InfoHub Logo

9 - سىنىپ قازاق ادەبيەتى
ساباقتىڭ تاقىرىبى: س. تورايعىروۆتىڭ ءومىرى مەن شىعارماشىلىعى.
ساباقتىڭ ماقساتى:
بىلىمدىلىك: وقۋشىلارعا قازاق حالقىنىڭ حح عاسىر باسىنداعى اسا كورنەكتى اقىن سۇلتانماحمۇت ءومىرى تۋرالى جان - جاقتى ماعلۇمات بەرۋ، شىعارماشىلىعىنىڭ مازمۇنى مەن ماڭىزىن اشۋ، ءمانىن ءتۇسىندىرۋ؛
تاربيەلىلىك: اقىننىڭ ءومىر جولى ارقىلى وقۋشىلاردى ادامگەرشىلىك پەن پاراساتتىلىققا تۋعان ءتىلىن، ادەبيەتىن سۇيۋگە قۇشتارلاندىرۋ؛
دامىتۋشىلىق: ءار وقۋشىنىڭ وزىندىك وي - قيالىنا ەرىك بەرە وتىرىپ، وزىنشە وي تۇيۋگە باۋلۋ، وزدىكتەرىنەن ىزدەنۋگە، شىعارماشىلىقپەن جۇمىس جاساۋعا جۇمىلدىرۋ.
ءتيپى: جاڭا تاقىرىپتى مەڭگەرتۋ
ءتۇرى: ىزدەنىس ساباق
ءادىسى: سۇراق - جاۋاپ، ىزدەندىرۋ، ءتۇسىندىرۋ.
كورنەكىلىكتەر: سۇلتانماحمۇت سۋرەتى، شىعارمالار جيناعى، ينتەراكتيۆتى تاقتا، ت. ب.
ساباقتىڭ بارىسى:
I. ۇيىمداستىرۋ
II. ءۇي تاپسىرماسىن تەكسەرۋ.
III. جاڭا ساباق ءتۇسىندىرۋ.
وقىتۋشىنىڭ كىرىسپە ءسوزى: «سۇلتانماحمۇت – تەرەڭ ويلى، ۇشقىر ءسوزدى، سۇلۋ تالعامدى اقىن ەدى»، - دەگەن ب. كەنجەبايەۆتىڭ ءسوزى توڭىرەگىندە اڭگىمە قوزعايمىن. بۇگىنگى ساباقتىڭ ماقساتىن ينتەراكتيۆتى تاقتا ارقىلى ءتۇسىندىرىپ وتەمىن.

IV. ىزدەندىرۋ كەزەڭى
جاڭا ساباقتى مەڭگەرتۋ ءۇشىن سۇراقتار بەرە وتىرىپ كىتاپپەن جۇمىس جاساتامىن.
1. سۇلتانماحمۇت قاي جىلى، قاي جەردە دۇنيەگە كەلگەن؟
1893 جىلى كوكشەتاۋ وبلىسى، قىزىلتۋ اۋدانى
2. سۇلتانماحمۇت نەشە جاسىندا حات تانىعان؟
6 جاسىندا
3. سۇلتانماحمۇت العاشقى ولەڭىن نەشە جاسىندا جازعان، ول قالاي اتالادى؟
13 جاسىندا «سەكىلدى ءومىر قىسقا جارتى تۇتام»
4. سۇلتانماحمۇت ىزدەپ بارعان العاشقى قالاسى قاي قالا؟
ترويسك
5. ەڭبەك جولىن باستاعان قازاق ءباسپاسوزى قالاي اتالادى؟
«ايقاپ» جۋرنالى
6. 1914 جىلى اشقان ۇيىمى قالاي اتالادى؟
«شوڭ سەرىكتەستىگى»
7. 1915 جىلى ولەڭمەن جازىلعان روماننىڭ اتى قانداي؟
«كىم جازىقتى»
8. گيمن ۇلگىسىندە جازىلعان ولەڭىنىڭ اتى؟
«الاش ۇرانى»
9. اپپاقاي قالامگەردىڭ قاي شىعارماسىنىڭ كەيىپكەرى؟
«كىم جازىقتى»
10. اقىننىڭ 5 بولىمنەن تۇراتىن فيلوسوفيالىق پوەماسى قالاي اتالادى؟
«اداسقان ءومىر»
11. سۇلتانماحمۇت تۋرالى جازىلعان روماننىڭ اۆتورى كىم؟
ديقان ءابىلوۆ
12. قانداي پوەمالارىن بىلەسىڭدەر؟
«تانىستىرۋ»، «كەدەي»، «قامار سۇلۋ»
13. قاي جىلى نەشە جاسىندا دۇنيەدەن ءوتتى؟
1920 جىلى 27 جاسىندا

V. دامىتۋشىلىق كەزەڭى.
سۇراققا ءتيىستى جاۋاپ العاننان كەيىن اقىننىڭ بىرنەشە ولەڭدەرىن وقىتىپ، تالداتامىن.
1. «شىعامىن ءتىرى بولسام ادام بولىپ»
ا) اقىن ماقساتى نە؟ (ادام بولۋ، جامان بولماۋ، ەلىنە قولعابىس ەتۋ)
ءا) ءبىلىم ىزدەگەنىن قاي سوزدەن كورەمىز؟ (جارىق ساۋلە قۋعان)
ب) كوردە جاتۋ نەنىڭ بەلگىسى؟ (ناداندىقتىڭ)
ۆ) كۇن الىنا ما؟ كۇن ارقىلى اقىننىڭ ايتپاق ويى نە؟ (وقۋ وقىپ ءبىلىم الۋ، ماقساتقا جەتۋ)

2. «شاكىرت ويى»
قاراڭعى قازاق كوگىنە ا
ورمەلەپ شىعىپ، كۇن بولام ب
قاراڭعىلىقتىڭ كەگىنە ا
كۇن بولماعاندا كىم بولام؟! ب
ولەڭ قۇرىلىسى: 8 بۋىندى، 18 تارماقتى، 3 شۋماقتى، شالىس ۇيقاس

3. ولەڭدەردەن كوركەم ءسوز وبرازدارىن تابۋ.
ولەڭنەن ءۇزىندى قاي ولەڭ؟ كوركەم ءسوز وبرازدارى
بولماسا تولعان ايداي بالقىپ تۋعان «شىعامىن ءتىرى بولسام ادام بولىپ» تەڭەۋ

VI. ساباقتى بەكىتۋ. سۇلتانماحمۇت ءومىرى مەن شىعارماشىلىعىنا باعا بەرە وتىرىپ، توپتاستىرۋ سىزباسىن قۇراستىرۋ.

VII. قورىتۋ. ءبىز بۇگىنگى ساباقتا سۇلتانماحمۇتتىڭ ءومىرى مەن شىعارماشىلىعىمەن تانىستىق. اقىن ولەڭدەرى قايرات پەن جىگەرگە تولى ۇلتتىق نامىس پەن سانا سەزىمدى وياتۋمەن قۇندى تۋىندى ەكەنىن بىلدىك.
VIII. ۇيگە تاپسىرما.
1. وقۋشىلارعا س. تورايعىروۆتىڭ ءومىرى مەن شىعارماشىلىعى جايلى تىڭ ماتەريالدار ىزدەپ كەلۋ..
IX. وقۋشى ءبىلىمىن باعالاۋ.