يا «NewTimes»/تۋرار كازانگاپوۆ
كوشەدەگى ءقاۋىپتى تۇراق: 43 250 تەڭگە ايىپپۇلعا ۇشىراۋىڭىز مۇمكىن
ەلىمىزدە كولىكتەردى تۇراققا قويۋ ەرەجەلەرىن بۇزىپ، ارنايى تەحنيكانىڭ وتۋىنە كەدەرگى كەلتىرەتىن جۇرگىزۋشىلەر اكىمشىلىك جاۋاپكەرشىلىككە تارتىلادى. مۇنداي بۇزۋشىلىقتار ءۇشىن 10 اەك كولەمىندە، ياعني 43 250 تەڭگە ايىپپۇل قاراستىرىلعان.
بۇل تۋرالى Infohub.kz اقپارات اگەنتتىگى حابارلايدى.
تۇرعىن ءۇي اۋلالارىنداعى ماسەلە
تۇرعىن ۇيلەردىڭ اۋلالارىنداعى كولىكتەردىڭ رەتسىز تۇراقتاۋى – وزەكتى ماسەلە بولىپ قالۋدا. كىرەبەرىستەردىڭ الدىنا نەمەسە جول بويىنا قويىلعان كولىكتەر ءورت ءسوندىرۋ جانە باسقا دا ارنايى تەحنيكالاردىڭ جەتۋىن قيىنداتادى.
ق ر توتەنشە جاعدايلار دەپارتامەنتىنىڭ مالىمەتىنشە، «ق ر ءورت قاۋىپسىزدىگى ەرەجەلەرىنىڭ 164-تارماعىنا سايكەس، عيماراتتارعا، قۇرىلىستارعا، سىرتقى باسپالداقتارعا جانە ورتكە قارسى سۋ كوزدەرىنە اپاراتىن جولدار مەن وتكەلدەر پايدالانۋعا جارامدى كۇيدە جانە ءورت تەحنيكاسىنىڭ وتۋىنە قولجەتىمدى بولۋى ءتيىس».
قۇتقارۋشىلاردىڭ جۇمىسىنا كەدەرگى
وسىنداي بۇزۋشىلىقتار سالدارىنان قۇتقارۋشىلار وقيعا ورنىنا ۋاقىتىلى جەتە الماي، ادامداردى ەۆاكۋاسيالاۋ ءۇشىن اۆتولەسنيسالاردى ورناتۋعا جانە جاۋىنگەرلىك دايىندىقتى جۇرگىزۋگە قينالادى.
اسىرەسە، كولىكتەردىڭ كىرەبەرىستەردىڭ جانىندا ۇزاق ۋاقىت تۇراقتاپ قالۋى ءقاۋىپتى جاعداي تۋدىرادى. ەگەر كولىك يەسىن تەز تابۋ مۇمكىن بولماسا، بۇل ادامداردىڭ ومىرىنە قاتەر ءتوندىرىپ، سالدارى اۋىر بولۋى ىقتيمال. كولىك يەلەرىنە كولىكتەرىن ۋاقىتىلى ءقاۋىپسىز جەرگە قويۋ ۇسىنىلادى.
زاڭنامالىق نەگىز
قازاقستان رەسپۋبليكاسىنىڭ اكىمشىلىك قۇقىق بۇزۋشىلىقتار تۋرالى كودەكسىنىڭ 597-بابى، 3-بولىگىنە سايكەس، كولىك قۇرالدارىن توقتاتۋ نەمەسە تۇراققا قويۋ ەرەجەلەرىن بۇزۋ، باسقا كولىكتەردىڭ قوزعالىسىنا كەدەرگى كەلتىرۋ 10 اەك (43 250 تەڭگە) مولشەرىندە ايىپپۇل سالۋعا اكەپ سوعادى.
بۇعان دەيىن استانادا ءبىر رەت دۇرىس قويىلماعان كولىك سالدارىنان ءورت سوندىرۋشىلەر 20 مينۋت بويى اۋلاعا كىرە الماي، ارنايى تەحنيكانىڭ ءوتۋىن بۇعاتتاپ قالعان بولاتىن. سول وقيعادا ءۇش بالا قازا تاۋىپ، انالارى اۋىر كۇيىك العان ەدى.
-
ەكونوميست رۋسلان سۇلتانوۆتىڭ ەسەبىنشە، قازاقستاندىقتاردىڭ جىلدىق تابىسىنىڭ 80%-ى سالىق، تۇرعىن ءۇي جانە ازىق-تۇلىككە كەتەدى. بۇل جاعداي حالىقتىڭ ءومىر ءسۇرۋ ساپاسىن ارتتىرۋعا مۇمكىندىك بەرمەيدى.
-
Drivers in Kazakhstan face a significant fine of 43،250 tenge for parking violations that hinder emergency services، impacting response times and safety.
