InfoHub Logo

تاقىرىبى: كيىم جانە وعان قويىلاتىن تالاپتار
ماقساتى: ا) بىلىمدىلىك: وقۋشىلاردى كيىمگە، ماتالارعا، بۇيىمدارعا قويىلاتىن تالاپتارمەن تانىستىرۋ، كيىمدى كۇتىپ، تازالاۋدى ايتىپ، ءتۇسىندىرۋ؛
ءا) دامىتۋشىلىق: ادام ءمۇسىنى بويىنداعى باعدارلىق نۇكتەلەر ارقىلى وتەتىن كەڭىستىك لينيالاردى ويشا جۇرگىزە ءبىلۋدى دامىتۋعا جاعداي جاساۋ.
ب) تاربيەلىلىك: جۇمىس جاساۋ كەزىندە زەيىندىلىككە، جاۋاپكەرشىلىككە، دالدىككە تاربيەلەۋگە جاعداي جاساۋ.
ساباق ءتۇرى: تۇسىندىرمە
ساباق ءتيپى: ارالاس
ساباق ءادىسى: ستو ادىستەرى
كورنەكىلىگى: پلاكات، سلايد، كيىمدەر
ءپانارالىق بايلانىس: حيميا،
ساباق بارىسى:
1. ۇيىمداستىرۋ كەزەڭى
2. ءۇي تاپسىرماسىن تەكسەرۋ
-«كىم جىلدام؟» ويىنى
ۇياشىقتارعا سۇراقتار جاسىرۋ
10 10 10
20 20 20
30 30 30
1. ماشينادا دۇرىس وتىرۋ ءتاسىلى (ارقانى تىك ۇستاپ ماشينا مەن ادام اراسى 30سم بولۋ كەرەك) 10
2. ماشينا ينەسىنىڭ قىزمەتى قانداي؟ (نەگىزگى قىزمەتى تىگىس تىگۋ) 10 3. تىگىن ماشينالارىنىڭ نەشە ءتۇرى بار؟ (قول جەتەكتى، اياق جەتەكتى، ەلەكتر جەتەكتى) 10
4. ماشينا تىگىستەرىنىڭ تۇرلەرى؟ (جاپسىرمالى، باستىرمالى جانە شەت تىگىس) 20
5. تىگىن ماشيناسىنىڭ ەڭ العاشقى جوباسىن كىم ۇسىندى؟ (1755ج نەمىس كارل ۆەيزەنتەل، 1834ج امەريكاندىق ۋولتەر حانت) 30
6. ەلەكترلى ماشينا جۇمىسىن اياقتاۋ ءۇشىن قانداي وپەراسيالار ورىندالادى؟ (ينەسىن تومەن ءتۇسىرۋ، تابانىن تومەن ءتۇسىرۋ، توق كوزىنەن اجىراتۋ) 20
7. تىگىن ماشيناسىن جۇمىسقا قالاي دايىندايدى؟ (استىڭعى جانە ۇستىڭگى جىپتەرىن ساباقتاۋ، ماشينا جانىن ارتىق زاتتاردان تازارتۋ، ماشينانى توق كوزىنە قوسۋ) 30
8. جالپى تىگىن ماشينالارىنىڭ اتتارىن اتا. (چايكا، دجانومە، سينگەر، زينگەر ت. ب) 30
9. ماشينانىڭ جاقسى جۇمىس ىستەۋىنىڭ ماڭىزدى شارتتارىنىڭ ءبىرى...(ينەنىڭ دۇرىس ورناتىلۋى) 20
وسى سۇراقتار ارقىلى جاڭا تاقىرىپتى اشۋ

3. جاڭا ساباق
كيىم – ادامنىڭ دەنەسىنە كيۋگە ارنالعان بۇيىم، جاساندى جامىلعى تۇرلەرى. كيىم ادامدى قورشاعان ورتانىڭ، تابيعاتتىڭ ءتۇرلى اسەرلەرىنەن قورعايدى. ونىڭ تۇتىنۋ مانىمەن بىرگە عۇرىپتىق جانە بەلگىلى ءبىر ماقساتقا قىزمەت ەتەتىن ماڭىزى بار. جاقسى كيىنۋگە ۇمتىلاتىن كىسىگە جيناقىلىق، تازالىق قاسيەتتەر ءتان بولۋ كەرەك.
ۇتىكتەلمەگەن، داق تۇسكەن، كەي جەرلەرى مايلانىپ كەتكەن كيىمدەردى، جاعاسى مەن جەڭى كىرلەپ، قىرتىستانعان جەيدەنى كيۋگە بولمايدى. تۇيمەلەردىڭ دۇرىس جانە بەرىك قادالۋىن، كيىمدەگى تەسىلگەن، جىرتىلعان جەرلەردى جاماپ، تىگىپ وتىرۋدى ۇمىتپاۋ قاجەت. سينتەتيكالىق كيىمدى كيۋدىڭ قاجەتى جوق، اسىرەسە جازدى كۇنى. ويتكەنى ادام دەنەسىنىڭ تەرلەۋىنە بايلانىستى تەر كيىمگە سىڭبەي تەرى ۇستىندە بولىپ بىرنەشە جۇقپالى اۋرۋ تاراتاتىنى ميكروبتاردىڭ ۇياسىنا اينالۋى مۇمكىن.
ماۋسىم اۋىسقان كەزدە بۇيىمداردى جۋىپ، تازالاپ، ۇتىكتەپ، كۇيەدەن ساقتايتىن پرەپاراتتاردى سەۋىپ، كەلەسى ماۋسىمعا دەيىن ساقتاپ قويادى.