InfoHub Logo

قازاق ءتىلى
سۇيەمىن تۋعان ءتىلدى — انام ءتىلىن،
بەسىكتە جاتقانىمدا - اق بەرگەن ءبىلىم!
شىر ەتىپ جەرگە تۇسكەن مينۋتىمنان
قۇلاعىما سىڭىرگەن تانىس ءۇنىن.

ساباقتىڭ تاقىرىبى: لەپتى سويلەم
ساباقتىڭ ماقساتى: وقۋشىلارعا لەپتى سويلەمنىڭ ماعىناسىن ءتۇسىندىرۋ، كوڭىل - كۇيدى، سەزىمدى بىلدىرەتىن سوزدەر تۋرالى العاشقى تۇسىنىكتەرىن قالىپتاستىرۋ.
ساباقتىڭ مىندەتى: لەپتى سويلەمدى ءتيىستى داۋىس ىرعاعىمەن وقۋعا جاتتىقتىرۋ؛
لەپتى سويلەمنىڭ قانداي ماعىنا ءبىلدىرىپ تۇرعانىن انىقتاتۋ. ءوز بەتىمەن جۇمىس جاساي ءبىلۋىن جانە ءوزىن باعالاي بىلۋگە ۇيرەتۋ، بايلانىستىرىپ سويلەۋىن، جازبا ءتىلىن دامىتۋ. سوزدىك قورلارىن مولايتۋ. ۇيىمشىل بولۋعا، ادىلدىككە، ادالدىققا تاربيەلەۋ.
ناتيجە: لەپتى سويلەمدى ءتيىستى داۋىس ىرعاعىمەن وقي الادى، ساۋاتتى، كوركەم ەتىپ جازا الادى. وزدىگىنەن جۇمىس جاساي الادى.
ءتيپى: جاڭا ءبىلىمدى مەڭگەرتۋ.
ءادىسى: ب. بلۋم تاكسونومياسى، سىن تۇرعىسىنان ويلاۋ ستراتەگيالارىن قولدانۋ، جاس ەرەكشەلىكتەرىنە ساي وقىتۋ، تالانتتى جانە دارىندى بالالاردىڭ ءتۇسىندىرۋ، سۇراق - جاۋاپ، تەست.
رەسۋرستار: ءتۇستى ستيكەرلەر، تاقتا، تىرەك - سىزبا، كەستەلەر، ت. ب.

ساباقتىڭ بارىسى: ءى. ۇيىمداستىرۋ.
1. پسيحولوگيالىق دايىندىق
وزىمىزگە: ساتتىلىك، قۋانىش!
قوناعىمىزعا: جاقسى كوڭىل - كۇي!
ەلىمىزگە: اشىق اسپان، مولشىلىق!
2. ساباقتىڭ ماقساتىن حابارلاۋ.
3. ساباق كەزەڭدەرىمەن تانىستىرۋ.
ب. بلۋم بويىنشا:
1. ءبىلىم
2. تۇسىنىك
3. قولدانۋ
4. تالداۋ
5. جيناقتاۋ
6. باعالاۋ
ءار كەزەڭ بويىنشا باعالاۋ پاراعىنا ۇپاي ساندارىن قويىپ وتىرۋ.

ءىى. نەگىزگى ءبولىم
ءبىلىم
ماقساتى: وتىلگەن ماتەريالدار بويىنشا العان بىلىمدەرىن تەكسەرۋ
تاپسىرما: سويلەم تۋرالى نە بىلەمىز؟ بەلگىلەنگەن ۋاقىت ىشىندە سۇراقتار بەرۋ.
1. سويلەم دەگەنىمىز نە؟
2. سويلەم ايتىلۋ ماقساتىنا قاراي نەشەگە بولىنەدى؟
3. سۇراۋلى سويلەم دەگەنىمىز نە؟
جاۋاپ پاراعى ارقىلى تەكسەرىپ، سوعان ساي ۇپاي قويىپ باعالاۋ پاراعىنا قويىپ وتىرۋ.

تۇسىنىك
ماقساتى: لەپتى سويلەم تۋرالى تۇسىنىك بەرۋ
سويلەم – حابارلى سويلەم، سۇراۋلى سويلەم
بەيبىتشىلىك جاساسىن!
كويلەگىم قانداي ادەمى!
وتان سۇيەر ۇلان بول!
جۇيرىك تۇلپارىم بولسا عوي!
سويلەمدەردى مانەرلەپ، داۋىس مانەرىن كەلتىرىپ وقۋ. وقۋشىلارعا وسى سويلەمدەرگە قاتىستى سۇراقتار قويۋ ارقىلى ەرەجە شىعارۋ.
1. ءار سويلەم قالاي وقىلدى؟
2. سويلەمدەگى وي قانداي كوڭىل - كۇيدە ايتىلىپ تۇر؟
ادامنىڭ كوڭىل - كۇيىن، سەزىمىن بىلدىرەتىن سويلەمدى لەپتى سويلەم دەيمىز.
لەپتى سويلەم كوتەرىڭكى داۋىسپەن ايتىلادى.
لەپتى سويلەمنىڭ سوڭىنا لەپ بەلگىسى (!) قويىلادى.

ويىن «سايكەستەندىر»
وكىنۋ - قاپ، باقشانىڭ ەسىگىن جاۋىپ قويماعانىم - اي!
ارمانداۋ - شىركىن، ايعا سامعاپ ۇشسام عوي!
بۇيرىق - قانە، كۇندەلىگىڭدى بەرشى!
ۇرانداتۋ - سۇيىكتى مەنىڭ قازاقستانىم جاساسىن!

قولدانۋ
ماقساتى: لەپتى سويلەم تۋرالى بىلىمدەرىن ناقتىلاي ءتۇسۋ
وقۋلىقپەن جۇمىس.
1. كوركەم جازۋ
2. جاتتىعۋ جۇمىستارىن ورىنداۋ.
سەرگىتۋ ءساتى. اۋەنگە ساي قيمىلمەن بيلەۋ.

تالداۋ
ماقساتى: بەرىلگەن سوزدەردەن لەپتى سويلەم قۇرا ءبىلۋ داعدىسىن جەتىلدىرۋ
تاپسىرما: ورنى اۋىستىرىلىپ بەرىلگەن سوزدەردەن سويلەم قۇراپ جاز
1. ءبىز، الاقاي، جەڭدىك
2. بەكەر، رەنجىتتىم – اۋ، قاپ

جيناقتاۋ ماقساتى: لەپتى سويلەم تۋرالى بىلىمدەرىن قورىتۋ، بەكىتۋ
تەست سۇراقتارىنا جاۋاپ بەرۋ. ءوزىن - ءوزى باعالاۋ
تەست
1. سويلەمدى بەلگىلە.
ا) كىتاپ، مۇز.
ءا) ر، ش، ۇ، ى، ق.
ب) مىنا تاۋ قانداي بيىك!
2. مىنا سويلەمنىڭ سوڭىنا قانداي تىنىس بەلگىسى قويىلادى؟
الاقاي، اعام كەلدى
ا) سۇراۋ بەلگى
ءا) لەپ بەلگى
ب) نۇكتە
3. اياقتالعان ويدى بىلدىرەتىن نە؟
ا) ءماتىن
ءا) سويلەم
ب) ءسوز
4. جاۋاپ الۋ ماقساتىمەن ايتىلعان سويلەمدى قانداي سويلەم دەيمىز؟
ا) سۇراۋلى سويلەم
ءا) لەپتى سويلەم
ب) حابارلى سويلەم
5. لەپتى سويلەمنىڭ سوڭىنا قانداي تىنىس بەلگىسى قويىلادى؟
ا) نۇكتە
ءا) سۇراۋ بەلگى
ب) لەپ بەلگى

ءىىى. ساباقتى قورىتىندىلاۋ. لەپتى سويلەمنىڭ وزىندىك بەلگىلەرى:
- ادامنىڭ كوڭىل - كۇيىن، سەزىمىن (قۋانۋ، رەنجۋ، وكىنۋ، ۇران ت. ب.) بىلدىرەدى؛
- لەپتى سويلەم ۇنەمى كوتەرىڭكى داۋىسپەن ايتىلادى؛
- لەپتى سويلەمنىڭ سوڭىنا لەپ بەلگىسى (!) قويىلادى.

ءىV. ساباقتى بەكىتۋ ساباق بارىسىندا ءار وقۋشى قولداناتىن ساباق كارتاسى:
V. ۇيگە تاپسىرما. سۇراۋلى سويلەمدەر قۇراۋ. ەرەجەلەر جاتتاۋ.
باعالاۋ