InfoHub Logo

كۇندەلىكتى ساباق جوسپارى، قازاق ءتىلى 5 سىنىپ.
تاقىرىپتار:
41. ديكتانت «قوشتاسۋ»
42. لەكسيكادان وتكەندى قايتالاۋ
43. فونەتيكا تۋرالى تۇسىنىك. ءتىل تۋرالى تۇسىنىك.
44. قازاق ءالىپبيى
45. داۋىستى دىبىستار، جۋان، جىڭىشكە داۋىستىلار

1. ءپان اتى: قازاق ءتىلى
2. سىنىبى: 5
3. كۇنى، ايى، جىلى:
4. توقسان: ءىىى
5. ءمۇعالىم:
ساباقتىڭ تاقىرىبى: ديكتانت «قوشتاسۋ»
ساباقتىڭ ماقساتى:
1. بىلىمدىلىك: وقۋشىلاردى ساۋاتتى جازۋعا باۋلۋ، لەكسيكادان العان بىلىمدەرىن بەكىتۋ.،
2. تاربيەلىك: وقۋشىلاردى ادامگەرشىلىككە ەڭبەكتى دارىپتەۋگە انا ءتىلدى قۇرمەتتەۋگە، تۋعان ولكە تابيعاتىن قورعاۋعا تاربيەلەۋ.
3. دامىتۋشىلىق: وقۋشىلاردىڭ دۇنيەتانىمدارىن كەڭەيتۋ، لەكسيكالىق تالداۋ جاساۋ داعدىلارىن دامىتۋ، جاي سويلەم مەن قۇرمالاس سويلەمدى اجىراتا الۋ داعدىلارىن دامىتۋ.
ساباقتىڭ ءتيپى: باقىلاۋ
ساباقتىڭ ءتۇرى: ديكتانت
ساباقتىڭ ءادىس - ءتاسىلى: جازبا جۇمىسى، تالداۋ.
ساباقتىڭ كورنەكىلىگى: ديكتانتتار مەن مازمۇندامالار جيناعى
ءپانارالىق بايلانىس: قازاق ادەبيەتى، جانۋارتانۋ

ساباقتىڭ بارىسى:
I. ۇيىمداستىرۋ كەزەڭى: 1. وقۋشىلارمەن سالەمدەسۋ
2. وقۋشىلاردىڭ ساباققا قاتىسىن تەكسەرۋ
3. وقۋشىلاردىڭ زەيىندەرىن ساباققا اۋدارۋ
4. وقۋشىلارعا ساباقتىڭ تاقىرىبى مەن
ماقساتى تۋرالى حابارلاۋ

II. وقۋشىلاردى ديكتانت ماتىنىمەن تانىستىرۋ؛ جازۋ

قوشتاسۋ
كۇن شىققان جوق. قيقۋ ۇدەي ءتۇستى. كوكجيەككە كۇننىڭ التىن يەگىن ارتا بەرگەنى - اق مۇڭ ەكەن، بالقاش ايدىنىنان ەڭ الدىمەن ىرعالا - ىرعالا قاڭقىلداپ، قوشتاسا سۇڭقىلداپ، ءۇنىن اسەمدىكپەن اندەتە سوزىپ، اققۋلار توبى كوتەرىلدى. ولار كولدەن ءتىپ - تىكە كۇنگە قاراي كوتەرىلدى دە، كەرۋەن باسى العا شىعىپ، سانىن تۇگەندەپ العان سوڭ، تۇپ - تۋرا وڭتۇستىككە قاراتاۋعا، سىرعا، ارالعا، كاسپييگە بەت الدى. اققۋلار تىزبەگى كول ءۇستىن ءبىر اينالىپ ءوتىپ، بەتىن ءوز باعىتىنا قاراي بۇرعان شاقتا، ۇشقىر ۇيرەكتەر توپ - توپ بوپ، وزدەرىنشە تىزبەك - تىزبەكتەر جاساپ، جول باستاعان اققۋ - ارۋلاردىڭ سوڭىنان اسىعىس ۇشتى. ەڭ سوڭىندا قاراشا قازدار قالباقتاپ، كول ۇستىندە ۋ - شۋ بوپ، بەيبەرەكەت كوتەرىلدى دە، جوعارىلاي - جوعارىلاي كەلىپ، ساپىن تۇزەي باستادى. كەيبىرى تىم كوپ قاڭقىلداپ، كەرۋەن باسىلىققا تالاستى. ءبىرىن - ءبىرى يتەرمەلەپ، ساپتى تۇزەپ، باتىرى مەن باتىلى العا شىقتى. اققۋلار سالعان كەرۋەن جولىنا ءتۇسىپ اپ، وڭتۇستىككە قاراي بۇلار دا سامعاي تارتتى. ساسكە تۇسكە دەيىن كول ءۇستى بۇلان - تالان بوپ، كوشكەن قۇستان ايىقپادى.
(س. باقبەرگەنوۆ، 145 ءسوز)

IV. ساباقتىڭ اياقتالۋى.



تولىق نۇسقاسىن كورۋ