f.azh.kz
ماحامبەت اۋدانىندا جىلىنا 130 توننا بالىق وندىرەتىن جاڭا زاۋىت اشىلادى
اتىراۋ وبلىسىندا بالىق شارۋاشىلىعىن دامىتۋعا باعىتتالعان اۋقىمدى جوبالار قولعا الىنىپ، ماحامبەت اۋدانىندا زاماناۋي بالىق وڭدەۋ زاۋىتى ىسكە قوسىلادى. بۇل جاڭالىق ءوڭىردىڭ ەكونوميكاسىنا سەرپىن بەرىپ، ەكسپورت الەۋەتىن ارتتىرادى دەپ كۇتىلۋدە.
بۇل تۋرالى Infohub.kz اقپارات اگەنتتىگى حابارلايدى.
ماحامبەت اۋدانىندا «ا-دانا» شارۋا قوجالىعىنىڭ زاۋىتى قۇرىلىسى اياقتالۋدا. جوبانىڭ نەگىزگى ماقساتى – جىلىنا 15 ميلليون دانا بەكىرە تۇقىمداس بالىق شاباعىن ءوسىرۋ جانە 130 تونناعا دەيىن توۆارلىق بالىق ءوندىرۋ.
ەكسپورتتىق الەۋەتتى ارتتىرۋ
اتىراۋ ءوڭىرىنىڭ بالىق ونىمدەرى شەتەلدە جوعارى سۇرانىسقا يە. وتكەن جىلى وبلىستا 15،5 مىڭ توننادان استام بالىق اۋلانعان. ونىڭ 10 مىڭ تونناسى جەرگىلىكتى كاسىپورىنداردا وڭدەلىپ، 3،3 مىڭ توننادان استامى ەكسپورتقا جونەلتىلگەن. قازىرگى تاڭدا اتىراۋ بالىقتارى رەسەي، ءازىربايجان، گرۋزيا، ۋكراينا جانە گەرمانيا سىندى ەلدەرگە جەتكىزىلۋدە.
دامۋ پەرسپەكتيۆالارى
بۇگىنگى تاڭدا وبلىستا 18 بالىق شارۋاشىلىعى سۋبەكتىسى جۇمىس ىستەيدى، ولارعا 31 ۋچاسكە بەكىتىلگەن. الايدا، ءوڭىردىڭ الەۋەتى ءالى تولىق پايدالانىلماي وتىر. قوسىمشا 27 ۋچاسكە ينۆەستورلاردى كۇتۋدە.
اۋىل شارۋاشىلىعى باسقارماسىنىڭ ءبولىم باسشىسى بەكزات سارسەنعاليدىڭ ايتۋىنشا، جاڭا جوبالار ءوندىرىس كولەمىن ۇلعايتىپ، ەكسپورت گەوگرافياسىن كەڭەيتۋگە مۇمكىندىك بەرەدى. جاڭا زاۋىتتار تاۋارلىق بالىق ءوسىرۋدى دامىتۋ ارقىلى تابيعي سۋ قويمالارىنا تۇسەتىن سالماقتى ازايتۋعا ىقپال ەتەدى.
-
ساراپشىنىڭ ايتۋىنشا، 2027 جىلدان باستاپ قازاقستاندا جانار-جاعارماي باعاسى 70-90% دەيىن ءوسۋى ىقتيمال.
-
A modern fish processing plant is set to open in the Makhat district، aiming to significantly increase fish production and expand export markets for the Atyrau region.
