كرەمل ۋكراينا ماسەلەسىنە قاتىستى قانداي ۇستانىمدا؟
رەسەي پرەزيدەنتى ۆلاديمير پۋتين دونالد ترامپتىڭ ۋكراينا مەن رەسەيدىڭ ەنەرگەتيكالىق نىساندار مەن ينفراقۇرىلىمعا شابۋىلدارىن 30 كۇنگە توقتاتۋ تۋرالى ۇسىنىسىن قولداپ، ءوز اسكەرىنە ءتيىستى بۇيرىق بەرگەنىن مالىمدەدى.
كرەملدىڭ رەسمي مالىمدەمەسىنە سايكەس:
- پۋتين قاقتىعىستى بەيبىت جولمەن شەشۋگە ادالدىعىن راستادى.
- رەسەي مەن ۋكراينا 175-175 فورمۋلاسى بويىنشا تۇتقىندار الماسۋعا كەلىستى.
- ماسكەۋ مەن ۆاشينگتون سوعىستى شەشۋ ءۇشىن ساراپشىلار توپتارىن قۇرۋعا ۋاعدالاستى.
- پۋتين مەن ترامپ ەكى ەل اراسىنداعى قارىم-قاتىناستى جاقسارتۋعا مۇددەلى.
- رەسەي اۋىر جارالانعان 23 ۋكراين ساربازىن كييەۆكە قايتارادى.
سونىمەن قاتار، ماسكەۋ سوعىستىڭ ۋشىعۋىن توقتاتۋدىڭ نەگىزگى شارتى رەتىندە شەتەلدىك اسكەري كومەكتى تولىق دوعارۋدى جانە كييەۆكە بارلاۋ اقپاراتىن بەرۋدى توقتاتۋدى تالاپ ەتتى.
پۋتين ۋكراينا بىتىمگە كەلگەن جاعدايدا موبيليزاسيانى جانە قارۋلى كۇشتەرىن قايتا قارۋلاندىرۋدى توقتاتۋى ءتيىس ەكەنىن دە ايتتى.
رەسەي پرەزيدەنتى ترامپتىڭ قارا تەڭىزدەگى كەمەلەردىڭ قاۋىپسىزدىگىن قامتاماسىز ەتۋ جونىندەگى باستاماسىنا كونسترۋكتيۆتى تۇردە جاۋاپ بەرگەنىن حابارلادى.
You Might Also Like
-
ماجىلىستە استاناداعى اقىلى اۆتوتۇراقتار جۇيەسى مەن ونىڭ تيىمدىلىگى تۋرالى ماسەلە كوتەرىلدى
-
ءتىل – مادەنيەتتىڭ ايناسى، ال دۇرىس اۋدارما – وعان دەگەن قۇرمەتتىڭ كورسەتكىشى. جاقىندا الەۋمەتتىك جەلىدە تاراعان "زولوتوە يابلوكو" دۇكەنىندەگى "تەني دليا ۆەك" ءونىمىنىڭ "عاسىرلارعا ارنالعان كولەڭكەلەر"...
