Photo: Pixabay (https://www.pexels.com/@pixabay) / Pexels
ماڭعىستاۋداعى بوقتى تاۋى الەمدىك باسىلىمنىڭ جۇلدىزىنا اينالدى
ماڭعىستاۋدىڭ قاراقيا اۋدانىندا ورنالاسقان، ءوزىنىڭ تاڭعاجايىپ بەدەرىمەن ەرەكشەلەنەتىن بوقتى تاۋىنىڭ سۋرەتى شەتەلدىك The Trillionaire Life جۋرنالىندا جاريالاندى. بۇل جۋرنالدىڭ Instagram پاراقشاسىندا 12 ميلليوننان استام وقىرمان بار.
بۇل تۋرالى Infohub.kz اقپارات اگەنتتىگى حابارلايدى.
تاۋدىڭ ەرەكشەلىگى
جۋرنال پاراقشاسىندا بوقتى تاۋىنىڭ بىرەگەيلىگى ونىڭ تەرەڭ گەولوگيالىق تاريحىمەن بايلانىستى ەكەنى اتاپ وتىلگەن. ميلليونداعان جىل بۇرىن قازىرگى ماڭعىستاۋ اۋماعى ەجەلگى مۇحيتتىڭ ءتۇبى بولعان. سۋدىڭ شەگىنۋىنەن كەيىن شوگىندى قاباتتار قاتايىپ، ەروزيانىڭ اسەرىنەن ءشول دالادا جالعىز تۇرعان مۇسىنگە ۇقساس ەرەكشە پىشىنگە يە بولعان.
تابيعاتتىڭ تاماشا تۋىندىسى
باسىلىمدا بوقتى تاۋىنىڭ اينالاسىندا وسىمدىكتەردىڭ جوقتىعى، شەكسىز دالانىڭ كوكجيەك پەن اسپانمەن ۇشتاسىپ جاتۋى، ال ءوزى بيىككە ۇمتىلعان تاۋدىڭ ەرەكشە بەدەرىمەن جانە ايقىن سيلۋەتىمەن ەرەكشەلەنىپ تۇراتىنى ايتىلادى.
جۋرنالدىڭ مالىمەتىنشە، بوقتى تاۋى شەتەلدىك ساياحاتشىلار ءۇشىن قازاقستاننىڭ تابيعي كەرەمەتتەرىنىڭ ءبىرى جانە ەلگە كەلگەن كەزدە مىندەتتى تۇردە باراتىن ورىنداردىڭ ءبىرى بولىپ سانالادى. تابيعي لاندشافتى، تاڭعاجايىپ كورىنىسى جانە باسقا الەمدە جۇرگەندەي اسەر قالدىراتىن بۇل جەر ايماققا كەلگەن قوناقتارعا ۇمىتىلماس اسەر سىيلايدى.
بۇعان دەيىن امەريكاندىق Washington Post گازەتىندە ماڭعىستاۋ وبلىسىنىڭ كورىكتى جەرلەرى تۋرالى ماقالا جاريالانعانىن ەستەرىڭىزگە سالامىز.
-
Russia closely monitors Armenia's engagement with Western nations، hinting at potential consequences for its membership in the Collective Security Treaty Organization.
-
The unique natural wonder of Bokty Mountain in Kazakhstan has been featured by The Trillionaire Life magazine، captivating its millions of followers.
