InfoHub Logo

ءساۋىردىڭ 18ء-شى جۇلدىزىندا ءال-فارابي اتىنداعى قازاق ۇلتتىق ۋنيۆەرسيتەتىندە  «جاڭا گۋمانيتارلىق ءبىلىم: قازاق تىلىندەگى 100 وقۋلىق» جوباسى اسىندا قازاق تىلىنە اۋدارىلعان 30 جاڭا وقۋلىقتىڭ تۇساۋكەسەرى ءوتتى.   كونفەرەنسيا جۇمىسىنا ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى، «رۋحاني جاڭعىرۋ» باعدارلاماسىن جۇزەگە اسىرۋ جونىندەگى ۇلتتىق كوميسسيانىڭ حاتشىسى  ايدا بالايەۆا،  «ۇلتتىق اۋدارما بيۋروسى» قوعامدىق قورىنىڭ اتقارۋشى ديرەكتورى راۋان كەنجەحان ۇلى، سونداي-اق الماتى قالاسى جوعارى وقۋ ورىندارىنىڭ وقىتۋشى-پروفەسسورلار قۇرامى، اۋدارماشىلار قاتىستى.  شارا بارىسىندا قاتىسۋشىلارعا  قازاق تىلىنە اۋدارىلعان كىتاپتار تانىستىرىلىپ، بيىلعى جىلى قانداي وقۋلىقتار ءتارجىمالاناتىنى جونىندە مالىمەت بەردى. كونفەرەنسياعا قاتىسقان عالىمداردىڭ  كوپشىلىگى   اۋدارمالاردىڭ وتە ءساتتى شىققانىن اتاپ ءوتتى. تاريح، فيلوسوفيا، ساياساتتانۋ، الەۋمەتتانۋ، ادەبيەتتانۋ جانە وزگە دە  عىلىم سالالارى بويىنشا جازىلعان الەمدەگى ۇزدىك وقۋلىقتاردى قازاق تىلىنە اۋدارۋ- «رۋحاني جاڭعىرۋ» جالپىۇلتتىق باعدارلاماسى اياسىندا اتقارىلىپ جاتقان تىڭ جوبالاردىڭ ءبىرى دە بىرەگەيى. دامىعان وركەنيەتتى ەلدەردىڭ قاتارىنا قوسىلۋىمىزعا سەپتىگىن تيگىزەتىن بۇل جوبا ەلىمىزدىڭ عىلىمى مەن مادەنيەتىنە قوسىلعان ولشەۋسىز ۇلەس  ەكەندىگى ءسوزسىز.

گۇلماريا تۇرىسبەك قىزى

---