InfoHub Logo

تاقىرىبى: كۇش – بىلىمدە.
ماقساتى: 1) وقۋشىلاردىڭ زەرەكتىك قابىلەتتەرىن دامىتۋ، وي - ءورىسىن كەڭەيتۋ، بىلىمگە قۇشتارلىعىن ارتتىرۋ، وزىق ويلى وقۋشىنى انىقتاۋ.
2) وقۋشىلاردىڭ دۇنيەتانىمىن، بىلىمگە قىزىعۋشىلىعىن جانە ويلاۋ، ويدى جۇيەلەۋ قابىلەتىن ارتتىرۋ؛
3) ءوز مۇمكىندىگىن دۇرىس پايدالانا الاتىن زەردەلى تۇلعانى تاربيەلەۋ.
كورنەكىلىگى: عاجايىپ ۇياشىقتارعا ارنالعان پلاكات، تاقىرىپ بولىمدەرى جازىلعان پاراقشالار.
سىنىبى: 2 كلاسس وقۋشىلارى اراسىندا.
وتكىزىلگەن ۋاقىتى: 28. 01. 2014
بارىسى:
ۇيىمداستىرۋ:
1. سايىستىڭ ماقساتىن ايتۋ؛
2. سايىسقا قاتىسۋشىلارمەن تانىستىرۋ؛
3. جەڭىمپازدى انىقتاۋ.

جۇرگىزۋشى:
ارمىسىزدار، قۇرمەتتى ۇستازدار، وقۋشىلار! بۇگىنگى ءبىزدىڭ 2 سىنىپتار ارالىعىندا وتكەلى وتىرعان «كۇش – بىلىمدە!» اتتى ءبىلىم سايىسىنا قوش كەلىپسىزدەر! سايىسىمىزعا 6 وقۋشى قاتىسادى، قاتىسقالى وتىرعان ويىنشىلارمەن تانىس بولايىق.
سايىسىمىز 4 كەزەڭنەن تۇرادى. ءار كەزەڭ بەلگىلى ءبىر پانگە ارنالادى جانە ءوز ۇپايلارى بار، سول ارقىلى ۇپاي جينايسىزدار. سونىمەن دايىن بولساق، ويىنشىلارىمىزعا ساتتىلىك تىلەيمىن. العاشقى كەزەڭ قازاق ءتىلى پانىنە ارنالادى.

قازاق ءتىلى:
5 ۇپاي سوزدەردى بۋىنعا ءبولۋ: جازباشا.
1. قوڭىراۋ.

10 ۇپايدىڭ سۇراقتارى:
1. داۋىستى دىبىستار قانداي تۇرگە بولىنەدى؟ ءتۇبىر دەگەنىمىز نە؟
2. داۋىسسىز دىبىستار قانداي تۇرگە بولىنەدى؟ جۇرناق دەگەنىمىز نە؟
3. سويلەمدەردىڭ تۇرلەرىن اتا. تۋىندى ءسوز دەگەنىمىز نە؟
4. ڭ دىبىسى قانداي دىبىس؟ جالعاۋ دەگەنىمىز نە؟
5. ءى دىبىسى قانداي دىبىس؟ سۇراۋلى سويلەمنىڭ ەرەجەسىن ايت.
6. ي قانداي دىبىس؟ لەپتى سويلەمنىڭ ەرەجەسىن ايت.

2 - كەزەڭ
ماتەماتيكا:
5 ۇپاي. جازباشا. تەڭدەۋ شەشۋ.
60 + ح =90
10 ۇپايدىڭ سۇراقتارى:
1. 1 اپتادا نەشە كۇن بار؟ 6+7
2. شارشى دەگەنىمىز نە؟ 8+4
3. بۇرىش تۇرلەرىن اتا. 7+5
4. تىك ءتورتبۇرىشتىڭ پەريمەترىن قالاي تابامىز؟ 6+5
5. بەلگىسىز قوسىلعىشتى قالاي تابامىز؟ 9+3
6. ەكى تاڭبالى سانداردى قالاي قوسامىز؟ 4+7

دۇنيەتانۋ.
10 ۇپاي.
1. اعاش ءدىڭىن توقىلداتىپ، ونىڭ قابىعىنىڭ استىنداعى قابىقجەگى مەن اعاشجەگىنىڭ دەرناسىلدەرىن تابادى. ول نە؟ (توقىلداق)
2. ەگەر بىرەۋى اۋىر ولجا تاپسا، وعان باسقالارى قولما - قول جاردەمگە كەلەدى. ولار ولجاسىن سۇيرەتىپ، ءبىر ىزبەن شۇبايدى. (قۇمىرسقالار)
3. كۇندىز دەمالادى دا، تۇندە قورەگىن اۋلاۋعا شىعادى. (جاپالاق، ۇكى)
4. كوكتەم مەن كۇزدە تۇلەپ، ءتۇسىن وزگەرتەدى. جەلاياق جۇيرىك جانە سەكىرگىش. (قويان)
5. تاۋىققا ۇقسايتىن كىشكەنتاي قۇس، قالىڭ ءشوپتىڭ اراسىن شۇڭقىرلاپ، ۇيا سالادى. (بودەنە)
6. مىسىق تۇقىمداس جابايى اڭ، بيىك تاۋ باسىندا تىرشىلىك ەتەدى، اقىلدى، كۇشتى، سىمباتتى. (بارىس)

«ادەبيەتتىك وقۋ»
10 ۇپاي.
بۇل كەزەڭدە ماتىندەگى ءبىر كەيىپكەردىڭ ايتقان ءسوزى وقىلادى، سەندەر ءماتىننىڭ اتىن تابۋعا تيىسسىڭدەر.
1. لاشىعىنا ورالعان قىزمەتشى «ەندىگى ۋاقىتتا بالالارىمدى قالاي اسىرايمىن؟» دەپ قايعىرىپتى. «حانزادانىڭ دوستىعى»
2. – بۇركىت قوناققا شاقىرىپ ەدى، سوعان بارعالى جاتىرمىن، ۋاقىتىم جوق»، - دەيدى كوكەك. «قارلىعاش پەن ءداۋىت»
3. – ساعان بىردەي ەكى ويىنشىقتىڭ كەرەگى نە؟ – دەپ تاڭداندى اكەسى. «قايىرىمدى بالا»
4. – تەلەفونمەن «جەدەل جاردەمدى» شاقىرعان قايسىلارىڭ؟ – دەپ سۇرادى دارىگەر. «اجەسىن قايسىسى جاقسى كورەدى؟»
5. – ءمۇعالىم، تيىنىم قالتامدا ەكەن. مەن پورتفەلىمە سالعان سياقتى ەدىم، - دەدى ساليما. «التاي اقشا سۇرامايدى»
6. – ونىڭ سەبەبى، بالام، اناۋ اعاشتى باعىپ قاعۋمەن وسىرگەن.،- دەدى اتاسى. «باقشا اعاشتارى»
قۇرمەتتى سايىسكەرلەر! 6 وقۋشىنىڭ ۇپاي ساندارىن ەسەپتەيىك.
قولدارىڭداعى ۇپايلاردى قوسا قويىڭدار.
ەڭ جوعارى ۇپاي جيناعان سايىسكەر جەڭىمپاز اتانادى.

قورىتىندى.
قىمباتتى وقۋشىلار! بۇگىنگى «كۇش - بىلىمدە» اتتى ءبىلىم سايىسى ءوز مارەسىنە جەتتى. سايىسىمىز وسى جىلدا العان بىلىمدەرىڭىزدى كورسەتتى. سايىس بارىسىندا ءوز بىلىمدەرىڭىزدى ساراپقا سالدىڭىزدار، بىلىكتىلىكتەرىڭىزدى كورسەتتىڭىزدەر! سىزدەردى ءوز ەلىن شىن سۇيەتىن، ونىڭ دامۋى مەن كوركەيۋى جولىندا قىزمەت ەتەتىن ناعىز پاتريوتتار جانە ناعىز بىلگىرلەر بولادى دەپ سەنەمىز!
ناتيجەلەرىن شىعارۋ، ماقتاۋ قاعازدارى مەن العىس حاتتار تابىس ەتۋ.