Photo: Ayazhan (https://www.pexels.com/@ayazhan-3173683) / Pexels
ماڭعىستاۋدا جولداردا "سۇزگى" بەكەتتەرى ىسكە قوسىلدى: جۇرگىزۋشىلەردى ىرىكتەپ تەكسەرۋ
ماڭعىستاۋ وبلىسىندا جول قاۋىپسىزدىگىن ارتتىرۋ ماقساتىندا جاڭا فورماتتاعى باقىلاۋ جۇيەسى ەنگىزىلدى. "سۇزگى" بەكەتتەرى ارقىلى جۇرگىزۋشىلەر قالاي تەكسەرىلەدى؟
بۇل تۋرالى Infohub.kz اقپارات اگەنتتىگى حابارلايدى.
وبلىس اۋماعىنداعى جولداردا جاڭاشا باقىلاۋ جۇيەسى – «سۇزگى» بەكەتتەرى جۇمىس ىستەي باستادى. بۇل جۇيەنىڭ نەگىزگى ماقساتى – جول قوزعالىسىن رەتتەۋ جانە جۇرگىزۋشىلەردى ىرىكتەپ تەكسەرۋ ارقىلى قاۋىپسىزدىكتى كۇشەيتۋ.
جولداعى جاڭا باقىلاۋ جۇيەسى قالاي جۇمىس ىستەيدى؟
وڭىرلىك پوليسيا دەپارتامەنتى پاترۋلدىك پوليسيا روتاسىنىڭ كومانديرى تايمان انشىبايەۆتىڭ ايتۋىنشا، «سۇزگى» بەكەتتەرى – بۇل ارنايى ۇيىمداستىرىلعان ۋچاسكەلەر. مۇندا جولدىڭ ەنى ۋاقىتشا تارىلتىلىپ، كولىك اعىنىنىڭ جىلدامدىعى ازايتىلادى. وسىلايشا، جۇرگىزۋشىلەردى توقتاتىپ، قۇجاتتارىن تەكسەرۋگە جانە جول ەرەجەلەرىن ساقتاۋىن باقىلاۋعا مۇمكىندىك تۋادى.
قازىرگى تاڭدا مۇنداي بەكەتتەردىڭ ءبىرى اقتاۋ-بەينەۋ اۆتوجولىنىڭ 144-شاقىرىمىندا، شەتپە اۋىلى ماڭىندا ورنالاسقان. مۇندا پاترۋلدىك پوليسيا قىزمەتكەرلەرى جۇرگىزۋشىلەرمەن پروفيلاكتيكالىق اڭگىمەلەر جۇرگىزىپ، جول ەرەجەلەرىنىڭ ساقتالۋىن قاداعالايدى.
جوبانىڭ تيىمدىلىگى
تايمان انشىبايەۆتىڭ مالىمەتىنشە، بۇل جوبا كولىك ينسپەكسياسىمەن بىرلەسىپ اتقارىلۋدا جانە ءقازىردىڭ وزىندە وڭ ناتيجەلەر كورسەتىپ ۇلگەرگەن. «سۇزگى» بەكەتتەرىن ەنگىزۋ ارقىلى جول قاتىسۋشىلارى ءۇشىن ءقاۋىپسىز ورتا قالىپتاستىرۋ جانە وڭىردەگى جول-كولىك وقيعالارىنىڭ سانىن ازايتۋ كوزدەلگەن.
«جۇرگىزۋشىلەردى جاڭا تالاپتاردى تۇسىنىستىكپەن قابىلداپ، جول ەرەجەلەرىن قاتاڭ ساقتاۋعا شاقىرامىز»، - دەدى تايمان انشىبايەۆ.
ەستەرىڭىزگە سالا كەتەيىك، 2026 جىلدىڭ 12 ناۋرىزىنان باستاپ قازاقستاندا جۇرگىزۋشىلەردىڭ كولىك جۇرگىزۋ كەزىندە ۇيالى تەلەفوندى پايدالانعانىن اۆتوماتتى تۇردە انىقتايتىن وزگەرىستەر كۇشىنە ەنگەن بولاتىن. ەندى ينسپەكتوردىڭ قاتىسۋىنسىز، جاڭا تەحنولوگيالاردى قولدانۋ ارقىلى بۇزۋشىلىقتار ءۇشىن ايىپپۇل سالىنادى.
-
Bakytzhan Yeshmaganbetov، formerly the prosecutor of Kobda district، has been appointed as the new prosecutor for Aktobe city، tasked with ensuring legal order.
-
A new system of 'filter' checkpoints has been launched in the Mangystau region to improve road safety by selectively inspecting drivers and vehicles.
