لوگيكالىق ويلاۋدى دامىتۋ ادىستەمەسى

لوگيكالىق ويلاۋدى دامىتۋ ادىستەمەسى.
ماقساتى: بالالاردىڭ لوگيكالىق ويلاۋىن دامىتۋ.
بالالاردىڭ تانىم پروسەستەرىن دامىتۋعا ارنالعان كوپتەگەن گرافيكالىق جانە سوزدىك جاتتىعۋلار جاسالعان.
ۇسىنىلىپ وتىرعان گرافيكالىق - ساندىق تەست.
ورىنداۋ ەرەجەسى:
1 سانىنان 19 - عا دەيىن مىنا شەڭبەرلەردىڭ ىشىنە ورنالاستىرۋ قاجەت. ءار شەڭبەردىڭ ىشىنە ءبىر سان جازىلادى. سانداردىڭ ءار قايسىسىن ءبىر رەت قولدانۋعا بولادى. سان قايتا قولدانىلسا ول قاتە بولىپ ەسەپتەلىنەدى جانە جاتتىعۋ ورىندالمايدى.

سانداردى دۇرىس ورنالاستىرعاندا قاراما - قارسى ورنالاسقان ءۇش شەڭبەر ىشىندەگىلەردىڭ قوسىندىسى 30 - عا تەڭ بولۋعا ءتيىس. ءبىر ساندى ورتاداعى دوڭگەلەك ىشىنە، ال قالعان 18 ساندى شەڭبەر بويىنشا اينالاسىندا ورنالاسقان دوڭگەلەكتەر ىشىنە جازىپ شىعۋ كەرەك. سانداردى تولىق ورنالاستىرىپ بولعاننان سوڭ ءار دياگونال بويىندا ورنالاسقان ءۇش ساندى ءبىر - بىرىنە قوسىپ شىققاندا ولاردىڭ قوسىندىسى 30 - عا تەڭ بولاتىنداي رەتىن تابۋ كەرەك. ورىنداۋعا 10 مينۋت ۋاقىت بەرىلەدى. ەگەر ءبىرىنشى رەتتەن رەتىن تابا الماعان بالا تاعى ۋاقىت بەرۋدى وتىنسە، وعان ەكىنشى جانە ءۇشىنشى رەت ورىنداپ كورۋگە مۇمكىندىك بەرگەن دۇرىس. سوندىقتان ورىنداۋعا بەرىلگەن ۋاقىت بالانىڭ لوگيكالىق ويلاۋىنا شەكتەۋ قويماۋى كەرەك.

دۇرىس جاۋابى: ورتاداعى شەڭبەرگە 10 سانىن ورنالاستىرۋ كەرەك. سونان سوڭ، سىرتقى شەڭبەرلەر ىشىنە 1 سانىنان باستاپ 9 - عا دەيىن رەتىمەن جازىپ شىعامىز. ولاردىڭ قارسى تۇسىندا دياگونال بويىمەن ورنالاسقان بارلىق شەڭبەرلەرگە سانداردى سۋمماسى 30 - عا تەڭ بولاتىنداي ەتىپ جازىپ شىققاندا تاپسىرما دۇرىس ورىندالادى.

وقۋشىلاردىڭ ارەكەتتەرىنە پسيحولوگ ارالاسپاي، وزدەرى شەشۋ جولىن دەربەس تابۋىنا مۇمكىندىك بەرۋى قاجەت. بالالارعا تاپسىرمانى ۇندەمەي وتىرىپ ورىنداۋ كەرەك ەكەنى ەسكەرتىلەدى، ال شەشۋ جولدارىن قاداعالاۋ ءۇشىن پسيحولوگ ءار بالانىڭ جۇمىسىن ورىنداۋ پاراعىنا قاراپ، تاپقان لوگيكاسىنىڭ دۇرىستىعىن ءوزى بەلگىلەپ وتىرادى.

وقۋشىلار تاپسىرمانى ورىنداۋ بارىسىندا ونىڭ شەشىمىن تابۋدىڭ كوپتەگەن ۆاريانتتارىن جاساپ كوردى. ولار ورتاداعى شەڭبەرگە ءبىر سانىن قويۋدان باستادى. ءبىر - ەكى ۆاريانتتى جاساپ كورگەننەن سوڭ ماسەلەنى دۇرىس شەشۋ ءۇشىن ورتاداعى ساندى تابۋ كەرەك ەكەنىن تۇسىنگەندەر دۇرىس ورىنداپ، باسقا وقۋشىلارعا كومەك كورسەتە باستادى. بۇل جەردە بالانىڭ لوگيكالىق ويىنا ۇلكەن اسەرىن تيگىزەتىن نارسە – ولاردىڭ ورتاداعى ساندى تابۋ قاجەت ەكەنىنە تۇسىنگەنى. ورىنداۋ بارىسىندا تاپقىرلىق، شىعارماشىلىق كورسەتكەن بالالاردىڭ سانى 4 بولدى. جۇرگىزىلگەن زەرتتەۋ ناتيجەسى كەلەسى كەستەدە كورسەتىلگەن.
4 - ا سىنىبى وقۋشىلارىنىڭ لوگيكالىق ويلاۋدى ولشەۋ تاپسىرمالارىن ورىنداۋى.
لوگيكالىق ويلاۋدى دامىتۋ ادىستەمەسى جۇكتەۋ