ينتەرنەت - 21 عاسىردا جاستاردىڭ ساناسىن ۋلاپ جاتىر ما؟
ينتەرنەت نەگىزىنەن، دۇرىس ايتىلىپ، جازىلۋى - عالامتور. قىزىق ەستىلەدى! يا. مانىنە تەرەڭ ۇڭىلسەك عالامتور، ياعني عالامدىق تور. كومپيۋتەردەگى اقپاراتتار مەن قۇجاتتاردى، گيپەرماتىندەردى بايلانىستىراتىن تور.
ينتەرنەت - عالامدىق تور. ينتەرنەت اتاۋى - 1983 جىلى بەرىلگەن. سول جىلدان باستاپ وسى ۋاقىتقا دەيىن پايدالانۋشىلار سانى 1،5 ملرد ادامنان اسقان.
زامان اعىمى - ءومىر تالابى. عالامدىق تورعا شىرمالىپ، ءوزىمىز سول الەۋمەتتىك جەلىنىڭ جارق-جۇرق ەتكەن قىزىعىنان شىعا الماي جاتىرمىز. جاستاردىڭ كوبى دەپ، جاستارعا بۇل كىنانى ارتا بەرۋگە دە بولمايدى. سەبەبى، ءقازىر ەڭبەكتەگەن بالادان، ەڭكەيگەن قارتقا دەيىن وسى، الەۋمەتتىك جەلىنىڭ تۇراقتى كورەرمەندەرى. ۇيقىسىن اشا سالىپ، كوزى جۇمىلعانشا سول ۆيرتۋالدى ءومىردى قىزىقتاپ وتىرادى. ال شىندىعىنا كەلسەك، ۆيرتۋالدى ءومىردىڭ بىزگە تيگىزەر پايداسى مەن زيانىن بىلەمىز بە؟
ءبىرىنشى كەزەكتە بارىنە ۇنايتىنى، الەۋمەتتىك جەلى پايدالى، بارلىق كەرەك جاراعىڭدى الاسىڭ، ءىشى قىزىققا تولى. ارينە، بۇل سوزبەن كەلىسەمىن. الەۋمەتتىك جەلىنىڭ پايداسى، بىرىنشىدەن، كوپتەگەن دوستار تاباسىڭ، «ايشىلىق الىس جەرلەردەن، جىلدام حابار العىزعان دەمەكشى»، الىس-جاقىن ادامدارمەن سويلەسىپ، ساعىنىشىڭدى باساسىڭ؛ ەكىنشىدەن، سوڭعى جاڭالىقتار، الەمدە نە بولىپ جاتىر بارلىعىن سىرتقا شىقپاي-اق، جاڭالىقتار قاراماي اق ءبىلىپ وتىرامىز؛ جاي عانا ەستىپ بىلمەي-اق پىكىرلەرىمىزبەن ءبولىسىپ حات الماسا الامىز؛ ۇشىنشىدەن، فيلمدەر، مۋزىكا جانە دە كىتاپتاردىڭ ەلەكتروندى نۇسقالارىن الىپ وقۋعا، كورىپ تاماشالاۋعا بولادى؛ كونسپەكت، شىعارمالار، لەكسيالاردى الىپوقۋعا دا بولادى؛ تورتىنشىدەن، ەڭ باستىسى ءوزىڭنىڭ جەكە بيزنەسىڭدى دامىتۋعا مۇمكىندىك الا الاسىڭ، ياعني ونلاين تۇردە ۇيدەن شىقپاي-اق اقشا تاۋىپ، كليەنتەرمەن الىس بەرىس جۇمىستارىن جاساۋعا دا وتە پايدالى.
«تاياقتىڭ ەكى ۇشى بار»سەكىلدى، الەۋمەتتىك جەلىنىڭ دە تيگىزەر زيانى وراسان زور. بىرىنشىدەن، ومىردەگى ەڭ قۇندى زات-ۋاقىتىمىزدى زايا كەتىرەمىز. بۇل ومىردە بارىنەن اقىلدى-ۋاقىت. سەبەبى، ول ءبارىنىڭ سىرىن اشادى، دەرتىن جازادى. ال، بوسقا كەتكەن ۋاقىتتى قۋاپ الساڭدا جەتە الامايسىڭ؛ ەكىنشىدەن، دەنساۋلىعىمىزعا ءقاۋىپ تونەدى. كوزدىڭ كورۋى ناشارلايدى، ومىرتقا، ارقا جولدارىنىڭ اۋىرسىنۋى بولادى، ميعا زاقىم كەلەدى، ادامنىڭ تاماققا دەگەن تابەتى ناشارلايدى. ۇشىنشىدەن، الەۋمەتتىك جەلى ادامدى وزىنە تاۋەلدى ەتەدى. كۇندىز-تۇنى ۆامپير ادام سەكىلدى ۆيرتۋالدى الەمنىڭ قىزىعىندا اس-سۋسىز بىرنەشە ساعاتتاپ، ۇيقتاماي وتىرا بەرەدى. بۇل جاعداي جاستارىمىزدىڭ اراسىندا وتە قاتتى بەلەڭ الىپ تۇرعان ماسەلە. تورتىنشىدەن، الەۋمەتتىك جەلىدەن ءتۇرلى نارسەلەردى كورىپ قايتالايمىن دەپ، اقىر سوڭى قايعىلى اياقتالىپ جاتادى. ياعني، ءوزىن-وزى سۋيسيدكە يتەرمەلەيدى. سوڭعى ەكى ءۇش جىل تۋرىسىندا ەلىمىزدە بىرنەشە ناقتى دەرەكتەر تىركەلدى. اتا-اناسىنان جىراقتاپ، سول الەمنىڭ قىزىعىندا جۇرەدى. وتە قاتتى اگرەسيۆتى كۇيدە بولادى. مىنە، پايداسى مەن قاتار اكەلەتىن زيانى قانشاما؟!
جالپى ايتقاندا، الەۋمەتتىك جەلى بىزگە قاجەت پە؟ الەۋمەتتىك جەلى ءقازىر كۇننەن كۇنگە دامىپ كەلە جاتىر. ءبىز ونى پايدالانباڭدار دەپ، تيىم سالا الايمىز. سەبەبى، بارلىق تابىس پەن ءبىلىمنىڭ كوزى، بولاشاقتىڭ قاينارى دەپ الەۋمەتتىك جەلىنى اتايدى. ءبىراق تا، بەلگىلى ءبىر ءتارتىپ ارقىلى پايدالانىپ نەمەسە شاعىن كۇن ءتارتىبىن قۇراستىرىپ قولدانساق وزىمىزگە تيگىزەر پايداسى جاقسى بولار ەدى. كەرەكسىز زاتتاردى قاراپ قۇر بوسقا ۋاقىت وتكىزگەنشە، پايدالى جاعىنا نازار اۋدارعان ءجون.
بۇگىنگى كۇنى جاستاردىڭ اراسىندا الەۋمەتتىك جەلى كەڭىنەن ءورىس الىپ تۇرعان ماسەلە. جوعارىدا ايتىپ وتكەندەي، پايداسى مەن قاتار زيانى دا بارشىلىق. جاستار تاۋەلسىز ەلدىڭ جارقىن بولاشاعى. ءبىز الەۋمەتتىك جەلىنى قىزىق ءۇشىن بولماسا، ۋاقىت كەتىرۋ ءۇشىن ەمەس ەلگە پايداسى تيەتىندەي زاتتارعا جۇمساۋىمىز قاجەت. كىتاپتى جان سەرىگىڭ ەتىپ، ال، الەۋمەتتىك جەلىنى كومەكشى قۇرال رەتىندە پايدالانساق بۇل ءبىر كەرەمەت وقيعالاردىڭ اششىلۋىنا الىپ كەلەر ەدى دەپ ويلايمىن!
گۇلىمكوز ورىنگازييەۆا
You Might Also Like
-
ەكونويمكانى وركەندەتۋ ءار مەملەكەتتىڭ باستى ماقساتى ول ماقستقا جەتۋ ءۇشىن ءوز ونىمدەرىن الەمدىك نارىققا شىعارۋ كەرەك.
-
الماتى قالاسىنىڭ تۇرعىنى، جاس پسيحولوگ اسقار قىزى دانا حانىممەن سۇحبات.
