InfoHub Logo

ءبىز قازاقستان پاتريوتىمىز!

ماقساتى: وقۋشىلارعا ەلىمىز قابىلداعان اتا زاڭنىڭ ومىرلىك قاجەتتىلىگىن ۇعىندىرۋ، زاڭدى ومىردە قولدانا بىلۋگە ۇيرەتۋ؛ قۇقىقتىق ساۋاتتىلىعىن جەتىلدىرۋ، زاڭ نەگىزىندە ءوز قۇقىعىن تالاپ ەتە بىلۋگە باۋلاۋ؛ پاتريوتتىققا تاربيەلەۋ.
كورنەكىلىك: ينتەراكتيۆتى تاقتا، سۋرەتتەر، زاڭ كىتاپتارى.

ۇيىمداستىرۋ.
دوڭگەلەك ستول
گيمن
ءى. اتا زاڭ تۋرالى مالىمەت
ءىى. بالا قۇقىعى جانە مىندەتتەرىمەن تانىستىرۋ
ءىىى. سلايد
ۆيدەو

1 – ءبولىم. بايانداما
1 - جۇرگىزۋشى:
قازىرگى تاڭدا ەلىمىز تاۋەلسىزدىگىن الىپ، وڭى مەن سولىن تانىپ، بارى مەن جوعىن تۇگەلدەپ جاتقان تۇستا مەملەكەتىمىزدىڭ قابىلداعان كونستيتۋسياسى ەل دامۋىنىڭ ءتۇس باعدارى بولدى دەسەك قاتەلەسپەيمىز. مەملەكەت دەگەنىمىز بەلگىلى ءبىر تەرريتورياسى، شەكاراسى، رامىزدەرى، ۇلتى بار جالپىحالىقتىق ۇيىم دەسەك، سول قازاق ۇلتىنىڭ ءتولقۇجاتى – اتا زاڭى. ەگەر تاريحقا كوز جۇگىرتەر بولساق اتا زاڭىمىزدىڭ نەگىزى سوناۋ ىقىلىم زامانداعى ەسىم حاننىڭ «ەسكى جولىنان» باستاۋ الىپ، قاسىم حاننىڭ «قاسقا جولى» مەن ءاز تاۋكەنىڭ «جەتى جارعىسى» جالعاستىردى. سول زاماندا - اق ورتاق زاڭعا باس ءيىپ، اۋىزدارى دۋالى، سوزدەرى دانا بيلەردىڭ شەشىمدەرىمەن كەلىسىپ وتىرعان. قازاق حالقىنىڭ بەيبىت تىنىش زاماندا ءومىر سۇرۋىنە تولە بي، ايتەكە بي جانە قازىبەك ءبيدىڭ ۇلەستەرى كوپ بولدى. قازىرگى ۋاقىتتا ەلىمىزدىڭ بۇگىنى مەن بولاشاعى بۇكىل الەمدى ءسۇيسىندىرىپ وتىر. قازاق ەلى دۇنيەنى مويىنداتىپ قانا قويماي، جاسامپاز جارقىن قۋاتىمەن كوش باستاپ كەلەدى. بۇل تاۋەلسىزدىگىمىزدىڭ التىن تۇعىرى – اتا زاڭىمىزدىڭ ارقاسى.
زاڭ – بۇكىل حالىق مويىنداعان جالپىلاما قابىلدانعان ەرەجەلەر جيىنتىعى.

2 - جۇرگىزۋشى:
رەسپۋبليكامىزدا زاڭ شىعارۋ جۇمىسىمەن پارلامەنت اينالىسادى. پارلامەنت حالىق دەپۋتاتتارىنان قۇرىلادى.
پارلامەنت
↓
سەنات ---------------------------- ءماجىلىس
(جوعارعى پالاتا) ------------- (تومەنگى پالاتا)

پرەزيدەنتتىڭ جارلىعى مەن وكىمدەرىن، پارلامەنت قابىلداعان ءتۇرلى زاڭدارى قازاقستان رەسپۋبليكاسىنىڭ ۇكىمەتى جۇزەگە اسىرىپ وتىرادى.
ۇكىمەت
ۇكىمەتتى پرەمەر - مينيستر باسقارادى
بارلىق شارۋاشىلىق سالالارى
حالىقتىڭ ءال-اۋقاتىن جاقسارتۋ
ىشكى ءتارتىپ جانە قورعانىس