InfoHub Logo

ساباقتىڭ تاقىرىبى: «ماعان ۇناعان كىتاپ»
(ا. ەلگەزەك «كوك ءبورىنىڭ رۋحى»)
ساباقتىڭ ماقساتى: وقۋشىلاردىڭ بويىنداعى دارىندىلىق قابىلەتتەرىن اشۋ، تالانتتارىن ناسيحاتتاۋ.
ساباقتىڭ مىندەتتەرى:
ا) اقىن ومىرىنە شولۋ؛
ءا) كىتاپ وقۋعا قۇمارلىعىن ارتتىرۋ؛
ب) رۋحاني - ادامگەرشىلىك قاسيەتتەرىن جەتىلدىرۋ.
ساباقتىڭ كورنەكىلىگى: اقىننىڭ سۋرەتى، كىتاپتارى، ناقىل سوزدەر، ينتەراكتيۆتى تاقتا، ت. ب.
ءتيپى: جۇيەگە كەلتىرۋ ساباعى
ءادىسى: جەكەلەمە جۇمىس، سۇراق - جاۋاپ، ىزدەندىرۋ
ساباقتىڭ بارىسى:
ۇيىمداستىرۋ: ا) وقۋشىلارمەن امانداسۋ؛
ءا) وقۋشىلاردى تۇگەندەۋ؛
ب) وقۋشىلاردىڭ نازارىن ساباققا اۋدارۋ.
جوسپار
I. قۇپيا سوزدەر سىرى (ساباقتىڭ تاقىرىبىن تابۋ)
II. بايگە جارىسى (اقىننىڭ ولەڭىن وقىپ، قانشالىقتى جاتتاعانىن ءبىلۋ).
III. سەرگىتۋ ءساتى.
IV. جادىمىزدا ساقتاي ءبىلۋ
V. جۇرەكتەن شىققان ارناۋ
VI. سۇراق - جاۋاپ
VII. قورىتىندىلاۋ

I. قۇپيا سوزدەر سىرى (ساباقتىڭ تاقىرىبىن تابۋ)
كىتاپ، قاسقىر، اقپان، مەكتەپ، اۋىل سوزدەرى بەرىلەدى (ءومىرى مەن شىعارماشىلىعى بويىنشا سوزدەر سويلەيدى)
1980 جىلى 2 اقپاندا سەمەي وبلىسى، شۇبارتاۋ اۋدانى، مادەنيەت اۋىلىندا دۇنيەگە كەلگەن. ە. راحمادييەۆ اتىنداعى ورتا مەكتەپتىڭ تۇلەگى. ءال - فارابي اتىنداعى قازۇۋ - ءنىڭ تاريح فاكۋلتەتىن بىتىرگەن. قازاقستان جازۋشىلار وداعىنىڭ مۇشەسى. قازاقستان «سەرپەر» جاستار سىيلىعىنىڭ لاۋرەاتى. ءقازىر استانا قالاسىندا تۇرادى.
سونىمەن قۇپيا سۋرەتتەر ءبىزدىڭ ساباعىمىزدىڭ تاقىرىبىن تاۋىپ بەردى. تاقتاعا نازار اۋدارۋ، داپتەرىمىزدى اشىپ، بۇگىنگى كۇندى، تاقىرىپتى جازۋ.
ءبىزدىڭ مەكتەبىمىز – ونەرلىلەردى تاربيەلەپ وتىرعان مەكتەپ. ەلباسىمىز ن. نازاربايەۆ ايتقانداي «قازاقستاننىڭ بولاشاعى – دارىندى جاستار»، - دەيدى. راسىمەن دە – ءبىزدىڭ مەكتەپ دارىندى جاستار ورداسى. ولاي بولاتىن بولسا، دارىندى بالالار، ەلىنە قوش كەلدىڭىزدەر!

II. بايگە جارىسى (اقىننىڭ ولەڭىن وقىپ، قانشالىقتى جاتتاعانىن ءبىلۋ).
اقبەرەننىڭ «كوك ءبورىنىڭ رۋحى» اتتى كىتابىنان ولەڭ جاتتاعان وقۋشىلارعا ءسوز كەزەگىن بەرەيىك. «شۇبارتاۋىم»، «سارىتايپاق»، «كوكتال»، «اكەمە»، «اكەنى اڭساۋ»، «عالىم اعا»، ت. ب.

III. سەرگىتۋ ءساتى
الماتى، سەمەي قالالارىندا ءان سالىپ، جۇلدەلى ورىنمەن ورالعان ايبوتاعا كەزەك بەرىپ، ءبىر سەرپىلىپ قالايىق. كەلەسى وسى ونەر مەكتەبىندە ءتالىم الىپ جۇرگەن وقۋشىلارىمىزدىڭ ونەرىن تاماشالايىق

IV. جادىمىزدا ساقتاي ءبىلۋ. (داپتەرمەن جۇمىس، وقۋشىلار جاتتاعان ولەڭدەرىن قاتەسىز داپتەرگە جازۋ كەرەك. قاتار وتىرعان وقۋشى ءبىر - ءبىرىنىڭ قاتەسىن تۇزەتەدى.)

V. جۇرەكتەن شىققان ارناۋ. (شىعارماشىلىق قابىلەتتەرىن دامىتۋ، وقۋشىلار وزدەرىنىڭ اقىنعا ارنالعان ولەڭ شىعارمالارىن وقيدى)

نۇرسەرىك: ولەڭ دەگەن وي ساندىق،
وي ساندىقتان – وي الدىق
جەرلەس اقىن جىرلارىن،
وقىدىق تا، ويلاندىق

اقىندىق شابىتىنا ب ا ق بەرەدى
جۇرەگىنەن توگىلەر ءسوز جەلەڭى
تاعىلىم ءتالىم سىرى – اڭقىپ جاتقان
پوەزيانىڭ ول جۇيرىك – اقبەرەنى

پاراسات پەن مۇقاعالي: اقبەرەندەي الىپ قازاق بولىپتى
اققۋ قۇسى وسى الىپقا قونىپتى
ول – اققۋ قۇس
دانا دەگەن سۇلۋ، ءارى ارۋ قىز
وسى مەكتەپتىڭ تۇلەگى عوي اعامىز
ۇمىتپاڭىز، قورىقپاڭىز
ارتىڭىزدا ءبىز بارمىز

مەيىرگۇل: اقبەرەن اعا – دارا اقىن، دانا اقىن،
ول كىسىنىڭ كوڭىلى كۇندە جارقىن
ولەڭى ءان تەربەيدى، كۇن تەربەيدى
كەيبىرەۋى جۇرەكتى تەز كەرنەيدى

ولەڭدەرى جۇرەكتى جىرلاتادى
كەيبىرەۋى جۇرەكتى جىلاتادى
اقبەرەن اعا امان بولىڭىز
زور بايلىق، مول باقىتتى مەن تىلەدىم

VI. سۇراق - جاۋاپ
1. سەندەرگە قانداي كىتاپ ۇنادى؟ ول كىمنىڭ كىتابى؟
2. رۋحاني بايلىقتى قايدان الادى ەكەنبىز؟
3. ەلىمىزدىڭ بولاشاعىنا يە بولار جاستار قانداي بولۋى كەرەك؟

VII. قورىتىندىلاۋ. وقۋشى ءبىلىمىن باعالاۋ.
جاۋاپتارىڭا كوپ-كوپ راحمەت. قازىردەن باستاپ ادەبي كىتاپتاردى كوپ وقۋعا داعدىلانايىق. كىتاپ – ۇرپاقتان - ۇرپاققا قالاتىن رۋحاني قازىنا، سوندىقتان كىتاپتى جىرتپاي، قادىرلەپ ۇستاۋعا ءتيىسپىز.
بويلارىڭدا وت بارلىعىن بايقادىم
جۇرەكتەردە شوق بارىن دا بايقادىم،
ءارقاشاندا وسى شوقتى وشىرمەي
شاكىرتتەرىم، شارىقتاڭدار ءاردايىم، - دەپ بۇگىنگى ساباعىمىزدى اياقتايمىز.
VIII. ۇيگە تاپسىرما بەرۋ: انا تۋرالى ولەڭ نەمەسە شىعارما جازىپ، جاتتاپ كەلۋ.