنا يە بولىپ، پاراسات جانە دوستىق وردەندەرىمەن ماراپاتتالعان.
-
ۆ كازاحستانە نابليۋداەتسيا روست دەپوزيتنوگو رىنكا، گدە ستاۆكي پو نەكوتورىم ۆكلادام پريبليجايۋتسيا ك 20% گودوۆىح. ۋزنايتە، پوچەمۋ كازاحستانسى پرەدپوچيتايۋت كوپيت ۆ ناسيونالنوي ۆاليۋتە.
-
Renowned actor Tungyshbai Zhamankulov shares intimate details about his relationship with his wife، who is two decades his junior، and how they navigated societal opinions.
