InfoHub Logo

1994 جىلى قازان ايىندا جوعارى كەڭەس اكەجان قاجىگەلديننىڭ پرەمەر-مينيسترلىگىن ماقۇلدادى. الايدا، ونىڭ ورىنباسارى بولۋعا ۇسىنىلعان التىنبەك سارسەنبايۇلىنا دەپۋتات التىنشاش جاعانوۆا قارسىلىق ءبىلدىرىپ، ءتىپتى پرەزيدەنتتىڭ ءوزىنىڭ بەتىن قايتاردى. بۇل جايىندا "قيلى كەزەڭ" دەرەكتى ءفيلمىنىڭ 12-بولىمىندە ايتىلعان.

بۇل تۋرالى Infohub.kz اقپارات اگەنتتىگى حابارلايدى.

دەپۋتاتتىڭ نارازىلىعى

التىنشاش جاعانوۆا جوعارى كەڭەس مىنبەرىنەن سويلەگەندە، «بۇل جولى پرەزيدەنت قاتەلەستى» دەپ مالىمدەدى. ول نۇرسۇلتان نازاربايەۆتىڭ التىنبەك سارسەنباي ۇلىنىڭ كانديداتۋراسىن قولداعانىنا قاراماستان، بۇل شەشىم دۇرىس ەمەس دەپ ەسەپتەدى.

سارسەنباي ۇلىنىڭ جاۋابى

التىنبەك سارسەنباي ۇلى بۇل سوزدەرگە جاۋاپ رەتىندە بولاشاقتا ءسوز بوستاندىعىنا كەپىلدىك بەرەتىن كونستيتۋسيانىڭ ءوزى جەتكىلىكتى بولاتىنىن، ءتىپتى باسپا ءسوز تۋرالى زاڭنىڭ قاجەتى بولماي قالۋى مۇمكىن ەكەنىن ايتتى. الايدا، ۋاقىت وتە كەلە ب ا ق تۋرالى زاڭ ءوز كۇشىندە قالدى.

نەگە قارسى بولدى؟

كەيىننەن التىنشاش جاعانوۆا بۇل جايتقا قاتىستى پىكىرىن ءبىلدىرىپ، پرەزيدەنتتىڭ رەنجىگەنىن ايتتى. دەپۋتاتتىڭ ايتۋىنشا، التىنبەك سارسەنباي ۇلىنىڭ بۇرىنعى ءتارتىبى مەن قالالىق كەڭەستەگى جۇمىسى كەزىندەگى مىنەزى وعان ۇناماعان. «مەنىڭشە، ونىڭ پرينسيپتەرى باسقاشا بولاتىن. ماعان ۇنامايتىن ايتەۋىر»، - دەدى ول.

ءوز كەزەگىندە التىنبەك سارسەنباي ۇلى بۇل جاعدايعا ريزاشىلىعىن ءبىلدىردى. ول ءوزىنىڭ پرەمەر-ورىنباسار بولماعانىنا شۇكىرلىك ەتىپ، سول كەزدەگى ۆيسە-پرەمەردىڭ باسقارۋىمەن الەۋمەتتىك سالانىڭ كۇيرەگەنىن ايتتى. «مەنى سول جولى قۇداي ساقتادى. ءالى كۇنگە سول اپايىمىزدى كورسەم، راقمەت ايتقىم كەلەدى»، - دەدى ول.