InfoHub Logo

ماڭعىستاۋ وبلىسىنداعى تۇرعىن ءۇي قورىنىڭ جاي-كۇيى تۋرالى قىزىقتى دەرەكتەر جاريالاندى. قازاقستاننىڭ ۇلتتىق ستاتيستيكا بيۋروسى تاراتقان مالىمەتتەرگە سۇيەنسەك، وڭىردەگى تۇرعىن ۇيلەردىڭ باسىم بولىگى XXI عاسىردىڭ باسىندا سالىنعان.

بۇل تۋرالى Infohub.kz اقپارات اگەنتتىگى حابارلايدى.

تۇرعىن ءۇي قورىنىڭ جالپى كولەمى

ستاتيستيكاعا سايكەس، ماڭعىستاۋ وبلىسىنداعى تۇرعىن ءۇي قورىنىڭ جالپى اۋدانى 19 408،9 مىڭ شارشى مەتردى قۇرايدى. بۇل كورسەتكىش قالا مەن اۋىلدىق جەرلەردە شامامەن تەڭدەي ۇلەستىرىلگەن.

ۇيلەردىڭ سانى مەن ورنالاسۋى

وبلىستا بارلىعى 80 005 تۇرعىن ءۇي بار. ونىڭ تەك 7 974ء-ى قالا اۋماعىندا ورنالاسقان. بۇل ساننىڭ 6 198ء-ى – جەكە تۇرعىن ۇيلەر (ءجتۇ)، 1 776-ى كوپپاتەرلى تۇرعىن ۇيلەر (كپتۇ). ال باسىم كوپشىلىگى، ياعني 72 031 ءۇي اۋىلدىق جەرلەردە شوعىرلانعان. ونىڭ ىشىندە 69 167ء-سى ءجتۇ، 2 864ء-ى كپتۇ.

قورىتىندىلاي كەلگەندە، ماڭعىستاۋدا 75 365 جەكە تۇرعىن ءۇي جانە 4 640 كوپپاتەرلى تۇرعىن ءۇي بار.

قۇرىلىس قارقىنى

شيەۆچەنكو (اقتاۋ) قالاسىنىڭ ىرگەسى قالانعان 1960-شى جىلداردىڭ باسىنان باستاپ كوپپاتەرلى تۇرعىن ۇيلەردىڭ قۇرىلىسى بەلسەندى جۇرگىزىلدى. الايدا، كوپپاتەرلى جانە جەكە ۇيلەردىڭ قۇرىلىسى قارقىن العان نەگىزگى كەزەڭدەر 2010 جىلدان كەيىنگى ۋاقىتقا تيەسىلى.

ستاتيستيكالىق دەرەكتەرگە قاراعاندا، 1970 جىلعا دەيىن وبلىستا 1 813 ءۇي پايدالانۋعا بەرىلسە، 2011–2015 جىلدارى – 20 820 ءۇي، 2016–2020 جىلدارى – 19 302 ءۇي، 2021–2025 جىلدارى – 5 468 ءۇي، 2011–2005 جىلدارى – 7 208 ءۇي، 1996–2000 جىلدارى – 2 290 ءۇي سالىنعان. 1971-1995 جىلدار ارالىعىنداعى ۇيلەردىڭ سانى ازداۋ.

قۇرىلىس ماتەريالدارى

ماڭعىستاۋ وبلىسىندا اعاشتان سالىنعان تۇرعىن ۇيلەردىڭ سانى وتە از. بارلىق 80 005 ءۇيدىڭ نەگىزگى قۇرىلىس ماتەريالى – كىرپىش جانە تاس (77 423 ءۇي). سونىمەن قاتار، وبلىستا 106 ءىرى پانەلدى، 81 ءىرى بلوكتاردان سالىنعان، 311 تەمىربەتوندى، 1 300 راكۋشەچنيك (قابىرشاق تاس) جانە 834 باسقا دا قابىرعا ماتەريالدارىنان تۇرعىزىلعان ۇيلەر بار.

پاتەرلەردىڭ سانى مەن بولمەلەر

ماڭعىستاۋدا بارلىعى 210 964 پاتەر بار. ونىڭ باسىم بولىگى ەكى بولمەلى پاتەرلەر – 64 485. ءۇش بولمەلى پاتەر – 49 557، ءبىر بولمەلى – 33 461، ءتورت بولمەلى – 33 005، بەس بولمەلى – 19 357، ال التى جانە ودان دا كوپ بولمەلى پاتەرلەر 11 099-دى قۇرايدى.

جەكە ۇيلەردەگى بولمەلەر

ءوز ءۇيىن سالعان كەزدە ماڭعىستاۋلىقتار كوبىنەسە ءتورت بولمەلى (21 373)، بەس بولمەلى (16 530) جانە ءۇش بولمەلى (12 256) ۇيلەردى تاڭدايدى. التى جانە ودان دا كوپ بولمەلى ۇيلەر ءجتۇ اراسىندا 10 266 نىساندى قۇرايدى. ەكى بولمەلى ۇيلەر – 9 355، ءتىپتى ءبىر بولمەلى ۇيلەر دە كەزدەسەدى – 5 315.