ماماندىعىم - ماقتانىشىم!
مەن قازىرگى تاڭدا ءال-فارابي اتىنداعى قازاق ۇلتتىق ۋنيۆەرسيتەتى، فيلوسوفيا جانە ساياساتتانۋ فاكۋلتەتىنىڭ ستۋدەنتىمىن.
مەنىڭ ءقازىر ءسوز قوزعاعىم كەلىپ وتىرعان تاقىرىبىم ءوز ۋنيۆەرسيتەتىم،سونىڭ ىشىندە ماماندىعىم جايلى. ماماندىعىم - ءدىنتانۋ. بۇل ماماندىققا وقۋعا تۇسپەس بۇرىن كوپ ويلانىپ شەشىم قابىلدادىم. ارينە ،مەكتەپتى ءتامامداپ بولعاننان كەيىن،جاقسى ماماندىق يەسى بولعىڭ كەلەتىنى ءسوزسىز. وسى ءدىنتانۋ ماماندىعىندا وقىسام كەيىن ءوز ماماندىعىم بويىنشا جۇمىس تابا الامىن با ، ديپلومىم ۇيدە شاڭ باسىپ قالماي ما دەگەن سۇراقتار مازالاعانى دا راس. بۇل ماماندىق جايىندا مەن مەكتەپ قابىرعاسىندا جۇرگەندە العاش ەستىگەن بولاتىنمىن. ءوز ويىمدى جيناقتاي كەلە اتا-اناممەن اقىلداسا وتىرىپ،وسى ماماندىققا قۇجاتتارىمدى تاپسىردىم. سونىمەن، 2019 جىلى جازدا شىعارماشىلىق ەمتيحاندى ويداعىداي تاپسىرىپ، 109 باللمەن، بالا كەزدەن ارمانداعان ۋنيۆەرسيتەتىنىڭ گرانت يەگەرى اتاندىم، قازىرگى تاڭدا 3-كۋرستى ءتامامدادىم. بالا كۇنگى ارمانىڭنىڭ قازىرگى كۇندە ورىندالاتىنىن كىم بىلگەن دەسەڭشى؟! شىركىن، سول ەمتيحان تاپسىرىپ، جوعارى بالل جيناعان كەزدەگى قۋانىشىمدى سوزبەن جازۋ مۇمكىن ەمەس. جالعىز مەنىڭ ەمەس، تالاي تۇلەكتەردىڭ ارمانى بولعان ءال-فارابي اتىنداعى قازۇۋ-دە وقۋ مۇمكىندىگى ماعان دا بۇيىرىپتى.
ماماندىعىمدى مەڭگەرۋ بارىسىندا ءتۇرلى قىزىقتارعا تاپ بولدىم. بۇكىل دۇنيەجۇزىندە ءار حالىقتىڭ،ءتىپتى ءار ادامنىڭ قۇدايعا دەگەن سەنىمى ءار قيلى ەكەنىن ءبىلدىم. وسىعان دەيىن الەمدە تەك 4 ءدىن بۋدديزم،حريستيان،يسلام،يۋداۋزم دىندەرى بار دەپ ويلاپ كەلدىم. بۇل ويىمنىڭ قاتە ەكەندىگىن وقۋ بارىسىندا ءتۇسىندىم. ماماندىقتىقتى مەڭگەرۋ ءۇشىن ۋنيۆەرسيتەت قابىرعاسىندا بارلىق جاعداي جاسالعان.
بۇرىن ءدىنتانۋ دەسە حالىقتىڭ قۇلاعىنا تۇرپىدەي تيەتىن بۇل ماماندىق ەندى - ەندى كەڭگە جايىلا باستاپ، ادامداردىڭ بويى ۇيرەندى. ناقتىلاپ ايتار بولسام، بۇل ماماندىقتى بىتىرگەن ستۋدەنت مەشىتتە يمام بولىپ، ۋاعىز ايتاتىن ادام ەمەس (كوبىسى سولاي ويلايدى). ءدىنتانۋ زايىرلى ماماندىقتاردىڭ ءبىرى، ياعني ەكونوميست، زاڭگەر، بۋحگالتەر دەگەندەرىڭىزدەن اسىپ تۇسپەسە، كەم ەمەس.
قازۇۋ – تالانتتى، دارىندى ستۋدەنتتەردىڭ باسىن بىرىكتىرىپ وتىرعان مەكەن. سىيلاستىق پەن شىنايى دوستىقتىڭ مەكەنى.
سول سەبەپتى دە، مەن ءوزىمنىڭ قازۇۋ-دە وقىپ جۇرگەنىمدى ومىرىمدەگى ەڭ ۇلكەن جەتىستىك دەپ سانايمىن.
ارماندار ورىندالادى!
ءال-فارابي اتىنداعى قازۇۋ، اعا وقىتۋشىسى سارسەمبايەۆ ر.م.، ءدىنتانۋ ماماندىعىنىڭ 3 كۋرس ستۋدەنتى قۋاندىق اياجان
You Might Also Like
-
ماقالا 83ء-ىم جۇرەگىم! جاقسىلىقتى ۇيرەتكەن مەكتەپ – باقىتتى مەكتەپ. يان اموس كومەنسكيي مەكتەپ وقۋشىعا ەتيكانى، ءومىردىڭ نەشە ءتۇرلى اسپەكتىلەرىن جانە پرينسيپتەرىن بىلۋگە كومەكتەسەدى. مەن ءوز مەكتە...
-
ازاماتتىق سانا – تۇلعالىق كورنىس. ءوز ۇلتتىنا، ءوز وتانىنا، ءوز مادەني جانە ۇلتتىق تامىرلارىنا، ءوز تۋعان مادەنيەتىنە، ءوز تىلىنە، ءوز ۇلتتىق ەرەكشەلىكتەرىنە، بولمىسى مەن جالپىۇلتتىق ىنتىماقتاستىقت...
