لانەت بۇلتى شاتىرلاپ،
جاي ءتۇسىپ نەگە قاتپايمىن؟
جەر جارىلىپ ساتىرلاپ،
تۇبىنە نەگە باتپايمىن:
يت، قۇسقا باس يگىزگەن،
كوكەيىمدى كۇيگىزگەن،
دۇنيەدەن ءلاززات تاپپايمىن.

كورمەگەندى كورىپ باس،
زاھار بولىپ ىشكەن اس.
قاپالانعان كوڭىلدەن،
توگىلە-توگىلە قاندى جاس.

دۇنيە ءبارى ۋ ەكەن،
مەنى الدايتىن قۋ ەكەن.
وتكىزگەن ءومىرىم بۇل كۇنگى،
پايداسىز قىزۋ دۋ ەكەن.

ءبىلىمسىز تالانت تاس ەكەن،
ءومىرىڭ ءۇشىن قاس ەكەن.
دالاقتاپ شاپقان باي ۇلى
توقتاسا، كوزى جاس ەكەن.

---