تۇڭعيىقتىڭ تۇرعىندارى تۋرالى جۇمباقتار
ءوزى الىپ كەمەدەي،
داۋىلداپ ىقپايدى.
سۋ شاشىپ،تەلەگەي
مۇحيتتان شىقپايدى.
(كيت)
باسى دوعال،
مۇرتى بار.
اۋزى اپاڭداي،
ۇرتى بار.
ءتۇرى كيتكە ۇقسايدى.
(جايىن)
ىلگەگى بار ءداۋ ۇزىن،
كەرىپ اشسا اۋىزىن،
ساۋلە شاشىپ تىستەرى،
شاقىرادى قورەگىن.
(قارماقشى بالىق)
قاۋىرسىن مۇرت شەتىنەن،
جۇزەدى تەك شالقالاپ.
شاباقتى سۋ بەتىنەن
وڭاي ۇستار قالقالاپ.
(قاراباۋىر جايىن)
قاراساڭ كەلبەتىنە
تۇمسىعى نايزاداي.
شىعارىپ سۋ بەتىنە،
قاناتىن جايسا جاي،
كورىنەر كەمەدەي،
مۇحيتتا تەلەگەي.
(جەلكەندى بالىق)
تۇمسىعى – قايىقتىڭ كۇرەگى،
اۋزىمەن ءشوپ ءسۇزىپ جۇرەدى.
(ەسكەكتۇمسىق)
مايشاباقپەن سايىسپاي،
ءۇيىرىپ جۇرەر باسقارا.
تۇلعاسى ۇقساس قايىستاي
شۇباتىلعان تاسپاعا.
(بەلبەۋبالىق)
قاپتالعان سۇيەكتى ساۋىتپەن،
قورىقپاس ەشقانداي قاۋىپتەن.
سويديعان تىستەرى قاشاۋداي،
قورەگىن اساۋداي – اق اسايدى – اي.
(ساۋىتتىبالىق)
تۋلا بويى تولى ينە،
جاۋىن كورسە ول نەمە،
ەدىرەيىپ بۇرتىگى.
تۇرعان ءتۇسى كوز كورىپ،
شىعا كەلەر وزگەرىپ.
قارنىن ۇرلەپ الادى،
دوپقا ۇقساي قالادى.
(تىكەنقۇرساق)
جالتىراعان باۋىرى،
قۇددى كومىر تۇتىگى.
ءوزىنىڭ بار ءتاۋىرى،
ساۋلە شاشار تۇتىگى.
(ۇتىكبالىق)
قوشقىل جولاقتى،
ەرىنى ساعاقتى.
بۇكىل دەنەسى-
تەرەك تەڭگەسى.
(جاپىراقبالىق)
سۋدا وسەدى، ونەدى،
سىرتقا شىقسا، ولەدى.
(بالىق)
كۇمىسپەنەن اپتالعان،
تەڭگەمەنەن قاپتالعان.
(سازان)
قوماعايلىق جاسايدى،
شاباقتاردى اسايدى.
(شورتان)
سۇرقى ءبىر قارىس،
يتبالىققا ۇقسايدى.
ۇمتىلعاندا – جولبارىس،
سۇڭگىپ شاباق ۇستايدى.
(سۋشىلقارا)
جونى قارا تاقتايداي،
باۋىرى اپپاق ماقتاداي.
مەكەندەيدى مۇز –قاردى،
سۇيەدى تەك ىزعاردى.
بۇلعاڭدايدى، قاشپايدى،
اسىقپايدى، ساسپايدى،
مۇز ۇستىندە بيلەيدى،
ءبىراق بەلىن يمەيدى.
(پينگۆين)
سۋلى جەردى مەكەندەپ،
قۇرلىقتا دا سەكەندەپ،
شىبىن – شىركەي اڭديدى،
جەمگە قاشان جەتەم دەپ.
(باقا)
قاناتى جوق ۇشپايدى،
سۋ تۇبىندە قىستايدى.
(بالىق)
اياعى بار باسى بار،
ارقالاعان باسى بار.
(تاسباقا)
دەگەندەي ەشكىم تيمەسىن،
الىپتى قاداپ يەنسىن.
(كىرپى)
جەردى مەكەن ەتەدى،
كولدى دە مەكەن ەتەدى.
(باقا)
مىنا سىلتەمەلەردى دە قاراپ كورىڭىز:
سايتتاعى بارلىق جۇمباقتار
Cۋرەتتى جۇمباقتار
لوگيكالىق جۇمباقتار
مەتاگراممالار
الفاۆيت، ارىپتەر جۇمباقتار
جانۋارلار مەن قۇستار
You Might Also Like
