InfoHub Logo

جۇقا قىسقا سوعىم قىلماقشى بولىپ ءبىر قوي بورلاپتى. كورشىلەرى مەن كوڭىل جەتەر دوستارى قالجىڭداپ ونىڭ قويىن ۇرلاپ اكەتپەكشى بولادى. ءبىراق ەشبىر ەبىن تابا المايدى. سونىمەن، ولار اقىلداسا كەلە ءبىر امال ويلاپ شىعادى. ءبىر كۇنى ىشتەرىندەگى قۋ بىرەۋى جۇقاعا كەلىپ:

— جۇقا، ەرتەڭ، بۇرسۇگىندەرى زاماناقىر بولادى دەيدى. مىنا قويىڭدى ساقتاي بەرىپ قايتەسىڭ، ونان دا سويىپ جەپ سورپالانبايمىز با، — دەيدى. جۇقا بۇعان ۇندەمەيدى. ءبىراق ادامدار ارت-ارتىنان كەلىپ: «زاماناقىر بولادى ەكەن، قويىڭدى تەزىرەك سويىپ جەيىك» دەپ جۇقانىڭ مازاسىن الا بەرەدى. سونىمەن، جۇقا ءبىر كۇنى امالسىز ماقۇلعا كەلىپ، قويىن سويىپ، ولاردى شاقىرىپ كەلىستىرىپ قوناقاسى بەرمەك بولادى.

ەرتەڭىندە جۇقا ءبىر اشىق جەرگە كەلىپ قويىن سويادى، جۇرت وت جاعىپ، كاۋاپ ءپىسىرىپ جەي باستايدى. مارە-سارە بولعان كورشىلەرى مەن دوستارى كيىمدەرىن شەشىپ، جۇقاعا تابىس ەتەدى دە، الىسقا سەرۋەندەپ كەتەدى. جۇقاعا كومەكتەسۋگە ەشكىمى قالمايدى. بۇعان جۇقا رەنجىپ الگىلەردىڭ تاستاپ كەتكەن كيىمدەرىن جيىپ-تەرىپ وتقا ءبىر-اق سالادى.

كورشىلەرى مەن دوستارى قايتىپ كەلگەننەن كەيىن ءوز كيىم-كە- شەكتەرىنىڭ كۇلگە اينالعانىن كورىپ، جۇقانى تۇس-تۇسىنان قار- عاپ-سىلەي باستايدى. سوندا جۇقا سابىرلى قالىپپەن:

— ەي، سەندەر ەرتەڭ، بۇرسۇگىنى اقىرزامان بولادى دەپ ءجۇر ەمەس پە ەدىڭدەر؟ بارلىعىمىز ولەتىن بولساق، كيىم-كەشەكتىڭ نە قاجەتى بار؟! — دەيدى.

 

---