كوپبالالى وتباسىلاردىڭ بالالارىنا ارنالعان 5 مىڭ گرانتتىڭ شارتتارى قانداي
5 مىڭ گرانتتاردىڭ شارتتارى جايلى ۇكىمەتتىڭ باسپا ءسوز ورتالىعىندا ءبىلىم جانە عىلىم ءمينيسترى اسحات ايماعامبەتوۆ ايتىپ بەردى.
«مەملەكەت باسشىسىنىڭ تاپسىرماسىنا سايكەس، 5 مىڭ گرانت بولىنەدى. گرانتتار وسى جىلدىڭ قىركۇيەك ايىنان بولىنە باستايدى. ءبىر شارت بار - ول گرانتتارعا ۇلتتىق ءبىرىڭعاي تەستىلەۋدە شەكتى بال العان تۇلەكتەر ۇمىتكەر بولا الادى. 5 مىڭ گرانتقا ۇمىتكەر بولا الاتىن ناقتى ساناتتار بار - ولار كوپبالالى وتباسىلار مەن اتاۋلى الەۋمەتتىك كومەك الاتىن وتباسىلاردىڭ بالالارى. بىزدە بيىل 53 700 گرانت بولادى. الدىمەن، وسى گرانتتاردى ۇلەستىرىلىپ، سودان ىلىنبەي قالعان، جوعارى ساناتقا ەنەتىن تۇلەكتەر 1 تامىزدان كەيىن ءوتىنىش بەرە الادى»، - دەدى اسحات ايماعامبەتوۆ.
ءمينيستردىڭ ايتۋىنشا، گرانتتاردى بولۋدە ەشقانداي جەمقورلىققا جول بەرىلمەيدى.
ەسكە سالا كەتسەك، كوپبالالى جانە از قامتىلعان وتباسىلاردىڭ بالالارىنا بيىل 5 مىڭ ءبىلىم گرانتى بولىنەدى.
You Might Also Like
-
وسى ونەرتابىستىڭ ءبىر بولىگى عانا قولدانىسقا ەنگەن بولسا، بالكىم ءبىز مۇلدە باسقا الەمدە ءومىر سۇرەر مە ەدىك. تومەندە ءتۇرلى سەبەپتەرگە بايلانىستى ناقتى ىسكە اسىرىلماي قالعان ۆيكتوريان ءداۋىرىنىڭ ەڭ وعا...
-
«جۇرت مەنى ءبىر كىسى ەكەن دەپ قالىپ جۇرگەن كىسى كىم ەكەن؟». Nautil.us شولۋشىسى بريۋس ۋوتسون ءبىز ويلاعاننان جيىرەك كەزدەسىپ قالاتىن كىسىنىڭ اتىن جامىلۋشى سيندرومىن ءار ءتۇرلى پىكىر-پايىم تۇر...
