كوك بازاردا قازاقشا ۇيرەتكەن وقۋشى ەكى بىردەي گرانت يەگەرى اتاندى
كوك بازاردا قازاقشا ۇيرەتكەن وقۋشى ەكى بىردەي گرانت يەگەرى اتاندى
— دەپ حابارلايدى Infohub.kz ءتىلشىسى.
تۋريستكە قازاق ءتىلىن ۇيرەتكەن وقۋشى نۇرجول ساتىبالدى ەل نازارىن اۋدارىپ، ەكى ۋنيۆەرسيتەتتەن بىردەن وقۋ گرانتىن جەڭىپ الدى. ول 4 جىلدىق ءبىلىم گرانتتارىن شۆەيساريانىڭ ءبىلىم بەرۋ مەكەمەسى مەن قازاق امەريكا ۋنيۆەرسيتەتىنەن يەلەندى.
جاسوسپىرىمگە بۇل قۋانىشتى جاڭالىق “قىزىق Times” باعدارلاماسى ارقىلى جاريا ەتىلدى. الايدا گرانتتى پايدالانۋ ءۇشىن نۇرجول الدىمەن مەكتەپتى ۇزدىك اياقتاۋى قاجەت.
ەسكە سالايىق، ول بۇعان دەيىن فيليپپيندىك بلوگەر سەردجيونىڭ الەۋمەتتىك جەلىدەگى ۆيدەوسىنان كەيىن تانىمال بولدى. بلوگەر الماتىداعى “كوك بازاردا” كادەسىيلار دۇكەنىنە كىرىپ، ساۋدا جاساپ جۇرگەن بالامەن اعىلشىن تىلىندە تىلدەسكەن. تۋريست “سپاسيبو” دەگەنىندە، بالا بىردەن: “No، سپاسيبو. ول ورىسشا ايتىلعان. قازاقشا ‘راقمەت’ دەپ ايتاسىز” دەپ جاۋاپ بەرگەن.
نۇرجولدىڭ تىلدىك ۇستانىمى مەن باتىلدىعى كوپشىلىكتىڭ ىقىلاسىنا يە بولدى. الەۋمەتتىك جەلى قولدانۋشىلارى ونى ناعىز پاتريوت دەپ باعالاۋدا.
You Might Also Like
-
ەلورداداعى كولىك كەپتەلىسىن ازايتۋ ماقساتىندا مەملەكەتتىك قىزمەتكەرلەردىڭ جۇمىس ۋاقىتى ەرتەرەك باستالۋى مۇمكىن. بۇل ۇسىنىستى ءماجىلىس دەپۋتاتى اسىلبەك نۇرالين كوتەردى. ونىڭ ايتۋىنشا، ورتالىق اتقارۋش...
-
الماتىدا اتىشۋلى داۋلى ىسكە نۇكتە قويىلدى: ناۋرىزباي اۋداندىق سوتى پوەزيا الىبى مۇقاعالي ماقاتايەۆتى قورلاعانى ءۇشىن جاۋاپقا تارتىلعان بلوگەر اليشەر تەمەنوۆكە قاتىستى قىلمىستىق ءىستى توقتاتتى. بۇل شەش...
