InfoHub Logo

ساباقتىڭ تاقىرىبى: كۇزگى تابيعات كورىنىسى
ساباقتىڭ ماقساتى:
1. وقۋشىلارعا جىل مەزگىلدەرىن ايتا وتىرىپ، كۇز ايىنىڭ ەرەكشەلىكتەرىمەن تانىستىرۋ.
2. ءار مەزگىلدىڭ وزىنە ءتان ەرەكشەلىگى بولاتىنى تۋرالى تۇسىنىك بەرۋ.
دامىتۋشىلىعى: تابيعات قۇبىلىستارىن بەينەلەۋدە ءار ءتۇرلى قۇبىلىستاردى مەڭگەرۋگە داعدىلاندىرۋ. ەستە ساقتاۋ قابىلەتىن دامىتۋ.
تاربيەلىگى: ەستەتيكالىق تاربيە بەرۋ؛ تابيعات كورىنىستەرىن بەينەلەۋ ارقىلى بەينەلەۋ ونەرى ءپانىن جانە ءوز ەلىنىڭ تابيعاتىن سۇيۋگە تاربيەلەۋ.
ساباقتىڭ ءادىس - تاسىلدەرى: اڭگىمە، بايانداۋ
ساباقتىڭ كورنەكىلىگى: ءتۇرلى ءتۇستى كۇزگى سۋرەت يلليۋستراسياسى جانە ليەۆيتاننىڭ «التىن كۇز» كارتيناسى.
وقۋشىلار ءۇشىن البوم، قارىنداش، پاليترا، بوياۋ، قىلقالام

ساباقتىڭ بارىسى.
ءى. ۇيىمداستىرۋ كەزەڭى.
امانداسۋ
تۇگەلدەۋ

ءىى. ءۇي تاپسىرماسىن سۇراۋ
وتكەن ساباقتان العان بىلىمدەرىن تەكسەرۋ، وي قوزعاۋ، ماقساتىندا قايتالاۋ سۇراقتارىن سۇراۋ:
1) بەينەلەۋ ونەرى نەشە تۇرگە بولىنەدى؟
2) گرافيكا، كەسكىندەمە، ساندىك قولدانبالى ونەر دەگەنىمىز نە؟
3) بەينەلەۋ ونەرى تۇرلەرىنە ورىنداۋ تاسىلىنە مازمۇنىنا بايلانىستى قانداي جانىرلارعا بولىنەدى.
4) ادام كەلبەتىن بەينەلەيتىن جانىر قالاي اتالادى؟ (پورترەت)
5) جانسىز زاتتار مەن بۇيىمداردى بەينەلەيتىن كوركەم شىعارما؟ (ناتيۋرمورت)
6) تابيعات كورىنىسىن بەينەلەيتىن جانر. (پەيزاج)

ءىىى. جاڭا ساباقتى ءتۇسىندىرۋ
1. تابيعات دەگەنىمىز نە؟ (تابيعات ءبىزدى قورشاعان ورتا).
2. ءقازىر جىلدىڭ قاي مەزگىلى؟ (كۇز).
3. كۇز مەزگىلىندە قانداي وزگەرىستەر بولادى؟ (جاپىراقتار تۇسەدى، كۇن سۋىتادى، قۇستار جىلى جاققا كەتەدى).
ي. ي ليەۆيتاننىڭ «التىن كۇز» كارتيناسى بويىنشا اڭگىمەلەسۋ.
1.«التىن كۇز» كارتيناسىنان سۋرەتشى كۇزدىڭ قانداي كەزەڭىن بەينەلەگەن؟
2. نەگە كۇزدىڭ وسى ۋاقىتىن «التىن كۇز» دەيدى؟ سۋرەتشى قانداي كوڭىل كۇيدى بەرگىسى كەلگەن؟- دەگەن سۇراقتار قويىپ، بالالاردىڭ وسى سۋرەتتەن العان اسەرلەرىن قورىتىندىلايمىز. مۇندا بالالاردىڭ مازمۇنىن تۇسىنگەنى عانا ەمەس، سۋرەتشىنىڭ كۇيىن سەزىنگەندەرى ماڭىزدى.

سوندىقتان اڭگىمەلەسۋدە بالالاردىڭ كۇزگى تابيعاتتى قابىلداۋىنداعى ويلارىن، سەزىمدەرىن سۋرەت ارقىلى كورسەتە بىلۋلەرىن، تابيعات كورىنىسىن بەينەلەۋدە ەرەكشە كوڭىل اۋدارۋلارىن، جىل مەزگىلدەرىنە بايلانىستى ءار ۋاقىتتىڭ ءوزىنىڭ ەرەكشەلىكتەرى بار ەكەنىن جانە ادام مەن تابيعات ءارقاشاندا ەگىز ەكەنىن ايتىپ ءتۇسىندىرۋ.
تابيعاتتى اسىراۋشىڭ - قامقورشىڭ دەسەڭ دە بولادى.

م: اتا - بابامىز «جەر قازىنا، سۋ التىن، مال بايلىق دەپ وسيەت ايتىپ كەلگەنى تەگىنەن تەگىن ەمەس. كۇندەلىكتى ءىشىپ جۇرگەن تاماعىمىز، ۇستىمىزدەگى كيىمىمىز، وقيتىن كىتابىمىز، جازاتىن قاعازىمىز، مىنەر كولىگىمىز، اۋىرعاندا پايدالاناتىن ءدارىمىز، تىنىس الار اۋامىز، ىشەر سۋىمىز – وسىلاردىڭ ءبارى جومارت تابيعاتتىڭ تارتقان سىيى». سونىڭ ىشىندە كۇز كورىنىسىن ەرەكشە الۋىمىزعا بولادى. كۇزدە جاپىراقتار مەن تالداردىڭ سارعايىپ اقشىل تۇسكە بولەنۋى جانە جەرگە ءتۇسۋىنىڭ دە ءبىر ەرەكشەلىگى تابيعاتتىڭ وتە كوڭىلسىزدىگىن بايقاۋعا بولادى. بۇكىل جان بىتكەننىڭ ءبارى وزدەرىنىڭ تىرشىلىگىمەن جىبىرلاپ قىسقا قامىن جاساۋى، ەگىن ورۋى، ەگىن جيناۋى، ءتىپتى جەر بەتىندەگى جاندىكتەردىڭ دە ىنىنە تاماقتارىن تاسۋى، قۇستاردىڭ سۋىق جاقتان جىلى جاققا قايتۋى مىنە، وسىنىڭ ءبارى تابيعات كورىنىسىمەن ادام، جەر بەتىندەگى جاندىك اتاۋلارىنىڭ تابيعات پەن ەگىز ەكەنىن بايقاۋىمىزعا بولادى.
سوندىقتاندا ءار مەزگىلدىڭ ءوزىنىڭ ۋاقىتى جانە وزىنە ءتان ەرەكشەلىگى بولاتىنىن بىلۋىمىزگە بولادى.
وقۋشىلارعا «كۇزگى تابيعات كورىنىسى» تۋرالى ايتىپ ءتۇسىندىرىپ سۋرەت سالدىرۋ.

ءىV. وزىندىك جۇمىس جاساتۋ.
V. قورىتىندىلاۋ: ساباقتىڭ اياعىندا وقۋشىلاردىڭ سالعان سۋرەتشىلەرىن تەكسەرە وتىرىپ، وزدەرىنىڭ سۋرەتتەرىنە سيپاتتاما بەرۋىن سۇرايمىز.
Vءى. باعالاۋ.
Vءىى. ۇيگە تاپسىرما: سۋرەتتەرىن اياقتاپ كەلۋ.