"لەنينا 36" اتاۋى حالىق نارازىلىعىنان كەيىن وزگەرتىلەدى
"لەنينا 36" اتاۋى حالىق نارازىلىعىنان كەيىن وزگەرتىلەدى
الماتىدا جۇرتشىلىقتىڭ سىنىنان كەيىن "لەنينا 36" اتتى ءدامحانانىڭ اتاۋى اۋىستىرىلاتىن بولدى. بۇل تۋرالى مەكەمە وكىلدەرى رەسمي تۇردە مالىمدەدى.
مەكەمە باسشىلىعىنىڭ ايتۋىنشا، اتالعان اتاۋ ەسكى الماتىنىڭ ساۋلەتتىك جانە مادەني كەلبەتىن سيپاتتاۋ ماقساتىندا تاڭدالعان، الايدا جوبانى جۇزەگە اسىرۋ بارىسىندا ەشكىمنىڭ سەزىمىنە نەمەسە تاريحي تانىمىنا نۇقسان كەلتىرۋ نيەتى بولماعانىن ايتىپ، حالىقتان كەشىرىم سۇرادى.
– باستى ماقساتىمىز – الماتىنىڭ رۋحىن بەينەلەۋ بولاتىن. الايدا اتاۋدىڭ قوعامدا كەرى رەاكسيا تۋدىرعانىن ەسكەرە وتىرىپ، جوبانىڭ ءمانىن ساقتاي وتىرىپ اتاۋدى وزگەرتەمىز، – دەلىنگەن ءدامحانانىڭ حابارلاماسىندا.
جاڭا اتاۋ جاقىن كۇندەرى جاريالاناتىنى ايتىلدى.
بۇل جاعداي قوعامدىق پىكىردىڭ كاسىپكەرلىك جوبالارعا اسەرىن كورسەتىپ وتىر. ەلىمىزدە كەڭەستىك سيمۆولدار مەن اتاۋلارعا قاتىستى كوزقاراس وزگەرىپ كەلە جاتقانى بايقالادى.
You Might Also Like
-
كوك بازاردا قازاقشا ۇيرەتكەن وقۋشى ەكى بىردەي گرانت يەگەرى اتاندى— دەپ حابارلايدى Infohub.kz ءتىلشىسى.
-
AZAL اۋە كومپانياسىنا تيەسىلى جولاۋشىلار ۇشاعىنىڭ اپاتىنا بايلانىستى تەرگەۋ جۇمىستارى بىردەن ءۇش مەملەكەتتىڭ اۋماعىندا قاتار ءجۇرىپ جاتىر. بۇل تۋرالى ازەربايجان باس پروكۋراتۋراسى تەرگەۋ دەپارتامەنتىن...
