InfoHub Logo

ماڭعىستاۋ وبلىسىنىڭ ماڭعىستاۋ اۋدانىندا انومالدى اۋا رايى سالدارىنان 100-دەن استام جىلقى قىرىلدى. بۇل تۋرالى Lada.kz سايتىنا سىلتەمە جاساپ Tengrinews.kz حابارلادى.

قاتتى جاۋىن-شاشىننان كەيىن مالدار سور القاپتارعا باتىپ، كوبىسى قازا تاپتى. جەرگىلىكتى تۇرعىنداردىڭ ايتۋىنشا، ءار شارۋا قوراسىنان بىرنەشە باسقا دەيىن ون شاقتى جىلقى جوعالعان.

«قاتتى جاڭبىردان كەيىن اقشىمىراۋ اۋىلى ماڭىنداعى مال سۋعا كەتىپ، سور القاپقا باتتى. كوپتەگەن جىلقىلار تۇزدى باتپاققا كەپتەلىپ ءولدى، ال قالعاندارى شىعا الماي جاتىر. تجم مەن جەرگىلىكتى بيلىك كومەك كورسەتپەسە، جاعداي كۇردەلىلەنۋى مۇمكىن»، - دەپ جازدى اۋىل تۇرعىندارى.

ولار زاڭگەرلەر مەن جانۋارلار قۇقىعىن قورعاۋشىلاردى ماسەلەگە نازار اۋدارۋعا شاقىردى.

اكيمدىكتەن مالىمەت

ماڭعىستاۋ اۋدانى اكىمدىگىنىڭ حابارلاۋىنشا، جاعدايدى باعالاۋ ءۇشىن مەملەكەتتىك ورگاندار وكىلدەرىنىڭ قاتىسۋىمەن ارنايى كوميسسيا قۇرىلعان. الدىن الا دەرەكتەر بويىنشا 100-دەن استام جىلقى تابىلعان. قازىرگى ۋاقىتتا جەرگىلىكتى اتقارۋشى ورگاندار ولگەن مال سانىن ناقتىلاپ جاتىر، سەبەبى يەلەرى ءالى دە مال باسىن تولىق ەسەپتەي الماي وتىر.

الدىن الا باعالاۋ بويىنشا، مالدىڭ قىرىلۋىنا توتەنشە اۋا رايى – قاتتى جەل مەن نوسەر جاڭبىر سەبەپ بولعان. مال اداسىپ، جەتۋى قيىن اۋماقتارعا بارىپ، سۋعا شايىلعان جەردە قازا تاپقان. كەيبىر ۇيىرلەر ەلدى مەكەندەردەن 60-80 شاقىرىم قاشىقتىقتا قىرىلۋى مۇمكىن.

«زالالدى جويۋ ءۇشىن بارلىق كۇش پەن قۇرال جۇمىلدىرىلدى: وڭىردەگى ءىرى كاسىپورىنداردىڭ تەحنيكالارى، تج قىزمەتتەرى جانە جەرگىلىكتى اتقارۋشى ورگاندار تارتىلدى. سۋدى سورۋ جانە قالپىنا كەلتىرۋ جۇمىستارى كۇشەيتىلگەن رەجيمدە جالعاسۋدا. جاعداي ەرەكشە باقىلاۋدا. مال يەلەرىمەن جۇمىس جۇرگىزىلىپ، زاماناۋي مونيتورينگ قۇرالدارى مەن ارنايى تەحنيكالار پايدالانىلۋدا»، - دەپ حابارلادى ماڭعىستاۋ اۋدانى اكىمدىگى.