ماماندىقتار تۋرالى جۇمباقتار
ايدىندا جۇزەدى،
ءتىرى كۇمىس سۇزەدى.
(بالىقشى)
الاتاياق ۇستاعان،
جول ءتارتىبىن ڭۇسقاعان،
ءومىرىڭدى كۇزەتكەن،
ىسقىرىعى كۇشتى ادام.
(ميليسيونەر)
ونەرگە ءتان جاراتقان،
كوكىرەگى كەڭ اسپان.
بارشا جۇرتتى قاراتقان،
بەينەگەر كىم تىم اسقان؟
(قىلقالام شەبەرى)
ماڭدايعا جاعىپ شىراقتى،
لاۆالاردان تۇراقتى.
اعىزىپ وتىن وزەنىن،
جىلىتقان كىم ءوز ەلىن؟
(شاحتەر)
ادامنىڭ ءجۇزىن،
باسى مەن كوزىن.
اينىتپاي كەلبەتىن،
سالاتىن كىم سۋرەتىن؟
(سۋرەتشى)
جاسىل جەلەك كوگالدا،
بىردە ارتقا،
بىردە العا،
جەلاياق كوپ بالا،
تالاسىپ ءجۇر ءبىر شارعا.
(فۋتبولشىلار)
جولىنىڭ كوپ ازابى،
سونداداعى تىنبايدى.
جاڭالىقتى جازادى،
كوپشىلىكتى تىندايدى.
(جۋرناليست)
كەڭ بايتاق تۋعان جەرىمە،
كەتپەسىن دەپ جات ءىز ءوتىپ.
تىنىشتىق تىلەپ ەلىمە،
وتاندى كىم تۇر كۇزەتىپ؟
(الپينيست)
ايلار بويى جۇزەدى،
جەردى كورمەي جۇرەدى.
اق جال تاۋمەن الىسقان،
ادامدى كىم بىلەدى؟
(تەڭىزشى)
ءتول ءوسىرىپ موماقان،
ۋىز ىشكەن قويمالجىڭ،
بىلسەڭ ايتشى، بالاقان،
ەڭبەگى زەينەت قاي مالشى؟
(قويشى)
تۇلعالى كەڭ يىعى،
مۇنارا ونىڭ تۇراعى،
ماڭ دالادا بۇيىعى،
سونبەي جانسا شىراعى،
جەر استىنىڭ سۇيىعى
فونتان بولىپ شىعادى.
(مۇنايشى)
ول جەتسە اۋىلعا،
سامسار جۇلدىز تورابى،
نۇر شاشىپ تۇرادى.
(ەلەكترشى)
كۇمىس قانات، سۇڭقارى،
كوككە ەركىن سۇڭگيدى.
بۇلتتان دا تىم ءارى،
كەتكەن جاندى كىم دەيدى؟
(ۇشقىش)
ورنەكتەپ، ساندەپ،
تىگىستەرىن بۇگەتىن.
سولپىسىن جوندەپ،
كىم كويلەك تىگەتىن؟
(تىگىنشى)
قالپاعى اق قاراساڭ،
دارىگەر ەمەس، ءبىراق ول.
ءدام ءمازىرىن قالاساڭ،
العا ۇسىنىپ تۇرادى ول.
(اسپاز)
توپىراقتىڭ قۇنارىن،
ءدال تاۋىپ قۇرامىن،
قاي جەردە قاي داقىل،
ءونىم بەرەر باي داقىل،
زەرتتەپ ءدايىم جۇرەتىن،
كىم ءبارىن بىلەتىن؟
(اگرونوم)
كورىنبەيدى ءوزى،
ەستىلەدى ءسوزى.
(راديو ديكتورى)
جالتىلداپ قالاعى،
سالاتىن كىم قالانى؟
(كىرپىش قالاۋشى)
قاراڭعىنى قاق جارىپ،
جۇرگەن كىم شام جاعىپ؟
(مونتەر)
بال تاتىعان ءمازىر،
ول بار جەردە ءازىر.
(اسپاز)
وسكەن شاشتى جاراتپايتىن،
قايشىسى بار جالاقتايتىن.
(شاشتاراز)
ونىڭ تىككەن بۇيىمى،
اياعىڭدى قاپتايدى،
شىعا قالسا جۇلىمى،
ادەمىلەپ باپتايدى.
(ەتىكشى)
كوككە ۇشقان شارىقتاپ،
شاڭىراقتىڭ باۋىنان.
ۇستاپ ۇستەم قالىقتاپ.
(پاراشيۋتيست)
دابىلعا تەز جەتەتىن،
جالىنعا سۇڭگىپ كەتەتىن.
قاقالسا دا تۇتىنگە،
تايسالمايتىن باتىل كىم،
جاسقانبايتىن باتىر كىم؟
(ءورت ءسوندىرۋشى)
قۇرىپ قويىپ ورمەگىن،
ۇرشىقتارىن ويناتىپ.
ءساندى ماتا ورنەگىن،
جاسايتىن كىم جايناتىپ؟
(توقىماشى)
ەكى شەكپەن كۇمبىرلەپ،
كوڭىل سازىن ساپىرادى،
تۇلپار شابىس دۇمبىرلەپ،
جەلپىندىرىپ وتىرادى.
(كۇيشى)
مىنا سىلتەمەلەردى دە قاراپ كورىڭىز:
سايتتاعى بارلىق جۇمباقتار
Cۋرەتتى جۇمباقتار
لوگيكالىق جۇمباقتار
مەتاگراممالار
الفاۆيت، ارىپتەر جۇمباقتار
جانۋارلار مەن قۇستار
You Might Also Like
-
ءوزى الىپ كەمەدەي، داۋىلداپ ىقپايدى. سۋ شاشىپ،تەلەگەي مۇحيتتان شىقپايدى. (كيت)
-
ۇقسايتىن شەڭبەرگە قابىرعاسى جيىلىپ، كەرىلەدى. جيھازى ول كەڭ بولمە، توبەسىنەن جۇلدىزدار كورىنەدى. (كيىز ءۇي)
