ماقالعا تەرەڭ ۇڭىلسەك
اۋزى-مۇرتى
«قويا جەسەڭ قوي قالار،
تارتا جەسەڭ تاي قالار»
بۇيتە بەرسەڭ اشتان قاتىپ،
ارتىڭدا مال، جاي قالار.
قاتىنىڭدى بىرەۋ قۇشىپ،
ىرىككەنىڭدى ۇرتتاپ ءىشىپ،
اۋزى-مۇرتى مايلانار.
بار ارمان
جۇمىر باستى پەندەڭىز،
ىشىپ-جەۋگە جارالعان.
سوندىقتان دا جەمقورلىق،
قان تامىرداي تارالعان.
-قورىقپايسىز با دەگەنمەن،
قۇرىلار دەپ تور الدان؟
-ونى ويلاۋعا ۋاقىت جوق،
مولىراق قارپۋ بار ارمان.
قايقايدى
– ۇرلىق جاساپ بايىعاندى كورمەدىم.
- ال ءوزىڭىز...
– ءوي، انت اتقىر...
بار بولعانى ەرمەگىم.
قول بۇلعادى
« سۇمىراي كەلسە، سۋ قۇريدى» دەۋشى ەدى،
سونىڭ شىنعا اينالعانى-اۋ بۇل-داعى.
ءاربىر ۇيگە سۋ بەرەتىن قۇبىرلار،
قىس تۇسپەي-اق «قۇرعادى».
سۇعاناقتار قاراجاتتى جىمقىرعان،
كوپ كەشىكپەي تۇرمەدەن قول بۇلعادى.
سۇلەيمەن بايازيتوۆ
You Might Also Like
-
ەلباسى مەملەكەتتىك ءتىلدى لاتىن قارپىنە كوشىرۋ جونىندەگى جوبانى ىسكە اسىرۋ ءۇشىن قۇرىلعان جۇمىس توبىنىڭ مۇشەلەرىمەن كەزدەستى.
