instagram.com/realmadrid
مادريدتىك «رەال» ويىنشىلارىنا ايىپپۇل سالىندى: ۆالۆەردە مەن چۋامەني اراسىنداعى جانجالعا قاتىستى شەشىم قابىلداندى
مادريدتىك «رەال» كلۋبى جارتىلاي قورعاۋشىلار فەدەريكو ۆالۆەردە مەن ورەلەن چۋامەني اراسىنداعى جاتتىعۋ كەزىندەگى جانجال بويىنشا ىشكى تارتىپتىك ءىستى جاپتى. فۋتبولشىلارعا ءىرى كولەمدە ايىپپۇل سالىندى.
بۇل تۋرالى Infohub.kz اقپارات اگەنتتىگى حابارلايدى.
ىشكى تەرگەۋ
ەستەرىڭىزگە سالا كەتەيىك، «رەالدىڭ» جاتتىعۋى كەزىندەگى جانجال تۋرالى اقپارات وتكەن بەيسەنبىدە پايدا بولدى. كەيىننەن كلۋب ىشكى تەرگەۋ جۇرگىزەتىنىن مالىمدەدى.
تەرگەۋ كەشە اياقتالدى. كلۋب ويىنشىلارعا ءبىر ميلليون ەۋرو كولەمىندە ايىپپۇل سالۋ تۋرالى شەشىم قابىلدادى.
«ويىنشىلار وكىنىش ءبىلدىرىپ، بىر-بىرىنەن كەشىرىم سۇرادى. ولار كلۋبتان، كوماندالاستارىنان، جاتتىقتىرۋشىلار شتابىنان جانە جانكۇيەرلەردەن كەشىرىم ءوتىندى. ەكەۋى دە كلۋب لايىقتى دەپ تاپقان جازانى قابىلداۋعا دايىن. وسىنداي جاعدايلاردا «رەال مادريد» ءار ويىنشىعا 500 مىڭ ەۋرو كولەمىندە ايىپپۇل سالۋ تۋرالى شەشىم قابىلدادى»، - دەلىنگەن كلۋب مالىمدەمەسىندە.
ۆالۆەردە مەن چۋامەني اراسىنداعى جانجال
«رەالدىڭ» جارتىلاي قورعاۋشىسى ورەلەن چۋامەني سارسەنبى كۇنگى جاتتىعۋلاردىڭ بىرىندە فەدەريكو ۆالۆەردەمەن ۇرىسىپ قالعان، ال بەيسەنبىدە ولاردىڭ اراسىنداعى جانجال جالعاسقان.
توبەلەس كيىم اۋىستىراتىن بولمەدە جالعاسىپ، ۆالۆەردەنىڭ اۋرۋحاناعا تۇسۋىمەن اياقتالدى. ءبىر نۇسقا بويىنشا، ونى كوماندالاسى ۇرعان، ەكىنشى نۇسقا بويىنشا، ول ءوزى ۇستەلدىڭ جيەگىنە سوعىلىپ قۇلاعان. قالاي بولعاندا، جانجالدىڭ ناتيجەسىندە كلۋبتىڭ ەكى رەسمي مالىمدەمەسى جاريالاندى.
ۆالۆەردەنىڭ ءوزىنىڭ ايتۋىنشا، ونىمەن جانە سەرىكتەسىمەن توبەلەس بولماعان، ول جاي عانا «ۇستەلگە سوعىلعان». سونىمەن قاتار، كلۋب مەديسينالىق قورىتىندى تۋرالى مالىمدەمە جاسادى، وعان سايكەس فەدەريكو الداعى ەكى اپتانى الاڭسىز وتكىزەدى.
ايتا كەتەيىك، 10-11 مامىرعا قاراعان ءتۇنى «رەال مادريد» «بارسەلونامەن» كەزدەسەدى. ماچ قازاقستان ۋاقىتىمەن 00:00-دە باستالادى. ەگەر كاتالوندىق كلۋب جەڭىسكە جەتسە، ەل-كلاسيكودا باستى قارسىلاسىن ۇتىپ، مەرزىمىنەن بۇرىن چەمپيوندىق اتاعىن قامتاماسىز ەتە الادى.
34 تۋردان كەيىن 77 ۇپايمەن «رەال» تۋرنير كەستەسىندە ەكىنشى ورىندى يەلەنىپ، 88 ۇپاي جيناعان «بارسەلونادان» 11 ۇپاي قالىپ وتىر.
فەدەريكو ۆالۆەردە مەن ورەلەن چۋامەني اراسىنداعى توبەلەس بولعاننان كەيىن كلۋب يسپانيا چەمپيوناتىندا «بارسەلونامەن» وتەتىن ماچقا «رەال ءمادريدتىڭ» كاپيتانى ۆينيسيۋس جۋنيور بولاتىنى تۋرالى شەشىم قابىلدادى.
بۇعان دەيىن مادريدتىك «رەالدىڭ» جانكۇيەرلەرى كيليان مباپپەنى كلۋبتان شىعارۋ تۋرالى ءوتىنىش جاريالاعان بولاتىن. ونى 10 ميلليوننان استام ادام قولداپ ۇلگەردى.
-
A student in Astana has been sentenced to administrative arrest for posing disrespectfully at the iconic Baiterek monument، sparking public outrage.
-
Real Madrid has concluded its internal investigation into a training ground dispute between Federico Valverde and Aurélien Tchouaméni، resulting in significant fines for both players.
