ماڭگىلىك جاسا، قىران ەلىم، قازاقستانىم!
ءبىز تاۋەلسىزدىكپەن بىرگە ءتىلىمىزدى تۇلەتتىك، ءدىنىمىزدى وركەندەتتىك، تامىرىمىزدى جالعاپ، ءسالت-داستۇرىمىزدى جاڭعىرتتىق.
قاسىم-جومارت توقايەۆ كەمەل ۇلى
قازاقستان مەملەكەتى – مەنىڭ وتانىم، تۋعان جەرىم، العاش كىندىك قانىم تامعان اسىل ولكە. ءاربىر ادام ءۇشىن ەڭ اسىل قازىناسى - تۋعان جەرى، وعان دەگەن بيىك ماحابباتى. مەنىڭ وتانىم تاۋەلسىزدىگىن العان، دامىعان ەلۋ ەلدىڭ قاتارىنداعى تۇعىرى بيىك ەل.
بۇل تاۋەلسىزدىك وڭاي كەلگەن جوق. تاۋەلسىزدىگىمىز XV عاسىردا كەرەي مەن جانىبەك باستاعان قايسار دا، رۋحتى حالىقتىڭ كەڭ بايتاق دالاسىندا قازاق حاندىعىنىڭ ىرگەتاسىن قالاۋدان باستالدى. قازاق حالقىن قۇرىپ كەتۋ قاۋپىنەن ساقتاپ قالعان، جەرىن جاۋعا بەرمەي ۇلان بايتاق ولكەسىن قازاق ەلىنە ماڭگى قونىستاندىرۋ ماقساتىندا جارعاق قۇلاعى جاستىققا تيمەي، ەلىم دەپ ەڭىرەپ وتكەن حاس باتىرلار قانشاما دەسەڭىزشى! مەن ەكى رەت اشارشىلىقتان، ۇلى وتان سوعىسىنان، بوداندىقتان امان شىعىپ، بيىك اسپان كوگىندە قىرانداي سامعاعان قازاقستانىممەن ماقتانامىن!
مىنا التىن كۇنى الاۋلاعان زەڭگىر اسپاننىڭ اياسىندا باياۋ قالىقتاعان دالا بۇركىتى قازاقتىڭ دارقان، ءبىتىمشىل، بەيبىت كوڭىلىن شىرقاۋ بيىككە الىپ شىققانداي.
حوش، ەلىمىزدىڭ تاۋەلسىزدىك العالى جەتكەن جەتىستىكتەرىمىز بەن قول جەتكىزگەن تابىستارىمىزعا كوز جىبەرتىپ كورەيىكشى. تاۋەلسىزدىككە قول جەتكىزگەن ساتتەن باستاپ، ءوز ەلىن جارقىن بولاشاققا جەتەلگەن العاشقى كوشباسشىمىز ن. نازاربايەۆتىڭ، تۇعىرلى ەلدىڭ تۇتقاسىن قيسايتپاعان قازىرگى باسشىمىز قاسىم-جومارت كەمەل ۇلى توقايەۆتىڭ ەڭبەكتەرى ەرەن.
ءبىز 1992 جىلدان باستاپ ەڭ ىقپالدى، بەدەلدى ۇيىم بۇۇ-عا مۇشە بولدىق. 2011-دە "ازيادا-2011" سپورتتىق ويىندارىن، 2017-دە الەمدىك بەدەلىمىزدى ودان ءارى ءبىر ساتىعا جوعارىلاتقان "Expo-2017" كورمەسىن وتكىزدىك. دامۋشى ەلۋ ەلدىڭ قاتارىندامىز. از عانا ۋاقىت ىشىندەگى جەتكەن جەتىستىكتەرىمىز مۇنىمەن بىتپەك ەمەس.
قازاقستان – مەنىڭ وتانىم، مەن ءۇشىن جاۋاپتى ەكەنى سياقتى مەن دە ول ءۇشىن جاۋاپتىمىن. ۇستازدارىمىز ايتقانداي، ادامگەرشىلىگى مول، تاربيەلى ادام – كەز-كەلگەن مەملەكەتتىڭ بايلىعى، الەۋمەتتىك ومىردەگى بەيبىتشىلىك پەن مادەنيەتتىڭ كەپىلى. ۇلتتىڭ جوعالماۋى ۇلى ۇرپاقتىڭ عانا قولىنان كەلەتىنىن انىق بىلەمىز.
قورىتىندىلاي كەلە، تاعىلىمى مول تاريحىمىزبەن، ۇلى تالىمىمىزبەن ءبىز الداعى اسۋلاردى القىنباي اساتىنىمىزعا سەنىمىم مول. مەن "XXI – عاسىر قازاقستاننىڭ "التىن عاسىر" بولارىنا، ماڭگىلىك ەل بولۋ جولىنداعى ۇلى ىستەرىمىز بەن الداعى داۋىرلەرىمىزگە جول اشىلارىنا سەنەمىن. قازاقتىڭ ماڭگىلىك عۇمىرى ءبىزدىڭ ماڭگىلىك بولاشاعىمىزدى باياندى ەتۋگە ارنالادى. تاۋەلسىزدىك تۋىن قۇلاتپاي بەكەم ۇستاپ، ۇلان-عايىر جەرىمىزگە يەلىك ەتۋ، قايسار اتا-بابا جولىن ۇستاۋ – نامىستى، جىگەرلى، ءبىلىمدى جاستاردىڭ قولدىنا! ماڭگىلىك جاسا، قىران ەلىم، قازاقستانىم!
قۇربانبايەۆا فاريزا نۇربولات قىزى
You Might Also Like
-
بۇگىندە وتانىمىزدىڭ جەتىستىكتەرى – ءاربىر ازاماتتىڭ ۇلتتىق ماقتانىشى. كۇشتى، قۋاتتى مەملەكەتتەر عانا ۇزاقمەرزىمدىك جوسپارلاۋمەن، تۇراقتى ەكونوميكالىق وسۋمەن اينالىسادى. «قازاقستان-2050&r...
