InfoHub Logo

جاس شاحماتشىلار جاۆوحير سينداروۆ پەن بيبيسارا اساۋبايەۆانىڭ ۇيلەنۋ تويى تۋرالى قاۋەسەتتەرگە نۇكتە قويىلدى. وزبەكستاندىق گروسسمەيستەردىڭ اجەسى نەمەرەسى مەن قازاقستاندىق شاحماتشى قىزدىڭ اراسىنداعى قارىم-قاتىناسقا قاتىستى پىكىرىن ءبىلدىردى.

بۇل تۋرالى Infohub.kz اقپارات اگەنتتىگى حابارلايدى.

دوستىقتان باسقا ەشتەڭە جوق

ەكى جاس سپورتشىنىڭ دا جوعارى جەتىستىكتەرىنە قاراماستان، جانكۇيەرلەردىڭ نازارى سوڭعى كەزدەرى ولاردىڭ جەكە ومىرىنە اۋدارىلىپ ءجۇر. مۇنداي پىكىرتالاسقا بيبيسارا اساۋبايەۆانىڭ الەۋمەتتىك جەلىدە سينداروۆتى «مەنىڭ چەمپيونىما» دەپ، جۇرەك ەمودزيىمەن قۇتتىقتاۋى سەبەپ بولدى.

جاعدايعا قاتىستى پىكىر بىلدىرگەن سپورتشىنىڭ اجەسى، ولاردىڭ اساۋبايەۆامەن بالا كەزىنەن تانىس ەكەنىن اتاپ ءوتتى:

«ازىرگە ولار دوس. الدىن الا ەشتەڭە ايتۋ قيىن. ءبىز بيبيسارانى جاس كەزىنەن بىلەمىز، ءجيى كورىسىپ تۇراتىنبىز، بىرگە شاحمات وينايتىن. ءقازىر ولار دوس. الدا نە بولاتىنىن بىلمەيمىز. ەگەر ءبىر كۇنى ول: «ماعان وسى قىز ۇنايدى، مەن ونى جاقسى كورەمىن» دەسە، ءبىز ونىڭ تاڭداۋىن قۇپتايمىز»، - دەدى ول zamin.uz پورتالىنا بەرگەن سۇحباتىندا.

تۋرنيردەگى جەتىستىكتەر

سپورتشىلاردىڭ اراسىنداعى قارىم-قاتىناسقا دەگەن قىزىعۋشىلىق، ولاردىڭ كيپردىڭ پافوس قالاسىندا وتكەن «ۇمىتكەرلەر ءتۋرنيرى – 2026» بايقاۋىنداعى تاماشا ويىندارىنان كەيىن ارتتى.

جاۆوحير سينداروۆ ەرلەر اراسىنداعى تۋرنيردە تاريحي جەتىستىككە جەتتى. وزبەكستاندىق 20 جاستاعى گروسسمەيستەر جارىستا بىردە-بىر رەت جەڭىلمەي، مەرزىمىنەن بۇرىن جەڭىمپاز اتاندى. بۇل جەڭىس وعان الەم چەمپيونى اتاعى ءۇشىن قازىرگى يەگەر گۋكەش دوممارادجۋمەن كەزدەسۋگە جولداما بەردى.

ال ايەلدەر اراسىنداعى تۋرنيردە بيبيسارا اساۋبايەۆا قازاقستان تاريحىنداعى ۇزدىك ناتيجەنى كورسەتتى. گروسسمەيستەر جارىس بويى كوش باستاپ، اقىرى ءۇندىستاندىق شاحماتشى ۆايشالي رامەشبابۋدان نەبارى جارتى ۇپايعا قالىپ، ەكىنشى ورىنعا يە بولدى.

ءدال وسى پافوستا اساۋبايەۆا سينداروۆتى جەڭىسىمەن العاشقىلاردىڭ ءبىرى بولىپ قۇتتىقتاپ، بەرگەن سۇحباتىندا ونى ماقتان تۇتاتىنىن جانە ونىڭ جەتىستىگىنىڭ لايىقتى ەكەنىن ايتتى.

سپورتشىلار تۋرالى

بيبيسارا اساۋبايەۆا – ەكى دۇركىن الەم چەمپيونى، ايەلدەر اراسىنداعى گروسسمەيستەر. قازاقستان ايەلدەر قۇراماسىنىڭ كوشباسشىسى.

جاۆوحير سينداروۆ – تاريحتاعى ەڭ جاس گروسسمەيستەرلەردىڭ ءبىرى (12 جاسىندا ءنورماتيۆتى ورىنداعان). وزبەكستان قۇراماسى ساپىندا شاحماتتان الەمدىك وليمپيادانىڭ جەڭىمپازى.